ព័ត៌មានជាតិ

មានក្រុមហ៊ុនបារាំងជាង ២០០ កំពុងវិនិយោគនៅកម្ពុជា

បានផុស

១២ ខែ មុន

នៅ

ថ្ងៃចន្ទ ១៥ មករា ២០២៤

ដោយ

តាមឯកអគ្គរដ្ឋទូតបារាំងបានឲ្យដឹងថា មានក្រុមហ៊ុននិងសហគ្រាសបារាំងជាង ២០០ កំពុងវិនិយោគនៅក្នុងប្រទេសកម្ពុជា។ លោកឯកអគ្គរដ្ឋទូតលើកឡើងដោយយោងតាមទិន្នន័យសភាពាណិជ្ជកម្មបារាំងប្រចាំនៅកម្ពុជា។

ចំនួនេះតិតតួច គួរតែមានការវិនិយោគច្រើនជាងហ្នឹង។ នេះបើតាមការលើកឡើងរបស់លោក ហ្សាក់ ប៉ឺឡេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ហ្សាក់ ប៉ឺឡេ ឯកអគ្គរដ្ឋទូតបារាំងប្រចាំនៅកម្ពុជា

លោក ហ្សាក់ ប៉ឺឡេ ឯកអគ្គរដ្ឋទូតបារាំងបានគូសបញ្ជាក់ថា មានកត្តារាំងស្ទះមួយចំនួនដែលនាំឲ្យក្រុមហ៊ុនបារាំងហាក់មិនសូវមកវិនិយោគនៅប្រទេសកម្ពុជា។

ថ្លែងនៅក្នុងសន្និសីទដោយមានការចូលរួមពីអ្នកកាសែតមកពីស្ថាប័ននានានៅព្រឹកនេះ លោកលើកឡើងថា កង្វះព័ត៌មានពីស្ថានភាពវិនិយោគនៅប្រទេសកម្ពុជា កង្វះខាតផ្នែកឡូជីស្ទីក និងកម្លាំងពលកម្ម រួមទាំងបញ្ហាពន្ធក៏ពាក់ព័ន្ធប៉ះពាល់ដល់ឱកាសទាក់ទាញវិនិយោគបារាំងនៅកម្ពុជា។

លោកថា តួនាទីរបស់ស្ថានទូតធ្វើយ៉ាងណាជួយជំរុញឲ្យធុរកិច្ចបារាំងមកវិនិយោគឲ្យបានច្រើន។ អីចឹងបានជារៀងរាល់ពីរឆ្នាំម្តងតែងតែមានការរៀបចំវេទិកាធុរកិច្ចបារាំងកម្ពុជា ដើម្បីឲ្យអ្នកចូលរួមបានយល់ពីស្ថានភាពនិងឱកាសវិនិយោគនៅកម្ពុជា។

នៅក្នុងដំណើរទស្សនកិច្ចរបស់មេដឹកនាំកម្ពុជាសម្តេចធិបតី ហ៊ុន ម៉ាណែត ទៅប្រទេសបារាំង បើតាមលោកឯកអគ្គរដ្ឋទូតនឹងមានជំនួបជាមួយបណ្តាក្រុមហ៊ុនបារាំងធំៗដែលមួយចំនួនក៏កំពុងវិនិយោគនៅកម្ពុជា។

តាមរយៈជំនួបនេះ ឯកអគ្គរដ្ឋទូតបារាំងរំពឹងថានឹងអាចនាំសហគ្រាសបារាំងមកវិនិយោគនៅប្រទេសកម្ពុជាច្រើនថែមទៀតនៅពេលខាងមុខ៕