Connect with us

ព័ត៌មានជាតិ

មហាសេដ្ឋី៣រូប បន្តឈរជាបេក្ខជនរបស់ CPP សម្រាប់ការបោះឆ្នោតព្រឹទ្ធសភា ខាងមុខនេះ

បានផុស

នៅ

ការបោះឆ្នោតជ្រើសតាំងសមាជិកព្រឹទ្ធសភា នីតិកាលទី៥ នាខែកុម្ភៈ ខាងមុខនេះ គណបក្សប្រជាជនកម្ពុជា ដែលជាគណបក្សកំពុងដឹកនាំរាជរដ្ឋាភិបាលបច្ចុប្បន្ន បានបន្តឈរឈ្មោះ និងដាក់បេក្ខជនសម្រាប់ការបោះឆ្នោតនេះនៅទូទាំង ៨ភូមិភាគ។ ក្នុងនោះ ឧកញ៉ាមានឥទ្ធិពលចំនួន៣រូប បានបន្តឈរឈ្មោះជាបេក្ខជនសមាជិកព្រឹទ្ធសភារបស់គណបក្សប្រជាជនកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមបញ្ជីផ្លូវការ ដែលចេញដោយគណៈកម្មាធិការជាតិរៀបចំការបោះឆ្នោត (គ.ជ.ប) ក្នុងចំណោមគណបក្សចំនួន៤ ដែលបានចូលរួមឈរឈ្មោះប្រកួតប្រជែងក្នុងការបោះឆ្នោតជ្រើសតាំងសមាជិកព្រឹទ្ធសភា នីតិកាលទី៥ នាថ្ងៃទី២៤ ខែកុម្ភៈ ឆ្នាំ២០២៤នេះ គឺគណបក្សប្រជាជនកម្ពុជា បានដាក់បេក្ខជនឈរឈ្មោះសរុបទាំងពេញសិទ្ធិ និងបេក្ខជនបម្រុងចំនួន១១៦រូប ដែលមានបេក្ខជនជាស្រីចំនួន២២រូប។

ជាការកត់សម្គាល់ មហាសេដ្ឋីលំដាប់ជួរមុខរបស់កម្ពុជាចំនួន៣ បានបន្តឈរឈ្មោះជាបេក្ខជនរបស់គណបក្សប្រជាជនកម្ពុជាសម្រាប់ការបោះឆ្នោតជ្រើសតាំងសមាជិកព្រឹទ្ធសភានេះ។ មហាសេដ្ឋីទាំង៣រូបនោះ គឺមាន៖

១/​ អ្នកឧកញ៉ា ម៉ុង ឫទ្ធី

អ្នកឧកញ៉ា ម៉ុង ឫទ្ធី ជាអ្នកជំនាញដ៏ជោគជ័យលើវិស័យកសិកម្ម និងកសិ-ឧស្សាហកម្ម ដែលអ្នកឧកញ៉ា បានបន្តឈរជាបេក្ខជនពេញសិទ្ធិលេខរៀងទី៥ នៅមណ្ឌលភូមិភាគទី៧ (ខេត្តកំពង់ស្ពឺ កំពង់ឆ្នាំង ពោធិ៍សាត់ កោះកុង និងខេត្តព្រះសីហនុ)។ ការបន្តឈរឈ្មោះនៅពេលនេះ គឺជាអាណត្តិទី៤ របស់អ្នកឧកញ៉ា ម៉ុង ឫទ្ធី បន្ទាប់ពីលោក បានជាប់ជាសមាជិកព្រឹទ្ធសភា៣អាណត្តិជាប់ៗគ្នារួចមកហើយ ចាប់តាំងពីនីតិកាលទី២ នៃព្រឹទ្ធសភា ឆ្នាំ២០០៦។ នីតិកាលទី៤នេះ អ្នកឧកញ៉ា ម៉ុង ឫទ្ធី មានតួនាទីជាប្រធានគណៈកម្មការទី៣ ព្រឹទ្ធសភា ទទួលបន្ទុកផែនការ វិនិយោគ កសិកម្ម ធនធានទឹក ឧតុនិយម អភិវឌ្ឍន៍ជនបទ និងបរិស្ថាន។

២/ អ្នកឧកញ៉ា លី យ៉ុងផាត់

អ្នកឧកញ៉ា លី យ៉ុងផាត់ ដែលត្រូវបានសាធារណជនប្រសិទ្ធីនាមថា ស្ដេចជំនួញកោះកុង និងកំពុងកាន់តួនាទីជាប្រធានសមាគមឧកញ៉ាកម្ពុជា បានបន្តឈរឈ្មោះជាបេក្ខជនសមាជិកព្រឹទ្ធសភាឱ្យគណបក្សប្រជាជនកម្ពុជា​ សម្រាប់នីតិកាល ទី៥ នៅមណ្ឌលជាមួយអ្នកឧកញ៉ា ម៉ុង ឫទ្ធី គឺភូមិភាគទី៧។ បើតាមបញ្ជីឈ្មោះផ្លូវការពី គ.ជ.ប គឺអ្នកឧកញ៉ា លី យ៉ុងផាត់ ជាបេក្ខជនពេញសិទ្ធិលេខរៀងទី៤។ មែនទែនទៅ ប្រធានសមាគមឧកញ៉ារូបនេះ បានឈរឈ្មោះ និងជាប់ឆ្នោតជាសមាជិកព្រឹទ្ធសភាតាំងពីនីតិកាលទី២ ទី៣ និងទី៤ ដែលមានរយៈពេលប្រមាណជាង១៨ឆ្នាំមកហើយ។

