ព័ត៌មានជាតិ

បុរសវ័យចំណាស់ម្នាក់ត្រូវបានគេប្រទះឃើញលង់ទឹកស្រះស្លាប់

បានផុស

៤ years មុន

នៅ

ថ្ងៃចន្ទ ១៥ កុម្ភៈ ២០២១

ដោយ

Sokhom Khon

សពបុរសវ័យ៥៩ឆ្នាំម្នាក់ត្រូវបានគេប្រទះឃើញលង់ទឹកស្រះស្លាប់ ហើយរាយការណ៍ប្រាប់សមត្ថកិច្ចឲ្យចុះពិនិត្យ។

ករណីនេះបានកើតកាលពីវេលាម៉ោង៧និង៣០នាទីព្រឹកថ្ងៃទី១៤ខែកុម្ភះ២០២១ ត្រង់ចំណុចស្រះទឹករបស់ឈ្មោះខន ឡីភេទស្រីអាយុ៥៥ឆ្នាំ ក្រុម១៣ ភូមិបឹងប្រី ឃុំស្នឹង ស្រុកបាណន់ ខេត្តបាត់ដំបង។

ជនរងគ្រោះ(សព)មានឈ្មោះ ខន ហាន់ ភេទប្រុសអាយុ៥៩ឆ្នាំ មុខរបរធ្វើស្រែ រស់នៅភូមិឃុំកើតហេតុខាងលើ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឆ្លងតាមការត្រួតពិនិត្យកន្លែងកើតហេតុនិងសាកសពសមត្ថកិច្ចផ្នែកជំនាញបានសន្និដ្ឋានថា ជនរងគ្រោះពិតជាស្លាប់ដោយលង់ទឹកស្រះពិតប្រាកដ គ្មានពាក់ព័ន្ធអំពើឃាតកម្មណាមួយនោះទេ គ្រាន់តែមានស្នាមបបូរមាត់បន្តិច ទំនងជនរងគ្រោះដើរនៅជិតមាត់ស្រះហើយងងឹតមុខដួលផ្កាប់មុខរួចក៏ធ្លាក់ចូលទឹកស្រះបណ្តាលឲ្យលង់ស្លាប់តែម្តង។

ជុំវិញករណីនេះគ្មានប្រភពណាមួយបញ្ជាក់អំពីដំណើរហេតុខាងលើនេះទេ ដោយគ្មានអ្នកជិតខាងឬក្រុមគ្រួសារណាម្នាក់ចាប់អារម្មណ៍ ឬបានឃើញថាជនរងគ្រោះទៅណាឬទៅធ្វើអ្វីនោះឡើយព្រោះរវល់ការងាររៀងខ្លួន រហូតមានអ្នកដើរទៅស្រះទើបប្រទះឃើញមានការភ្ញាក់ផ្អើលហើយរាយការណ៍ទៅសមត្ថកិច្ចតែម្តង។

ក្រោយពិនិត្យសព និងកន្លែងកើតហេតុ សមត្ថកិច្ចបានប្រគល់សពឲ្យក្រុមគ្រួសារយកទៅធ្វើបុណ្យតាមប្រពៃណី៕

អត្ថបទ ៖ សៅ សារិទ្ធ