ព័ត៌មានជាតិ

អូសខ្សែភ្លើងដាក់ម៉ូទ័របូមទឹកប្រើ ចាប់ចំដំណខ្សែឆក់ស្លាប់មួយរំពេច

បានផុស

៤ years មុន

នៅ

ថ្ងៃសៅរ៍ ១៣ កុម្ភៈ ២០២១

ដោយ

តាកែវ ៖ បុរសវ័យ២៤ឆ្នាំម្នាក់ ត្រូវបានចរន្តអគ្គិសនីឆក់ស្លាប់ភ្លាមៗមួយរំពេច បន្ទាប់ពីជនរងគ្រោះអូសខ្សែភ្លើងតម៉ូទ័រប៉ូមទឹកចាប់ចំដំណខ្សែ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះកើតឡើងនៅព្រឹកថ្ងៃទី១៣ ខែកុម្ភៈ ឆ្នាំ២០២១ ក្នុងភូមិតាសិត ឃុំពពេល ស្រុកត្រាំកក់ ដែលជនរងគ្រោះឈ្មោះ ពេជ្រ វាសនា អាយុ២៤ឆ្នាំ មុខរបរកម្មកររោងចក្រ។ ប្រពន្ធជនរងគ្រោះបានរៀបរាប់ថា មុនកើតហេតុប្តីគាត់បានរាយខ្សែភ្លើងដើម្បីតម៉ូទ័របូមទឹកដាក់ពាងប្រើ សំណាងអាក្រក់បានចាប់កាន់ប៉ះដំណរខ្សែដែលតបណ្តាលឲ្យឆក់ស្លាប់តែម្តង។

ដោយជនរងគ្រោះជាគ្រួសារក្រីក្រគូរឲ្យអាណិត និងបានបន្សល់ទុកភរិយា និងកូនស្រីម្នាក់អាយុ៣ឆ្នាំផងនោះ នៅរសៀលថ្ងៃទី១៣ ខែកុម្ភៈ ឆ្នាំ២០២១ផងដែរ លោក កៅ វគ្គសែល អភិបាលស្រុកត្រាំកក់ ជាមួយ ព្រះមង្គលបញ្ញា សៅ តារាវី ព្រះអនុគណស្តីទីស្រុក និងលោកមេឃុំ ក្រុមប្រឹក្សាឃុំពពេល បាននាំយកនូវថវិកា និងសំភារៈ ចូលបុណ្យសពប្អូនប្រុស ដែលបានទទួលមរណភាពដោយឆក់ខ្សែភ្លើងស្លាប់ ក្នុងនោះរួមមាន – ព្រះមង្គលបញ្ញា សៅ តារាវី បច្ច័យចំនួន ២០០,០០០ រៀល – លោកជំទាវ សុខ កែវ ច័ន្ទ សារុន ថវិកាចំនួន ២០០,០០០ រៀល – លោក កៅ វគ្គសែល អភិបាលស្រុករួមនឹងសប្បុរសជន ថវិកាចំនួន ១០០,០០០ រៀល អង្ករ៥០គ.ក ទឹកសុទ្ធ២កេះ ទឹកត្រី១ កេះ និងទឹកស៊ីអ៊ីវ២យួរ៕

ដោយ ៖ វីរៈ