ព័ត៌មានជាតិ
គម្រោងសាងសង់ស្ពានឆ្លងទន្លេទៅអរិយក្សត្រ វិវឌ្ឍន៍ដល់ណាហើយ?
លោក ផន រីម អ្នកនាំពាក្យក្រសួងសាធារណការនិងដឹកជញ្ជូនបានបញ្ជាក់មកកាន់ «កម្ពុជាថ្មី» នាព្រឹកថ្ងៃទី ២២ ខែមករា នេះថា គម្រោងសាងសង់ស្ពានមិត្តភាពកម្ពុជា-កូរ៉េ ភ្ជាប់ពីចំណុចផ្សាររាត្រីឆ្ពោះទៅតំបន់អរិយក្សត្រឆ្លងកាត់ទន្លេសាបនិងទន្លេមេគង្គ នឹងបញ្ចប់នីតិវិធីនានានៅអំឡុងត្រីមាសទី ១ ឆ្នាំ២០២៤ នេះ។

លោក ផន រីម ដែលទើបទទួលតំណែងជាទីប្រឹក្សា និងជាអ្នកនាំពាក្យក្រសួងសាធារណការនិងដឹកជញ្ជូនបានបញ្ជាក់ថា នីតិវិធីនានានឹងបញ្ចប់នៅអំឡុងត្រីមាសទី១ ឆ្នាំ២០២៤ ខណៈការជ្រើសរើសក្រុមហ៊ុនសាងសង់នឹងត្រូវអនុម័តនៅចុងឆ្នាំ ២០២៤។
ស្ពានមិត្តភាពកម្ពុជា-កូរ៉េ ដែលមានតម្លៃជិត ៣០០ លានដុល្លារអាមេរិកភ្ជាប់ពីចំណុចផ្សាររាត្រីឆ្ពោះទៅតំបន់អរិយក្សត្រត្រូវបានចុះហត្ថលេខារវាងរាជរដ្ឋាភិបាលនៃកម្ពុជា និងរដ្ឋាភិបាលនៃសាធារណរដ្ឋកូរ៉េកាលពីថ្ងៃទី០៩ ខែធ្នូ ឆ្នាំ២០២២ កន្លងទៅ។
យ៉ាងណាមិញ បើតាមអ្នកនាំពាក្យក្រសួងសាធារណការនិងដឹកជញ្ជូន ពាក់ព័ន្ធគម្រោងបើកការដ្ឋានស្ថាបនាផ្លូវការនៅពុំទាន់កំណត់ពេលវេលាជាក់លាក់នៅឡើយទេ បន្ទាប់ពីបញ្ចប់នីតិវិធីរៀបចំប្លង់លម្អិតរួច នឹងអនុម័តលើការជ្រើសរើសក្រុមហ៊ុនសាងសង់នៅចុងឆ្នាំ២០២៤ ។

គួរជម្រាបថា តាមរយៈគម្រោងសាងសង់ស្ពានមិត្តភាពកម្ពុជា-សាធារណរដ្ឋកូរ៉េ (ផ្សារចាស់-ជ្រោយចង្វារ ជ្រោយចង្វារ-អរិយក្សត្រ) នឹងជួយជំរុញឲ្យតម្លៃអចលនទ្រព្យនៅតំបន់នោះហក់ឡើង ជាពិសេសនឹងប្រែក្លាយតំបន់ម្ខាងនៃដងទន្លេនៃតំបន់អរិយក្សត្រទៅជាទីក្រុងរណបថ្មី ខណៈទីនោះកំពុងមានការអភិវឌ្ឍលើហេដ្ឋារចនាសម្ព័ន្ធរួមទាំងគម្រោងបុរីជាច្រើន៕

-
ព័ត៌មានអន្ដរជាតិ១៩ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?