ព័ត៌មានជាតិ
ម្ចាស់ដាយនៅខេត្តកណ្ដាល អាចកៀរត្រីបាន ប្រមាណ ៥០០ គីឡូ ក្នុង១ ម៉ោង
ត្រីសម្រាប់ធ្វើប្រហុក និងផ្អក ចាប់ផ្ដើមត្រូវជាលើកទី២ តាំងពីថ្ងៃទី ១២ ខែមករា ឆ្នាំ ២០២៤ សប្ដាហ៍មុន នៅក្នុងភូមិសាស្ត្រខេត្តកណ្ដាល និងរាជធានីភ្នំពេញ។
លោក ស៊ឺ ម៉ៅ ម្ចាស់ដាយលេខ ១៥ E ស្ថិតក្នុងភូមិតាពៅ ឃុំកោះចិន ស្រុកពញាឮ ខេត្តកណ្ដាល ប្រាប់កម្ពុជាថ្មីនៅថ្ងៃទី ១៧ ខែមករា ឆ្នាំ ២០២៤ នេះថា ក្នុងមួយម៉ោងអាចកៀរត្រីបានប្រមាណ ៥០០ ទៅ ៧០០ គីឡូក្រាម ឬអាចតិចជាងនេះ ខណៈថ្ងៃខ្លះបានត្រឹមតែ ១ តោនក៏មាន។ ចំពោះត្រីដែលបាន លោកបញ្ជាក់ថា គឺជាប្រភេទត្រីរៀល និងត្រីស្លឹកឬស្សី។
![](https://www.kampucheathmey.com/wp-content/uploads/2024/01/photo_2024-01-09_14-42-57-2-1024x768.jpg)
លោក ឈុន ហាំងតុង ប្រធានអង្គភាពនេសាទរដ្ឋកណ្តាលស្ទឹង នៃក្រសួងកសិកម្ម រុក្ខាប្រមាញ់ និងនេសាទ មានប្រសាសន៍ថា ជាមធ្យមក្នុងមួយម៉ោងអាចកៀរបានចន្លោះពី ២០០ ទៅ ៤០០ គីឡូ ខណៈខែនេះត្រីដើរជាហ្វូង ដែលម្ចាស់ដាយគេកៀរមិនលើកដូចមុននោះទេ។
លោកបញ្ជាក់ថា ត្រីដែលបាន គឺមានទំហំធំជាងខែមុន ដែលអាចនឹងត្រូវដល់ថ្ងៃទី ២១ ខែមករា នេះ ដែលលោកបញ្ជាក់ថា លើកទី២ នេះ អាចនឹងបានច្រើនជាងលើកមុន ខណៈតម្លៃជាមធ្យម ត្រឹមតែ ១ ២០០ រៀល ក្នុង១ គីឡូក្រាម។
លោក ហេង គង់ ប្រធានវិទ្យាស្ថានស្រាវជ្រាវ និងអភិវឌ្ឍន៍ជលផលទឹកសាបបានឱ្យដឹងដែរថា ត្រីត្រូវលើកទី២ ចាប់ពីថ្ងៃ ទី ១៤ ខែមករា នៅតាមគន្លងដាយនៅខាងលើ ខេត្តកណ្ដាល អាចកៀរម្ដងបានប្រមាណ ៣០០ ទៅ ៤០០ គីឡូ ក្នុងមួយម៉ោង ខណៈខ្នើតខែបុស្សនេះ មានវត្តមានត្រីរៀលច្រើនជាងត្រីស្លឹកឬស្សី។
![](https://www.kampucheathmey.com/wp-content/uploads/2024/01/photo_2024-01-09_14-42-57-3-1024x768.jpg)
រដ្ឋបាលជលផល នៃក្រសួងកសិកម្មបានប្រកាសថា រដូវត្រីប្រហុកចាប់ផ្ដើមត្រូវច្រើនលើកទី២ ចាប់ពីថ្ងៃទី១៥ ដល់ថ្ងៃទី២១ ខែមករា ឆ្នាំ២០២៤ ខណៈត្រីបន្តបន្លាស់ទីចេញពីបឹងទន្លេសាប បឹង ស្ទឹង និងព្រែកនានា ចូលទន្លេសាប ទន្លេមេគង្គ និងទន្លេបាសាក់។
រដ្ឋបាលជលផលក៏បានអំពាវនាវឱ្យប្រជាពលរដ្ឋដែលមានបំណងធ្វើប្រហុក ផ្អក ត្រីឆ្អើរ ឬទឹកត្រី សូមរួសរាន់អញ្ជើញទៅទិញត្រី តាមពេលវេលា។
បើយោងតាមរបាយការណ៍លទ្ធផលបូកសរុបការងារវិស័យជលផលប្រចាំឆ្នាំ ២០២៣ រដ្ឋបាលជលផលសម្រេចបានផលនេសាទទឹកសាប ៤២៦ ៧៥០ តោន។ ប្រាក់ចំណូលបានពីវិស័យជលផលមានចំនួនជាង ៨២៨លានរៀល កើនលើសឆ្នាំមុនចំនួនជាង ២០៥លានរៀល ស្មើនឹង ២២៣,៥៩ ភាគរយ៕
អត្ថបទ៖ ឡេង ដេត
-
សន្តិសុខសង្គម៥ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+១ សប្តាហ៍ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៥ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៥ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៥ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៥ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+២ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៤ ថ្ងៃ ago
ព្រះភិក្ខុ អុឹង ប៊ុនហ៊ូវ ប្រគេនដី២០០ហិកតាក្នុងខេត្តកំពង់ឆ្នាំង ដើម្បីសង់ពុទ្ធិកសាកលវិទ្យាល័យព្រះសីហនុរាជ