ព័ត៌មានជាតិ

ឆេះភោជនីយដ្ឋានមួយ ស្ទើរទាំំងស្រុង ហៅរថយន្តពន្លត់អគ្គិភ័យកាស៊ីណូថែម មកជួយពន្លត់

បានផុស

៤ years មុន

នៅ

ថ្ងៃអាទិត្យ ១៤ កុម្ភៈ ២០២១

ដោយ

ខេត្តបន្ទាយមានជ័យ៖ ភោជនីយដ្ឋានមួយកន្លែងឆេះខ្ទេចខ្ទីអស់ស្ទើរទាំងស្រុង សង្ស័យមកពីទុស្សេខ្សែភ្លើង នៅព្រឹកថ្ងៃទី១៤ កុម្ភៈ ឆ្នាំ២០២១ ស្ថិតក្នុងភូមិសាមគ្គីមានជ័យ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ។

លោកវរសេនីយ៍ឯកសៅ សារឿន អធិការនគរបាលក្រុងប៉ោយប៉ែតបានប្រាប់ឲ្យដឹងថា តាមមេការភោជនីយដ្ឋានមានឈ្មោះ ហេង ស្រេង ភេទប្រុស អាយុ៤០ឆ្នាំ រស់ភូមិសាមគ្គីមានជ័យ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យបានឲ្យដឹងថា នៅព្រឹកនោះគេឃើញមានអណ្តាតភ្លើងឆេះចេញពីក្នុងភោជនីយដ្ឋានភ្លាមៗភ្លើងឆេះយ៉ាងសន្ធោសន្ធៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មួយសន្ទុះក្រោយមក អាជ្ញាធរនិងសមត្ថកិច្ចអន្តរាគមន៍ ហៅរថយន្តពន្លត់អគ្គិភ័យមកពីក្រុមហ៊ុនកាស៊ីណូនានានិងរថយន្តពន្លត់អគ្គីភ័យរបស់អង្គភាពអធិការដ្ឋាននគរបាលក្រុង និងប្រើប្រាស់ឧស្ម័នបាញ់ពន្លត់ប្រើប្រាស់រថយន្តពន្លត់អគ្គីភ័យអស់៤គ្រឿង និងប្រើប្រាស់ទឹកអស់៤ស៊ីទែន ទើបអណ្តាតភ្លើងបានរលត់ថមថយទៅវិញទាំងស្រុងមិនបានឆេះរាលដាលដល់លំនៅដ្ឋានអ្នកផ្សេងទេ។

លោកវរសេនីយ៍ឯកសៅ សារឿនបានបញ្ជាក់ឲ្យដឹងបន្តទៀតថា ករណីីឆេះភោជនីយដ្ឋានខាងលើនេះខូចខាតទ្រព្យសម្បត្តិមួយចំនួន មានដូចជាម៉ាស៊ីនត្រជាក់១គ្រឿង អាំភ្លី១ឈុត សាឡុង១ឈុត និងកង្ហា២គ្រឿង៕

អត្ថបទ៖ វ៉ាន់ណាង