ព័ត៌មានជាតិ

ធនាគារកាណាឌីយ៉ា ពង្រីកវិសាលភាពសេវាកម្ម ក្នុងខេត្តត្បូងឃ្មុំជាមួយទីតាំងថ្មីសាខាមេមត់

បានផុស

៣ years មុន

នៅ

ថ្ងៃអង្គារ ៣ វិច្ឆិកា ២០២០

ដោយ

ជាមួយការវិវត្តឥតឈប់ឈរ ធនាគារកាណាឌីយ៉ា នៅថ្ងៃទី០៣ ខែវិច្ឆិកា ឆ្នាំ២០២០ នេះ បានសម្ពោធបើកដំណើរការ ទីតាំងថ្មីសន្លាង និងកាន់តែទំនើបជាងមុនទៀតសម្រាប់ សាខាមេមត់ ខេត្តត្បូងឃ្មុំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទីតាំងថ្មីនេះ មានអាសយដ្ឋានស្ថិតនៅតាមបណ្តោយផ្លូវជាតិលេខ៧ ភូមិមេមត់ផ្សារ ឃុំមេមត់ ស្រុកមេមត់ ខេត្តត្បូងឃ្មុំ និងមានផ្តល់ជូនអតិថិជននូវផលិតផល និងសេវាកម្មហិរញ្ញវត្ថុដ៏សម្បូរបែបរួមមាន៖

-ប្រាក់បញ្ញើ (ជាប្រាក់ដុល្លារអាមេរិក ប្រាក់រៀល និង ប្រាក់យ័នចិន)

-ឥណទាន (ឥណទានផ្ទះ ឥណទានយានយន្ត ឥណទានផ្ទាល់ខ្លួន)

-ឥណទានពាណិជ្ជកម្មខ្នាតតូចធំ ឥណទានសម្រាប់សហគ្រាសតូច និង មធ្យម ហិរញ្ញវត្ថុពាណិជ្ជកម្មអន្តរជាតិ/លិខិតធានា

-សេវាផ្ទេរប្រាក់ សេវាបើកប្រាក់បៀវត្ស សេវាប្តូរប្រាក់ សេវាបង់ពន្ធ បណ្ណ័ឥណទាន

-សេវកម្មធនាគារចរន្តតាមទូរស័ព្ទដៃ

-ម៉ាស៊ីនដកប្រាក់ ដាក់ប្រាក់ ដំណើរការ២៤ម៉ោង/សប្តាហ៍ និង សេវាកម្មផ្សេងៗជាច្រើនទៀត។

ថ្លែងក្នុងឱកាសបើកប្រតិបត្តិការសាខាមេមត់ ទីតាំងថ្មី នៅថ្ងៃអង្គារ ទី០៣ ខែវិច្ឆិកានេះ អ្នកស្រី សុង ខេងឡាយ ជាអគ្គនាយិការង និងជានាយិកាប្រតិបត្តិការ នៃធនាគារ កាណាឌីយ៉ា បានមានប្រសាសន៍ថា “ថ្ងៃនេះយើងសម្រេចបាននូវសមិទ្ធផលថ្មីមួយទៀត គឺការបើកជាផ្លូវការនូវសាខាមេមត់ថ្មី។ ទីតាំងថ្មីនេះ ត្រូវបានវិនិយោគអស់ប្រមាណជាង ៥សែនដុល្លារ ដែលជាការវិនិយោគ ដើម្បីបញ្ជាក់ពីការយកចិត្តទុកដាក់ខ្ពស់ទៅលើសេវាកម្មល្អជូនអតិថិជន និងការិយាល័យធ្វើការធំទូលាយជូនបុគ្គលិក។”

អ្នកស្រីបានឲ្យដឹងទៀតថា នាពេលថ្មីៗកន្លងទៅនេះទស្សនាវដ្ដីពាណិជ្ជកម្មអន្តរជាតិ បានផ្តល់ពានរង្វាន់ដល់ធនាគារជា “ធនាគារឆ្នើមជួយគាំទ្រដល់អាជីវកម្មខ្នាតតូច និង មធ្យមប្រចាំឆ្នាំ 2020 (Best SME Bank in Cambodia)” និង បានទទួលពានរង្វាន់ជា “Best Retail Bank” ប្រចាំព្រះរាជាណាចក្រកម្ពុជាឆ្នាំ២០២០ ដោយស្ថាប័ន The Asian Banker ទៀតផង។ ក្នុងនោះអ្នកស្រីបានថ្លែងអំណរគុណយ៉ាងជ្រាលជ្រៅចំពោះការជួយគាំទ្រ ពីសំណាក់អតិថិជន អាជ្ញាធរគ្រប់លំដាប់ថ្នាក់ និង ការខិតខំរបស់បុគ្គលិកគ្រប់រូបដែលបានចូលរួមចំណែកយ៉ាងសំខាន់ក្នុងការធ្វើឲ្យ ធនាគារ កាណាឌីយ៉ា ទទួលបានជោគជ័យដូចសព្វថ្ងៃនេះ។

ធនាគារកាណាឌីយ៉ា ក.អ សូមស្វាគមន៍ក្រុមហ៊ុន និង អតិថិជនមកពីគ្រប់មជ្ឈដ្ឋាន ចំពោះការអញ្ជើញមកកាន់សាខាមេមត់ថ្មីនេះ ដើម្បីធ្វើប្រតិបត្តិការហិរញ្ញវត្ថុគ្រប់ប្រភេទ។ ដើម្បីសួរនាំព័ត៌មានបន្ថែម ផ្សេងៗសូមទំនាក់ទំនង មកកាន់លេខ៖ 042 680 2222/ 097 732 1818/ 071 3333 410 ។

សូមរំឭកថា ធនាគារកាណាឌីយ៉ា ក.អ បានបើកបម្រើសេវាកម្មជាធនាគារពាណិជ្ជមុនគេបង្អស់មួយ និងផ្ដល់សេវាកម្មហិរញ្ញវត្ថុយ៉ាងសម្បូរបែប នៅក្នុងព្រះរាជាណាចក្រកម្ពុជាតាំងពីឆ្មាំ១៩៩១ ហើយបច្ចុប្បន្ននេះ មានបណ្តាញសាខាក្នុងប្រទេសកម្ពុជាសរុបចំនួន៦៣ មានម៉ាស៊ីនដកប្រាក់ និងដាក់ប្រាក់សរុបច្រើនជាង ២០០ កន្លែង មានសេវាអ៊ីនធឺណិត និងកម្មវិធីធនាគារតាមទូរស័ព្ទដៃ ហើយគិតត្រឹមបំណាច់ឆ្នាំ២០១៩ ធនាគារកាណាឌីយ៉ា ក.អ ដែលមានទ្រព្យសកម្មសរុបស្មើនឹង ៦៥៤៨ លានដុល្លារអាមេរិក (ប្រាំមួយពាន់ប្រាំរយសែសិបប្រាំបីលាន ដុល្លារអាមេរិក) និងបានទទួលចំណាត់ថ្នាក់ជាធនាគារដ៏ធំជាងគេ នៅប្រទេសកម្ពុជា គិតលើតារាងតុល្យការ (ទ្រព្យសកម្ម, ទំហំកម្ចី និងប្រាក់បញ្ញើ)៕

អត្ថបទពាណិជ្ជកម្ម

Related Topics:អត្ថបទពាណិជ្ជកម្ម