ព័ត៌មានជាតិ
ប្រទះឃើញសពបុរសម្នាក់ត្រូវគេដឹកយកមកផ្លុងចោលក្នុងវត្តដោយមានចង ក ជាមួយខ្សែអង្រឹង
សពបុរសម្នាក់ត្រូវបានគេប្រទះឃើញដេកស្លាប់នៅក្នុងវត្តគិរីបុប្ផារំពើន ដោយមានខ្សែអង្រឹងចងជាប់នឹង ក សង្ស័យជាករណីឃាតកម្ម។
ករណីប្រទះឃើញសពនេះបានកើតឡើង កាលពីព្រឹកថ្ងៃទី១៤ ខែកុម្ភៈ ឆ្នាំ២០២១ ស្ថិតនៅក្នុងវត្តគិរីបុប្ផារំពើន ឃុំស្តេចគង់ខាងលិច ស្រុកបន្ទាយមាស ខេត្តកំពត។ ចំពោះករណីនេះ ត្រូវបានគេសន្និដ្ឋានថា សពអាចត្រូវគេដឹកមកពីកន្លែងផ្សេងរួចយកទៅប្លុងចោលក្នុងទីអារាមខាងលើ។
បន្ទាប់ពីមានករណីប្រទះឃើញសពស្លាប់ក្នុងវត្ត សមត្ថកិច្ចជំនាញខេត្តកំពតបានសហការជាមួយកម្លាំងនគរបាលជំនាញស្រុក រួមទាំងកម្លាំងកងរាជអាវុធហត្ថស្រុក បានចុះមកពិនិត្យ ធ្វើកោសល្យវិច័យ ដោយសមត្ថកិច្ចបានអះអាងថា សាកសពជាប់ពាក់ព័ន្ធនឹងអំពើឃាតកម្ម ព្រោះសពត្រូវគេចងកនឹងខ្សែអង្រឹងដឹកមកពីកន្លែងផ្សេងមកប្លុងចោលក្នុងវត្តគិរីបុប្ផារំពើន។
ទោះបីជាបែបណា ជនរងគ្រោះត្រូវបានគេស្គាល់ឈ្មោះ ផែ សំណាង ភេទប្រុស អាយុ៣២ឆាំ្ន មានប្រពន្ធឈ្មោះ អ្នក រ៉ន អាយុ៣១ឆ្នាំ មានកូនប្រុស ស្រី២នាក់ នៅភូមិចង្កៀង ឃុំទទុង ស្រុកដងទង់ ខេត្តកំពត។ ប៉ុន្តែជនរងគ្រោះធ្លាប់បានមកធ្វើការឲ្យក្រុមហ៊ុនរោងចក្រស៊ីម៉ងត៍អូដ្ឋ ដែលមានទីតាំងពីកន្លែងទម្លាក់ចោលសពប្រមាណជាង១គីឡូម៉ែត្រ។ ដោយឡែកប្រពន្ធសព ឈ្មោះអ្នក រ៉ន បានធ្វើការនៅក្រុមហ៊ុនរោងចក្រស៊ីម៉ងត៍ខេស៊ីមេន កំពត។
បើយោងតាមការអះអាងពីឪពុកជនរងគ្រោះបាននិយាយប្រាប់ថា ទាំងពីរនាក់ប្ដីប្រពន្ធនេះបានកើតជម្លោះគ្នាជាច្រើនដងហើយពួកគេទាំងពីរនាក់មិនបានរស់នៅជុំគ្នាទេជួលផ្ទះស្នាក់នៅភូមិព្រៃតាព្រឹត ឃុំស្ដេចគង់ខាងលិច ស្រុកបន្ទាយមាស លុះពេលដឹងថាប្ដីស្លាប់ទើបនាងជាប្រពន្ធមកដល់កន្លែងសពប្ដីដែរ។
ទាក់ទិននឹងរឿងដដែល ស្ត្រីម្នាក់ដែលអះអាងថា ត្រូវជាបងថ្លៃជនរងគ្រោះ បាននិយាយប្រាប់ថាកាលពីវេលាម៉ោង១យប់រំលងអាធ្រាត្រឈានចូលដល់ថ្ងៃទី១៤ ខែកុម្ភៈ មានមនុស្សបានទូរស័ព្ទប្រាប់គាត់ថា សំណាងស្លាប់ហើយមកយកសពផង គេទុកនៅក្នុងវត្ត។ លុះព្រឹកឡើងទើបនាំគ្នាមកវត្តឃើញសពដូចគេប្រាប់មែន-ហើយទូរស័ព្ទដែលគេប្រាប់ដំណឹងនោះ ត្រូវបានបិទរហូត។
លោកវរសេនីយ៍ទោ ឈឹម ឈាង ប្រធានការិយាល័យកម្រិតធ្ងន់ ខេត្តកំពត ដែលបានចុះមកដល់កន្លែងសពមិនទាន់សន្និដ្ឋានបែបណានោះទេ។ ដោយឡែកលោក សុខ សាកាន ប្រធានការិយាល័យបច្ចេកទេសនិងវិឡាសាស្ត្រខេត្តកំពត បានឲ្យដឹងថា ការធ្វើកោសល្យវិច័យទៅលើសាកសពពិនិត្យឃើញថា ជនរងគ្រោះមានស្នាមពកក្បាល៣កន្លែងផ្សេងៗគ្នា ហើយមានខ្សែអង្រឹងចងជាប់នៅកផងដែរ វាអាចពាក់ព័ន្ធនឹងអំពើឃាតកម្ម។ ចំពោះករណីនេះសមត្ថកិច្ចបានហៅស្ត្រីជាប្រពន្ធជនរងគ្រោះទៅសួរនាំលម្អិតបន្តទៀតដើម្បីស្រាវជ្រាវរកមុខសញ្ញា។