៣/ អ្នកកឧញ៉ា កុក អាន  

មិនខុសពីមហាសេដ្ឋីទាំងពីររូបខាងលើ អ្នកកឧញ៉ា កុក អាន ដែលជាស្ថាបនិកក្លឹបបាល់ទាត់ភ្នំពេញក្រោន និងជាអគ្គនាយកក្រុមហ៊ុន អាន កូ ក៏បានបន្តឈរឈ្មោះជាបេក្ខជនសម្រាប់ការបោះឆ្នោតជ្រើសតាំងសមាជិកព្រឹទ្ធសភា នីតិកាល ទី៥ នាខែកុម្ភៈ ខាងមុខនេះ។ អ្នកឧកញ៉ា កុក អាន ជាបេក្ខជនពេញសិទ្ធិលេខរៀងទី៤ ប្រចាំនៅមណ្ឌលភូមិភាគទី៥ (ខេត្តតាកែប កំពត និងកែប) ហើយនេះក៏ជាអាណត្តិទី៤ របស់លោកផងដែរ៕  

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥៧ វិនាទី មុន

អភិបាលខណ្ឌ ៧ មករា ប្រជុំដាក់ផែនការ និងជំរុញមន្ត្រីពាក់ព័ន្ធ បន្តយកចិត្តទុកដាក់បញ្ហាសណ្ដាប់ធ្នាប់ក្នុងមូលដ្ឋាន

ព័ត៌មានជាតិ២ នាទីutes មុន

ការប្រកាសទ្រព្យសម្បត្តិ និងបំណុល សម្រេចបានជិត៩៧%ហើយ ខណៈបាំង១សប្ដាហ៍ទៀតនឹងផុតកំណត់  

ព័ត៌មានជាតិ៦ នាទីutes មុន

ប្រជាពលរដ្ឋជាច្រើនក្នុងខេត្តរតនគិរី ទទួលបានការព្យាបាលជំងឺត្រចៀក ច្រមុះ បំពង់ក និងភ្នែកដោយឥតគិតថ្លៃ

ព័ត៌មានអន្ដរជាតិ៩ នាទីutes មុន

ចិន​បំបែកកំណត់ត្រាលើការនាំចូលទុរេន ខណៈវៀតណាម ម៉ាឡេស៊ី ថៃ ប្រជែងគ្នាលើការផ្គត់ផ្គង់

ព័ត៌មានអន្ដរជាតិ១៩ នាទីutes មុន

បាងកក បង្ខំចិត្តបិទសាលារៀនដល់ទៅជាង ៣៥០កន្លែង ព្រោះខ្យល់ពុល កាន់តែធ្ងន់ធ្ងរ

ព័ត៌មានអន្ដរជាតិ២៣ ម៉ោង មុន

អ្នកជំនាញព្រមានថា ភ្លើងឆេះព្រៃថ្មីនៅ LA នឹងធំ ដូចផ្ទុះនុយក្លេអ៊ែរអ៊ីចឹង

ព័ត៌មានអន្ដរជាតិ២៤ ម៉ោង មុន

នេះជាខ្លឹមសារនៃសំបុត្រ ដែលលោក បៃដិន ទុកឲ្យ ត្រាំ ពេលផុតតំណែង 

ព័ត៌មានជាតិ៤ ម៉ោង មុន

ខេត្តក្រុង​ចំនួន ៤ ​មាន​រាជធានី​ភ្នំពេញ​ សន្ទស្សន៍​គុណភាពខ្យល់​​ពណ៌ក្រហម (ការបំពុល​ខ្លាំង)

ព័ត៌មានអន្ដរជាតិ២៣ ម៉ោង មុន

វៀតណាម បំបែក​សម្បុក​​ក្រុម​លាង​លុយ​កខ្វក់​ ក្នុង​ទំហំទឹកប្រាក់ ១,២​ពាន់​លាន​ដុល្លារ

ព័ត៌មានជាតិ២២ ម៉ោង មុន

គាំទ្រភ្លូកទឹកភ្លូកដី! សំបុត្រទស្សនាទស្សនីយភាព «ល្ខោនបាមោជ្ជទ័យ» រឿងកុលាបប៉ៃលិន ទាំង ៤ថ្ងៃ លក់អស់ហើយ

Sokha Hotels

ព័ត៌មានពេញនិយម