ព័ត៌មានជាតិ

អគ្គិសនីទាញប្រភពពីថាមពលខ្យល់នៅខេត្តមណ្ឌលគិរី គ្រោងដាក់ដំណើរការនៅឆ្នាំ ២០២៦

បានផុស

១ year មុន

នៅ

ថ្ងៃអង្គារ ១៦ មករា ២០២៤

ដោយ

តំណាងក្រុមហ៊ុន Blue Circle បានប្រាប់មេដឹកនាំកម្ពុជាពីគម្រោងវិនិយោគទាញយកថាមពលខ្យល់បំប្លែងជាប្រភពអគ្គិសនីនៅខេត្តមណ្ឌលគិរី ដែលគ្រោងនឹងដាក់ឲ្យដំណើរការនៅឆ្នាំ២០២៦។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Olivier Duguet ប្រធាននិងជានាយកប្រតិបត្តិក្រុមហ៊ុន Blue Circle

នៅក្នុងជំនួបពិភាក្សាការងារ ខណៈដែលនាយករដ្ឋមន្រ្តីកម្ពុជាសម្តេចធិបតី ហ៊ុន ម៉ាណែត កំពុងបំពេញទស្សនកិច្ចនៅប្រទេសបារាំង លោក Olivier Duguet ប្រធាននិងជានាយកប្រតិបត្តិ ក្រុមហ៊ុន Blue Circle បានបញ្ជាក់ថា ក្រុមហ៊ុនបានជ្រើសរើសយកខេត្តមណ្ឌលគិរី ដើម្បីអនុវត្តន៍ការទាញយកថាមពលពីខ្យល់បំប្លែងជាប្រភពថាមពលអគ្គិសនី។

លោកថា គម្រោងនេះជាគម្រោងទីមួយរបស់ក្រុមហ៊ុន ហើយគ្រោងនឹងបើកដំណើរការចាប់ពីឆ្នាំ២០២៦។

ក្រុមហ៊ុន Blue Circle ជាក្រុមហ៊ុនអភិវឌ្ឍន៍ ផ្តល់ហិរញ្ញប្បទាន និងធ្វើប្រតិបត្តិការគម្រោងថាមពលកកើតឡើងវិញនៅតំបន់អាស៊ីអាគ្នេយ៍ចាប់តាំងពីឆ្នាំ២០១៣មក។ បើតាមប្រធានក្រុមហ៊ុន Blue Circle បច្ចុប្បន្នក្រុមហ៊ុនក៏បានបើកការិយាល័យដំបូងនៅរាជធានីភ្នំពេញក្នុងឆ្នាំ២០១៥ ផងដែរ៕