ក្រោយពីពិនិត្យរួចរាល់សពជនរងគ្រោះត្រូវសមត្ថកិច្ចប្រគល់ជូនសាច់ញាតិ ដើម្បីដឹកយកទៅធ្វើបុណ្យទៅតាមប្រពៃណី នៅឯស្រុកកំណើតភូមិត្រពាំងត្រែង ឃុំខ្វាវ ស្រុកសំរោង ខេត្តតាកែវ៕
អត្ថបទ ៖ សេង ណារិទ្ធ
ករណីបាញ់មន្ត្រីអតីតបក្សប្រឆាំង, មេធាវីរដ្ឋាភិបាល ប្រាប់ជនឱកាសនិយម កុំវិនិច្ឆ័យដោយអគតិ
ទីក្រុង LA មានភ្លើងឆេះព្រៃ ៧កន្លែង កំពុងសម្រុកឆេះសន្ធោសន្ធៅក្នុងពេលតែមួយ
តម្លៃអង្ករនៅទីផ្សារសកលបន្តធ្លាក់ចុះចាប់តាំងពីចុងឆ្នាំ២០២៤ ដោយសារវត្តមានឥណ្ឌាចាប់ផ្តើមនាំចេញអង្ករឡើងវិញ
កម្លាំងពន្លត់អគ្គីភ័យកើនដល់៧៥០០នាក់ ខណៈភ្លើងរាលដាលដល់ Hollywood Hills ដែលគម្រាមលំនៅឋាន១០ម៉ឺនខ្នងទៀត
បុរសម្នាក់បើកបរទាំងស្រវឹងមានកម្រិតជាតិអាល់កុល ០.៦៨mg/L បុករឺម៉ក បណ្ដាលឱ្យមនុស្ស១២នាក់រងរបួស
ជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
សមត្ថកិច្ចកម្ពុជា នឹងបញ្ជូនជនដៃដល់បាញ់លោក លិម គិមយ៉ា ទៅឱ្យថៃវិញ តាមសំណើររបស់នគរបាលថៃ ស្របតាមច្បាប់ បន្ទាប់ពីបញ្ចប់នីតិវិធី
ម្ដាយតារារ៉េប RuthKo មិនទទួលយកការសុំទោសដាច់ខាត ចំពោះទង្វើហាងផ្កាមួយកន្លែង ដែលផុសប្រមាថជីវិតកូន
ភ្លើងឆេះព្រៃរាលដាលដល់ចម្ការស្វាយ ៣៥ហិកតា ខូចខាតដើមស្វាយ ១៥ ០០០ ដើម
មហាអំណាចអឺរ៉ុប២ប្រទេស ចេញមុខព្រមានលោក ត្រាំ ក្រោយគំរាមប្រើកម្លាំងយោធា ដណ្តើមយក Greenland
-
ព័ត៌មានជាតិ៧ ថ្ងៃ agoលទ្ធផលកំណាយ៖ តំបន់អង្គរមានមនុស្សមកតាំងភូមិករតាំងពីជាង ៣ ០០០ ឆ្នាំមកម្ល៉េះ
-
ចរាចរណ៍៣ ថ្ងៃ agoតារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
-
ព័ត៌មានជាតិ១៩ ម៉ោង agoជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
-
ព័ត៌មានជាតិ៧ ថ្ងៃ agoអ្នកឧកញ៉ា សំ សុខនឿន ព្យាករថា កម្ពុជា ត្រូវការពេលប្រហែល៥ឆ្នាំទៀត ដើម្បីឱ្យវិស័យអចលនទ្រព្យវិលរកសភាពដើមវិញ
-
ព័ត៌មានជាតិ១ សប្តាហ៍ agoសំណង់ព្រះពុទ្ធប្បដិមាកម្ពស់ជាង ៨០ ម៉ែត្រ នឹងលេចរូបរាងក្នុងតំបន់អភិវឌ្ឍឆ្នេររាមខេត្តព្រះសីហនុ
-
សេដ្ឋកិច្ច១ សប្តាហ៍ agoទិន្នផលគ្រាប់ស្វាយចន្ទីអាចធ្លាក់ចុះពី ១០-៣០% ដោយសារអាកាសធាតុ ប្រសិនបើគ្មានវិធានការឆ្លើយតបទាន់ពេល
-
សេដ្ឋកិច្ច១ សប្តាហ៍ agoធនាគារជាតិ ប្រកាសឱ្យសាធារណជនប្រុងប្រយ័ត្នប្រាក់ដុល្លារក្លែងក្លាយ កំពុងចរាចរណ៍នៅកម្ពុជា
-
ព័ត៌មានជាតិ៦ ថ្ងៃ agoមហាជនផ្ទុះការរិះគន់លោកបណ្ឌិត សុខ ទូច ដែលនិយាយជំរុញ«ក្មេងៗឱ្យខំរៀនសូត្រ និងធ្វើការ ជាជាងទៅធ្វើសមាធិ»