ព័ត៌មានជាតិ

ពាណិជ្ជកម្មកម្ពុជា-ឥណ្ឌូណេស៊ីកើនឡើងខ្លាំងជាង ១៥០ភាគរយ នៅឆ្នាំ ២០២៣

បានផុស

១២ ខែ មុន

នៅ

ថ្ងៃសុក្រ ១២ មករា ២០២៤

ដោយ

ទំហំពាណិជ្ជកម្មកម្ពុជា ឥណ្ឌូណេស៊ី បានហក់ឡើងខ្លាំងនៅឆ្នាំ ២០២៣ ពោលគឺ ១៥១ភាគរយ គិតជាទឹកប្រាក់ជាង ១ពាន់លានដុល្លារ។ នេះបើតាមយោងតាមរបាយការណ៍អគ្គនាយកដ្ឋានគយ និងរដ្ឋាករកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភពដដែលបញ្ជាក់ថា នាំចេញរបស់កម្ពុជា ទៅទីផ្សារឥណ្ឌូណេស៊ីសម្រេចបានទឹកប្រាក់ជាង ៩២លានដុល្លារ កើនឡើងជិត ១០ភាគរយ ខណៈដែលការនាំចូលមកវិញមានចំនួនទឹកប្រាក់ជាង ៩០០លានដុល្លារ កើនឡើងជាង ១៤ភាគរយ។

បើយោងតាមអគ្គនាយកដ្ឋានគយ ក្នុងរយៈពេល ១២ខែ ឆ្នាំ ២០២៣ ប្រទេសឥណ្ឌូណេស៊ី គឺជាដៃគូពាណិជ្ជកម្មធំទី៦ របស់កម្ពុជា ដែលនាំមុខដោយប្រទេសចិន អាមេរិក វៀតណាម ថៃ និងជប៉ុន។

កាលពីខែកញ្ញា ឆ្នាំ ២០២៣កន្លងទៅ ប្រទេសឥណ្ឌូនេស៊ី បានប្រកាសទិញអង្ករពីកម្ពុជាចំនួន ២៥ម៉ឺនតោន ក្នុង ១ ឆ្នាំ ដើម្បីធានាសុវត្ថិភាពស្បៀងអាហារនៅក្នុងប្រទេស ខណៈប្រទេសនេះ ក៏បានសន្យានឹងគាំទ្រហេដ្ឋារចនាសម្ព័ន្ធសន្តិសុខស្បៀងអាហារកម្ពុជា តាមរយៈការផ្គត់ផ្គង់ជី និងផ្តល់ការបណ្តុះបណ្តាលដល់ប្រជាកសិករផងដែរ។

សូមបញ្ជាក់ថា នៅឆ្នាំ ២០២២ ទំហំរពាណិជ្ជកម្មកម្ពុជា-ឥណ្ឌូណេស៊ី មានទឹកប្រាក់សរុបជាង ៩៤៨ លានដុល្លារ កើន ៤៨,៣ ភាគរយ ពីជាង ៦៣៩លានដុល្លារកាលពីឆ្នាំ ២០២១។ ក្នុងនោះទំនិញនាំពីប្រទេសឥណ្ឌូណេស៊ីមកកម្ពុជា មានចំនួនជាង ៩១១ លានដុល្លារ កើនឡើង ៥០ ភាគរយ និងទំនិញដែលកម្ពុជានាំទៅឥណ្ឌូណេស៊ីមានចំនួនជាង ៣៦ លានដុល្លារ កើន ១៥,៩ ភាគរយ។ នេះបើតាមអគ្គនាយកដ្ឋានគយ និងរដ្ឋាករកម្ពុជា៕

Related Topics:កម្ពុជា-ឥណ្ឌូណេស៊ី