ព័ត៌មានជាតិ
រដ្ឋលេខាធិការក្រសួងមហាផ្ទៃ ទាមទារឱ្យដោះស្រាយបណ្ដឹងពលករ ឆ្លងកាត់ព្រំដែន ត្រូវមានប្រព័ន្ធឆ្លើយតបបន្ទាន់
លោក សំរិទ្ធ ឌី រដ្ឋលេខាធិការក្រសួងមហាផ្ទៃ និងជាអនុប្រធានគណៈកម្មការចំពោះកិច្ចត្រួតពិនិត្យ និងដោះស្រាយបញ្ហាដំណើរចេញចូលរបស់ពលករខ្មែរ នៃព្រះរាជាណាចក្រកម្ពុជា ទាមទារឱ្យយកចិត្តទុកដាក់ដោះស្រាយបណ្ដឹងតវ៉ាពលករខ្មែរឆ្លងកាត់ព្រំដែន ត្រូវមានប្រព័ន្ធឆ្លើយតបជាបន្ទាន់។ បន្ថែមនោះ អាជ្ញាធរខេត្តកោះកុង និងអង្គភាពមន្ទីរ សមត្ថកិច្ចជំនាញនៅតាមព្រំដែនអន្តរជាតិចាំយាម ត្រូវបន្តចូលរួមយ៉ាងសកម្ម ធ្វើយ៉ាងណាក្ដោបក្ដាប់ព័ត៌មាន និងជួយសម្របសម្រួលដំណើរចេញចូលរបស់ពលករ និងដោះស្រាយរាល់បណ្ដឹងតវ៉ាផ្សេងៗ ឱ្យបានល្អប្រសើរ។
ការទាមទារឱ្យយកចិត្តទុកដាក់ដោះស្រាយបណ្ដឹងតវ៉ាពលករខ្មែរឆ្លងកាត់ព្រំដែននេះ ខណៈ លោក សំរិទ្ធ ឌី រដ្ឋលេខាធិការក្រសួងមហាផ្ទៃ និងជាអនុប្រធានគណៈកម្មការចំពោះកិច្ចត្រួតពិនិត្យ និងដោះស្រាយបញ្ហាដំណើរចេញចូលរបស់ពលករខ្មែរ នៃព្រះរាជាណាចក្រកម្ពុជា បានអញ្ជើញចូលរួមក្នុងកិច្ចប្រជុំត្រួតពិនិត្យដំណើរចេញចូលពលករនៅខេត្តកោះកុង នាស្នាក់ការប៉ុស្តិ៍នគរបាលអន្តោប្រវេសន៍ចាំយាម នៅថ្ងៃទី ២៣ ខែមករា ឆ្នាំ ២០២៤។
លោករដ្ឋលេខាធិការក្រសួងមហាផ្ទៃ ពន្យល់ដែរថា រាល់ការទទួល និងដោះស្រាយបណ្ដឹងតវ៉ានានារបស់ពលករខ្មែរពាក់ព័ន្ធនឹងដំណើរឆ្លងកាត់ព្រំដែនរៀបចំឱ្យមានប្រព័ន្ធឆ្លើយតបបន្ទាន់ ដើម្បីសម្រួលដល់ពលករអាចទំនាក់ទំនង និងរាយការណ៍ភាពមិនប្រក្រតីនៅច្រកទ្វារព្រំដែនអន្តរជាតិ។ បន្ថែមលើនេះ អាជ្ញាធរ និងសមត្ថកិច្ចជំនាញពាក់ព័ន្ធ ត្រូវបង្កើនការត្រួតពិនិត្យតាមដានការអនុវត្តតួនាទីភារកិច្ចរបស់អាជ្ញាធរមានសមត្ថកិច្ចពាក់ព័ន្ធ ក្នុងករណីមានបណ្ដឹងមិនសុខចិត្តពីពលករ ចុះពិនិត្យសិក្សា និងវាយតម្លៃអំពីស្ថានភាព នៃការយកកម្រៃក្រៅផ្លូវការសម្រាប់ការធ្វើដំណើរចេញចូលនៅច្រកទ្វារព្រំដែន។
លោក សំរិទ្ធ ឌី ក៏ណែនាំដល់គណៈកម្មការចំពោះកិច្ចត្រួតពិនិត្យ និងដោះស្រាយបញ្ហាដំណើរចេញចូលរបស់ពលករខ្មែរខេត្តកោះកុង បានដាក់ចេញវិធានការចុះប្រតិបត្តិការ ឬចេញសេចក្ដីណែនាំ ដើម្បីលុបបំបាត់ការយកកម្រៃក្រៅផ្លូវការ សម្រាប់ការធ្វើដំណើរចេញចូលនៅតាមច្រកទ្វារព្រំដែន សំដៅសម្រួលដល់ការធ្វើដំណើរចេញចូលរបស់ពលករនៅតាមព្រំដែន។
ទាក់ទិនបញ្ហាខាងលើ លោកស្រី មិថុនា ភូថង អភិបាលខេត្តកោះកុង លើកឡើងថា រាល់ការមិនសុខចិត្តរបស់ពលករចេញចូលតាមព្រំដែន គឺពួកគាត់អាចសរសេរជាលិខិតទិតៀនដាក់ក្នុងប្រអប់សំបុត្រអន្តោប្រវេសន៍ ឬ ប្ដឹងចូលមក Hotline facebook Webpage របស់អគ្គនាយកដ្ឋានអន្តោប្រវេសន៍។
