Connect with us

ព័ត៌មានជាតិ

លោក ព្រាប កុល ថា រាជរដ្ឋាភិបាលនៅតែប្រកាន់ជំហរការពង្រឹងភាពជាដៃគូជាមួយអង្គការសង្គមស៊ីវិល

បានផុស

នៅ

លោក ព្រាប កុល បានបញ្ជាក់ប្រាប់តំណាងអង្គការសង្គមស៊ីវិល ថា រាជរដ្ឋាភិបាល ក្រោមការដឹកនាំរបស់សម្តេចធិបតី ហ៊ុន ម៉ាណែត នៅតែប្រកាន់ជំហរក្នុងការពង្រឹងភាពជាដៃគូជាមួយអង្គការសង្គមស៊ីវិល សំដៅធ្វើឱ្យកាន់តែប្រសើរឡើងនូវកិច្ចសហប្រតិបត្តិការនានាដើម្បីផលប្រយោជន៍ជាតិ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការបញ្ជាក់បែបនេះរបស់លោក ព្រាប កុល រដ្ឋមន្ត្រីប្រតិភូអមនាយករដ្ឋមន្ត្រី គ្រាដែលលោកបានអនុញ្ញាតិឱ្យតំណាងអង្គការសង្គមស៊ីវិល ដែលជាក្រុមការងារសិទ្ធិទទួលព័ត៌មាន ចូលជួបពិភាក្សាការងារអំពីបច្ចុប្បន្នភាពនៃសេចក្តីព្រាងច្បាប់ស្តីពីសិទ្ធិទទួលព័ត៌មាន នៅឯវិមានសន្តិភាព នារសៀលថ្ងៃទី១៩ ខែមករា ឆ្នាំ២០២៤។

លោក ព្រាប កុល រដ្ឋមន្ត្រីប្រតិភូអមនាយករដ្ឋមន្ត្រី បានសម្តែងកិច្ចស្វាគមន៍ចំពោះអង្គការសង្គមស៊ីវិលដែលជាសមាជិក នៃក្រុមការងារសិទ្ធិទទួលព័ត៌មាន ដោយក្នុងជំនួបនេះ លោក ព្រាប កុល បានលើកឡើងអំពីគោលនយោបាយសំខាន់ៗរបស់រាជរដ្ឋាភិបាលកម្ពុជា នីតិកាលទី៧ នៃរដ្ឋសភា ដែលពាក់ព័ន្ធនឹងអង្គការសង្គមស៊ីវិល ជាពិសេសគោលជំហររបស់សម្តេចធីបតី ហ៊ុន ម៉ាណែត ក្នុងការពង្រឹងភាពដៃគូរវាងអង្គការសង្គមស៊ីវិល និងរាជរដ្ឋាភិបាលកម្ពុជា តាមរយៈការធ្វើឱ្យកាន់តែប្រសើរឡើងកិច្ចសហប្រតិបត្តិការ ក៏ដូចជាការប្រមូលផ្តុំនូវធនធានរួមពីសំណាក់តួអង្គនៃអង្គការមិនមែនរដ្ឋាភិបាលជាតិ និងអន្តរជាតិ ដើម្បីរួមចំណែកបន្តអភិវឌ្ឈន៍ប្រទេសកម្ពុជាលើគ្រប់វិស័យ។

លោក ឡាំ សុជាតិ តំណាងក្រុមការងារសិទ្ធិទទួលព័ត៌មាន បានធ្វើសេចក្តីរាយការណ៍ និងបច្ចុប្បន្នភាពអំពីសេចក្តីព្រាងច្បាប់ស្តីពីសិទ្ធិទទួលព័ត៌មាន ព្រមទាំងបានលើកឡើងនូវសំណូមពរដល់រាជរដ្ឋាភិបាល ដើម្បីបន្តកិច្ចពិភាក្សាពិគ្រោះយោបល់ សំដៅឈានទៅបញ្ចប់សេចក្តីព្រាងច្បាប់នេះក្នុងពេលឆាប់ៗ ដើម្បីឱ្យសភាអនុម័ត និងដាក់ឱ្យប្រើប្រាស់បានកាន់តែឆាប់រហ័ស នៅក្នុងអាណត្តិរបស់រាជរដ្ឋាភិបាល នីតិកាលទី៧នេះ។

