ព័ត៌មានជាតិ
កសិករធ្វើស្រូវប្រាំងក្នុងស្រុកមួយចំនួន នៃខេត្ដកំពត កំពុងខ្វះខាតទឹកស្រោចស្រព
កាលពីថ្ងៃទី១៨ ខែមករា ឆ្នាំ២០២៤ នេះ លោកអភិបាលស្រុកបន្ទាយមាស បានចុះពិនិត្យមើលស្រូវប្រាំង និងម៉ាស៊ីនបូមទឹកជាច្រើនគ្រឿងរបស់ប្រជាកសិករ ស្ថិតនៅឃុំស្ដេចគង់ខាងត្បូង និងឃុំស្ដេចគង់ខាងជើង ស្រុកបន្ទាយមាស ខេត្តកំពត ខណៈកសិកររស់នៅតំបន់ទាំងនោះ កំពុងតែខ្វះខាតទឹកសម្រាប់ស្រោចស្រពក្នុងការធ្វើស្រែប្រាំង។
![](https://www.kampucheathmey.com/wp-content/uploads/2024/01/4-14-1024x485.jpg)
លោក នូ ច័ន្ទដា អភិបាលស្រុកបន្ទាយមាស បានឱ្យដឹងថា ពាក់ពន្ធ័ការខ្វះទឹកបូមស្រោចស្រពស្រូវរដូវប្រាំង ប្រជាកសិករ កំពុងប្រឈមនឹងការខ្វះខាតទឹកបូមដាក់សន្ទូង និងស្រូវរបស់ពួកគាត់។ ហើយការដាក់ម៉ាស៊ីនទឹករាប់រយគ្រឿងដាក់បូមចេញពីប្រឡាយនេះ ដូចជាដណ្ដើមទឹកគ្នាដែរធ្វើឱ្យមានការទាស់ពាក្យសម្ដីគ្នាព្រោះអ្នកខ្លះមិនបានយកម៉ាស៊ីនមកដាក់បូមពីប្រភពដែលមានទឹកទេ ពួកគាត់ចាំតែបូមបន្តឡើងទៅដាក់ស្រែប្រាំងតែប៉ុណ្ណោះ។
![](https://www.kampucheathmey.com/wp-content/uploads/2024/01/៣៣-1-1024x510.jpg)
បើតាមប្រជាកសិករ បាននិយាយប្រាប់ឱ្យដឹងថា ស្រូវរដូវប្រាំងរបស់កសិករជិតបានប្រមូលផលហើយ ប្រសិនបើគ្មានទឹកសម្រាប់ស្រោចស្រពនោះទេ ស្រូវប្រាំងពួកគាត់ពិតជាខូចអស់ជាមិនខាន។
ដោយឡែក លោកមេឃុំ ស្ដេចគង់ខាងត្បូង បានលើកឡើងថា ស្រូវប្រាំងប្រជាពលរដ្ឋក្នុងឃុំលោក មានប្រហែលជា ៥០០ ហិតា កំពុងតែប្រឈមនឹងការខ្វះខាតទឹកសម្រាប់ស្រោចស្រព ដែលនេះជាកង្វល់របស់កសិករក្នុងមូលដ្ឋាននេះ។
![](https://www.kampucheathmey.com/wp-content/uploads/2024/01/២២-1024x486.jpg)
ចំណែក លោក អ៊ូ គឹន មេឃុំស្ដេចគង់ខាងជើង ក៏បានលើកឡើងដែរថា ស្រូវប្រាំងរបស់ពលរដ្ឋនៅក្នុងមូលដ្ឋានលោក មានចំនួន ១ពាន់ហិកតា ក៏កំពុងតែប្រឈមនឹងការខ្វះខាតទឹកសម្រាប់ស្រោចស្រព ខណៈពលរដ្ឋខ្លះទៀត ក៏បានច្រូតកាត់ រួចរាល់ហើយដែរ។
![](https://www.kampucheathmey.com/wp-content/uploads/2024/01/9-5-1024x576.jpg)
យ៉ាងណាមិញ លោក នូ ច័ន្ទដា បានបញ្ជាក់ថា លោកមិនទាន់ហ៊ានសន្យាជាមួយប្រជាពលរដ្ឋថា នឹងត្រូវដាក់ម៉ាស៊ីនទឹកខ្នាតធំជួយអន្តរាគមន៍បូមទឹកសង្រោះស្រូវប្រាំងជូនដល់ប្រជាពលរដ្ឋ បាននៅឡើយទេ។ ប៉ុន្តែ លោកអភិបាលស្រុករូបនេះ បាននិយាយប្រាប់ពលរដ្ឋវិញថា លោកនឹងខិតខំនិយាយជាមួយមន្ត្រីធនធានទឹកខេត្តកំពត ដើម្បីយកម៉ាស៊ីនបូមទឹកមកដាក់ឱ្យកសិករប្រើប្រាស់បានរួចមួយគ្រាសិន។
![](https://www.kampucheathmey.com/wp-content/uploads/2024/01/10-2-1024x576.jpg)
លោក នូ ចន្ទ័ដា បានបន្ថែមថា លោកនឹងជួយឧបត្តមថវិការជូនដល់ប្រជាពលរដ្ឋទាំងពីឃុំដែលមានម៉ាស៊ីនទឹកបូមដាក់ស្រូវក្នុងឃុំទទួលបានប្រាក់ ៥០ម៉ឺនរៀល សម្រាប់ទិញប្រេងបូមទឹក និងឃុំផ្សេងទៀតនៅស្រុកកំពង់ត្រាច ក៏កំពុងជួបប្រទះការខ្វះខាតទឹកសម្រាប់បូមដាក់ស្រូវសន្ទូងរបស់ពួកគាត់ផងដែរ៕
អត្ថបទ ៖ សឹង រ៉ាត់
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម១៨ ម៉ោង ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ១៨ ម៉ោង ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៥ ថ្ងៃ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ៧ ថ្ងៃ ago
ជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
សន្តិសុខសង្គម៥ ថ្ងៃ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៥ ថ្ងៃ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ព័ត៌មានអន្ដរជាតិ១ សប្តាហ៍ ago
Breaking News! រត់ជាន់គ្នាក្នុងពិធីបុណ្យសាសនាហិណ្ឌូ ដែលមានមនុស្សចូលរួម ១០០លាននាក់ នៅឥណ្ឌា
-
ជីវិតកម្សាន្ដ៥ ថ្ងៃ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច