ប្រេងសាំងរក្សាតម្លៃ ៤១៥០រៀលមួយលីត្រ ខណៈម៉ាស៊ូតឡើង ៥០រៀល ក្នុងសប្តាហ៍នេះ

ក្រសួងពាណិជ្ជកម្ម បានប្រកាសថា ប្រេងសាំងធម្មតារក្សាតម្លៃដដែល ៤ ១៥០ រៀល/លីត្រ ខណៈប្រេងម៉ាស៊ូតឡើងថ្លៃ ៥០រៀល ស្មើនឹង ៤១៥០រៀល ដោយតម្លៃនេះចាប់អនុវត្តពីថ្ងៃនេះ ដល់ថ្ងៃទី ២១ មករា ឆ្នាំ ២០២៤។ នេះបើតាម​ប្រកាសក្រសួងពាណិជ្ជកម្មកម្ពុជា។

បច្ចុប្បន្ន​នេះប្រេងឥន្ធនៈដែលកម្ពុជាប្រើប្រាស់ បាននាំចូលពីប្រទេសសិង្ហបុរី ថៃ និងវៀតណាម។ ក្រុមហ៊ុនលក់​រាយនៅកម្ពុជា ដែលនាំចូលប្រេងឥន្ធនៈ មានដូចជា ក្រុមហ៊ុនតេលា សូគីម៉ិច ប៉ាប៉ា សាវីម៉ិច លឹមឡុង និងក្រុម​ហ៊ុនមួយចំនួនទៀត។ ចំណែកក្រុមហ៊ុនបរទេស ដែលនាំចូលប្រេងឥន្ធនៈមកស្រុកខ្មែរ រួមមាន ក្រុមហ៊ុនតូតាល់ កាល់តិច និងក្រុមហ៊ុនភីធីធី។ នេះបើតាមការបញ្ជាក់របស់អ្នកនាំពាក្យក្រសួងពាណិជ្ជកម្ម លោក ប៉ែន សុវិជាតិ។

សូមបញ្ជាក់ថា ក្រសួងពាណិជ្ជកម្ម បានចេញតម្លៃលក់រាយរៀងរាល់ ១០ថ្ងៃម្តង ដើម្បីឆ្លើយតបឱ្យទាន់និន្នាការនៃការប្រែ​ប្រួលថ្លៃប្រេងឥន្ធនៈនៅលើសកលលោក៕