ជាកិច្ចឆ្លើយតប លោក ព្រាប កុល បានទទួលស្គាល់នូវសារ:សំខាន់ និងភាពចាំបាច់នៃច្បាប់ស្តីពីសិទ្ធិទទួលព័ត៌មាន ដែលអាចរួមចំណែកលើកកម្ពស់ប្រសិទ្ធិភាពការងារ តម្លាភាព និងគណនេយ្យភាពសង្គម ក៏ដូចជាការបង្កជាលក្ខណៈងាយស្រួលដល់អ្នកវិនិយោគ និងជាធាតុផ្សំដ៏សំខាន់នៅក្នុងការអនុវត្តគោលការណ៍អភិបាលកិច្ចល្អ។ លោករដ្ឋមន្ត្រីប្រតិភូអមនាយករដ្ឋមន្ត្រី ក៏បានលើកទឹកចិត្តឱ្យអង្គការសង្គមស៊ីវិល រៀបចំផែនការ ដើម្បីត្រៀមជួបពិគ្រោះយោបល់ចំនួន៣លើកបន្ថែមទៀតជាមួយស្ថាប័នពាក់ព័ន្ធ ជាពិសេសក្រសួងព័ត៌មាន ដែលមានសមត្ថកិច្ចក្នុងការពិនិត្យ និងសម្រេចទៅលើសេចក្តីព្រាងច្បាប់ស្តីពីសិទ្ធិទទួលព័ត៌មាននេះ។

ក្នុងនាមជាមន្ត្រីរាជរដ្ឋាភិបាលកម្ពុជាមួយរូប លោក ព្រាប កុល ក៏បានសន្យានឹងផ្តល់កិច្ចសហការចូលរួមក្នុងកិច្ចពិភាក្សា និងសម្របសម្រួលជាមួយស្ថាប័នពាក់ព័ន្ធ ទៅតាមការស្នើសុំរបស់អង្គការសង្គមស៊ីវិល ផងដែរ៕

                          

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៥ នាទីutes មុន

វៀតណាម អញ្ជើញរដ្ឋមន្ត្រីការបរទេសអាមេរិក មកបំពេញទស្សនកិច្ច ដើម្បីពង្រឹងទំនាក់ទំនង

ព័ត៌មានជាតិ៧ នាទីutes មុន

ឯកឧត្តម ហ៊ុន ម៉ានី៖ ការចូលរួមការងារស្ម័គ្រចិត្តមិនត្រឹមតែជាប្រយោជន៍ដល់សង្គមតែដើម្បីអភិវឌ្ឍបុគ្គលម្នាក់ៗឲ្យកាន់តែរឹងមាំ

ព័ត៌មានអន្ដរជាតិ៨ នាទីutes មុន

អត្រា​កំណើត​នៅ​ប្រទេស​ថៃ ធ្លាក់​ចុះ​ក្រោម​៥០ម៉ឺន​នាក់ មិន​ធ្លាប់​មាន​ក្នុង​រយៈពេល​៨០​ឆ្នាំ

ព័ត៌មានអន្ដរជាតិ១៤ នាទីutes មុន

ប្រធានាធិបតីស្តីទីកូរ៉េខាងត្បូ​ង​​​វេតូ​ច្បាប់​ចំនួន​៦​​​​​​​តាក់​តែង​​ដោយ​បក្ស​ប្រឆាំង​​

ព័ត៌មានជាតិ២៩ នាទីutes មុន

សេចក្តីព្រាងអនុក្រឹត្យពាក់ព័ន្ធអត្តសញ្ញាណប័ណ្ណ និងអត្រានុកូលដ្ឋាន នឹងដាក់ជូនសម្ដេចធិបតី ពិនិត្យសម្រេចក្នុងពេលឆាប់ៗ  

ព័ត៌មានអន្ដរជាតិ៥ ម៉ោង មុន

ក្រោយភ្លើង​ឆេះ​ដ៏សាហាវ​បំផុត​ រដ្ឋកាលីហ្វ័រញ៉ា​ នឹង​ជួបព្យុះភ្លៀង​នាំ​សារធាតុ​​ពុល​ម្តង​​

ព័ត៌មានអន្ដរជាតិ៥ ម៉ោង មុន

យោធាមីយ៉ាន់ម៉ាបណ្ដេញមនុស្ស ៥៦០០០នាក់ចេញ ភាគច្រើនបំផុតជា​​ជនជាតិចិន​ ពាក់ព័ន្ធការបោកប្រាស់តាមអ៊ីនធឺណិត

ព័ត៌មានអន្ដរជាតិ៩ ម៉ោង មុន

អគ្គិភ័យឆេះសណ្ឋាគារសាហាវបំផុតក្នុងប្រវត្តិសាស្រ្តតួកគី, មនុស្សស្លាប់កើនដល់ ៧៦នាក់ 

ព័ត៌មានអន្ដរជាតិ៨ ម៉ោង មុន

ត្រាំ ចេញបញ្ជាដាក់ទោសប្រហារជីវិត អ្នកណាសម្លាប់មន្ត្រី និងជនអន្តោប្រវេសន៍ដែលប្រព្រឹត្តអំពើឧក្រិដ្ឋកម្ម

ព័ត៌មានអន្ដរជាតិ៧ ម៉ោង មុន

ត្រាំ៖ អាមេរិក​នឹង​ដាក់​ទណ្ឌកម្ម​រុស្ស៊ី​បន្ថែម​ទៀត បើ ពូទីន មិន​ព្រម​ចូល​តុចរចា​សន្តិភាព

Sokha Hotels

ព័ត៌មានពេញនិយម