ព័ត៌មានជាតិ
សមត្ថកិច្ចជលផលបង្ក្រាបរថយន្តដឹកលៀស៤៥ ការុងនៅខេត្តកំពង់ឆ្នាំង
សមត្ថកិច្ចខណ្ឌរដ្ឋបាលជលផលខេត្តកំពង់ឆ្នាំងបានចុះបង្ក្រាបការដឹកជញ្ជូនលៀសតូចៗ ចំណីសត្វចំនួន ៤៥ការុង ដែលត្រៀមមឡើងរថយន្ត ទៅលក់នៅប្រទេសវៀតណាម។
ករណីបង្ក្រាបនេះបានធ្វើឡើងនៅមាត់កំពង់ទឹក ក្នុងភូមិសេះស្លាប់ ឃុំឆ្នុកទ្រូ ស្រុកបរិបូណ៌ ខណៈប្រជាពលរដ្ឋសំណូមពរឱ្យរដ្ឋាភិបាលជួយទប់ស្កាត់បទល្មើសនេះផង។
![](https://www.kampucheathmey.com/wp-content/uploads/2024/01/photo_2024-01-14_13-50-04-1024x576.jpg)
លោក អ៊ូ សោភ័ណ្ឌ នាយរងខណ្ឌរដ្ឋបាលជលផលកំពង់ឆ្នាំងថ្ងៃអាទិត្យទី ១៤ ខែមករា នេះបានឱ្យដឹងថា ក្រោយពីទទួលបានព័ត៌មានពីប្រជាពលរដ្ឋលោកប្រធានមន្ទីរកសិកម្មខេត្ត និងលោកនាយខណ្ឌរដ្ឋបាលជលផលកំពង់ឆ្នាំងបានបញ្ជាឲ្យលោកដឹកនាំមន្ត្រីផ្នែករដ្ឋបាលផ្សារឆ្នាំង និងមន្ត្រីសង្កាត់ជលផលស្រុកបរិបូណ៌ ចុះពិនិត្យបទល្មើសនេសាទលួចដឹកលៀសល្អិតៗចំណីសត្វត្រៀមឡើងរថយន្តទៅលក់នៅប្រទេសវៀតណាម ដែលកើតមានឡើងនៅមាត់កំពង់ទឹក ក្នុងភូមិសេះស្លាប់ ឃុំឆ្នុកទ្រូ។
ពេលទៅដល់កន្លែងកើតហេតុសមត្ថកិច្ចបានពិនិត្យឃើញលៀសល្អិតៗសម្រាប់កិនធ្វើជាចំណីសត្វច្រកការុងចំនួន៤៥ការុងពណ៌ស រកម្ចាស់មិនឃើញសមត្ថកិច្ចក៏បានធ្វើការវះការុងលែងលៀសទាំងអស់នោះចោលក្នុងទឹកទន្លេវិញ។
![](https://www.kampucheathmey.com/wp-content/uploads/2024/01/photo_2024-01-14_13-50-04-2-1024x576.jpg)
ជាមួយគ្នានេះដែរនៅចំណុចជិតគ្នានេះសមត្ថកិច្ចក៏បានរកឃើញលៀលធំៗដែលគេសម្រាប់ហាលលក់ទីផ្សារក្នុងស្រុកចំនួន៥០ការុងផងដែរ ដែលច្បាប់បានអនុញ្ញាតឱ្យធ្វើការនេសាទ និងលក់ដូរក្នុងស្រុក។
ដោយឡែកមុនសមត្ថកិច្ចមកដល់នៅចំណុចមាត់កំពង់ទឹកភូមិសេះស្លាប់នេះ មានលៀសល្អិតៗប្រភេទលៀសចំណីសត្វមានចំនួន ១០០ ការុងដែលគេច្រកទុកនៅមាត់កំពង់ទឹកត្រៀមឡើងរថយន្តដឹកទៅលក់នៅប្រទេសវៀតណាម។ ប៉ុន្តែមុនពេលសមត្ថកិច្ចមកដល់មានរថយន្តបែនដឹកដីពណ៌សមួយបានលួចដឹកយកលៀសនេះចេញអស់៥៥ការុង ចេញទៅបាត់ហើយទើបសមត្ថកិច្ចមកដល់។
![](https://www.kampucheathmey.com/wp-content/uploads/2024/01/photo_2024-01-14_13-50-05-3-1024x576.jpg)
ប្រជាពលរដ្ឋនៅក្នុងភូមិសេះស្លាប់បានឱ្យដឹងថា មួយរយៈកន្លងមកនេះមានរថយន្តធុនធំ ៣គ្រឿង បានចូលមកដឹកលៀសប្រភេទលៀសចំណីសត្វនេះ ស្ទើរតែរៀង រាល់ថ្ងៃក្នុងមួយជើងៗរាប់រយតោន យកទៅលក់នៅប្រទេសវៀតណាម ដោយគ្មានការបង្ក្រាបពីសមត្ថកិច្ចនោះឡើយ។
ប្រជាពលរដ្ឋបានរិះគន់ថា សមត្ថកិច្ចជលផលនៅក្នុងខេត្តពោធិ៍សាត់ និងខេត្តកំពង់ធំ គេមិនបង្ក្រាបការនេសាទលៀសចំណីសត្វនេះទេ។ ហើយអ្នកនេសាទលៀសចំណីសត្វដែលច្បាប់ហាមឃាត់នេះ តែងលួចនេសាទនិងដឹកជញ្ជូនលៀ សមកលក់ឡើងរថយន្តនៅក្នុងភូមិសាស្ត្រឃុំឆ្នុកខេត្តកំពង់ឆ្នាំងយកទៅលក់នៅប្រទេសវៀតណាម។
![](https://www.kampucheathmey.com/wp-content/uploads/2024/01/photo_2024-01-14_13-50-05-1024x576.jpg)
ប៉ុន្តែនៅតាមផ្លូវជាតិរហូតដល់ប្រទេសវៀតណាមគេមិនដែលឃើញសមត្ថកិច្ចចាប់ឃាត់រថយន្តដឹកលៀសចំណីសត្វនេះឡើយ។ ករណីនេះប្រសិនបើសមត្ថកិច្ចច្រកទ្វារព្រំដែនមិនឲ្យលៀសចំណីសត្វនេះចេញទៅក្រៅបាននោះ ក៏គ្មានការនេសាទលៀសចំណីសត្វនេះនៅក្នុងបឹងទន្លេសាបយើងដែរ។
ករណីនេះប្រជាពលរដ្ឋសំណូមពរឱ្យរដ្ឋាភិបាល និងសមត្ថកិច្ចពាក់ព័ន្ធ មេត្តាជួយទប់ស្កាត់ និងបង្ក្រាបករណីនេះឱ្យមានប្រសិទ្ធភាពផងចុះ ទើបយើងអាចរក្សាពូជពង្សលៀសចំណីសត្វនេះបានគង់វង្សនៅក្នុងបឹងទន្លេសាប ព្រោះលៀសចំណីសត្វនេះមានសារៈប្រយោជន៍សំខាន់ណាស់សម្រាប់ប្រព័ន្ធអេកូឡូស៊ីនៅក្នុងបាតទន្លេនៃបឹងទន្លេសាប៕
![](https://www.kampucheathmey.com/wp-content/uploads/2024/01/photo_2024-01-14_13-50-06-2-1024x576.jpg)
![](https://www.kampucheathmey.com/wp-content/uploads/2024/01/photo_2024-01-14_13-50-06-1024x576.jpg)
អត្ថបទ៖ ឈៀងថារិទ្ធ
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៣ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