លោកស្រីអភិបាលខេត្តកោះកុង អះអាងថា អាជ្ញាធរខេត្ត បានចាត់វិធានការ និងកំពុងអនុវត្តទប់ស្កាត់ការលួចឆ្លងដែនខុសច្បាប់ និងបង្ក្រាបរាល់បទល្មើសគ្រប់ប្រភេទ រក្សាបានសន្តិសុខសណ្ដាប់ធ្នាប់សាធារណៈជូនប្រជាពលរដ្ឋឱ្យបានកាន់តែមានប្រសិទ្ធភាព។ ទោះយ៉ាងណា ក៏តែងតែមានបញ្ហាប្រឈមខ្លះដែរ ដោយនៅតែមានការយកកម្រៃពីពលករតាមរយៈកម្មករបម្រើការងារឱ្យសមត្ថកិច្ចថៃ នាំឱ្យមានការភ័ន្តច្រឡំដល់នគរបាលអន្តោប្រវេសន៍កម្ពុជា។ នៅមានមេខ្យល់នាំពលករគេចវេះពីសមត្ថកិច្ច ដើរវាងឆ្លងកាត់តាមព្រៃភ្នំ។ ចំពោះពលករមួយចំនួន ត្រូវបានថៅកែដកហូតឯកសារធ្វើដំណើររក្សាទុក និងពុំទាន់មានក្រុមហ៊ុនទទួលខុសត្រូវនាំពលករទៅធ្វើការស្របច្បាប់។ ចំណែកឯនៅលើផ្ទៃសមុទ្រក្នុងភូមិសាស្ត្រខេត្តកោះកុងលាតសន្ធឹងជាង ២០០ គីឡូម៉ែត្រ មានជួបការលំបាកក្នុងការត្រួតពិនិត្យ និងខ្វះមធ្យោបាយទៀតផង។
ជាមួយគ្នានោះ លោកស្រី មិថុនា ភូថង ក៏ជំរុញឱ្យមានការអប់រំផ្សព្វផ្សាយណែនាំដល់ពលករខ្មែរ ពេលត្រឡប់ទៅធ្វើការនៅប្រទេសជិតខាង សូមប្រើប្រាស់ឯកសារឆ្លងដែនតាមកិច្ចព្រមព្រៀង នៃប្រទេសទាំងពីរ ដូចជា ៖ លិខិតឆ្លងដែន លិខិតធ្វើដំណើរពលករ ឬ ប័ណ្ណព្រំដែន ដែលចេញដោយក្រសួង ស្ថាប័នមានសមត្ថកិច្ច តាមកិច្ចព្រមព្រៀង នៃប្រទេសទាំងពីរ ជៀសវាងជឿតាមមេខ្យល់នាំដើរគេចវេះតាមព្រៃភ្នំ ឬទៅតាមផ្លូវទឹក អាចនាំឱ្យជួបគ្រោះថ្នាក់ឧប្បត្តិហេតុចៃដន្យណាមួយ៕
អត្ថបទ ៖ សិរីវឌ្ឍនៈ
ម៉ាដាម Pang ជាប្រធានសហព័ន្ធកីឡាបាល់ទាត់ថៃ រស់នៅក្រោមគំនរទ្រព្យដ៏មហាសាល
ក្រសួងមហាផ្ទៃ នឹងពង្រឹងតួនាទីរបស់ក្រុមប្រឹក្សារាជធានី ខេត្ត ក្រុង ស្រុក ខណ្ឌ
ឆ្នាំ ២០២៤ ទឹកជំនន់ និងជំនន់ទឹកភ្លៀង មានមនុស្សស្លាប់-របួស ជិត ៣០ នាក់ ប៉ះពាល់សន្ទូង និងដំណាំរួមផ្សំ ជាង ៦ ម៉ឺនហិតា
ក្រុមហ៊ុន Evercore Asia ចាប់អារម្មណ៍វិនិយោគលើវិស័យថាមពល និងទេសចរណ៍នៅកម្ពុជា
ឥណ្ឌូណេស៊ី ចុះកិច្ចព្រមព្រៀងជាមួយកាតា សង់ផ្ទះធូរថ្លៃឲ្យប្រជាជនចំំនួន១លានខ្នង
ជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
សមត្ថកិច្ចកម្ពុជា នឹងបញ្ជូនជនដៃដល់បាញ់លោក លិម គិមយ៉ា ទៅឱ្យថៃវិញ តាមសំណើររបស់នគរបាលថៃ ស្របតាមច្បាប់ បន្ទាប់ពីបញ្ចប់នីតិវិធី
មហាអំណាចអឺរ៉ុប២ប្រទេស ចេញមុខព្រមានលោក ត្រាំ ក្រោយគំរាមប្រើកម្លាំងយោធា ដណ្តើមយក Greenland
ភ្លើងឆេះព្រៃរាលដាលដល់ចម្ការស្វាយ ៣៥ហិកតា ខូចខាតដើមស្វាយ ១៥ ០០០ ដើម
ម្ដាយតារារ៉េប RuthKo មិនទទួលយកការសុំទោសដាច់ខាត ចំពោះទង្វើហាងផ្កាមួយកន្លែង ដែលផុសប្រមាថជីវិតកូន
-
ព័ត៌មានជាតិ៧ ថ្ងៃ agoលទ្ធផលកំណាយ៖ តំបន់អង្គរមានមនុស្សមកតាំងភូមិករតាំងពីជាង ៣ ០០០ ឆ្នាំមកម្ល៉េះ
-
ចរាចរណ៍៣ ថ្ងៃ agoតារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
-
ព័ត៌មានជាតិ១៦ ម៉ោង agoជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
-
ព័ត៌មានជាតិ៧ ថ្ងៃ agoអ្នកឧកញ៉ា សំ សុខនឿន ព្យាករថា កម្ពុជា ត្រូវការពេលប្រហែល៥ឆ្នាំទៀត ដើម្បីឱ្យវិស័យអចលនទ្រព្យវិលរកសភាពដើមវិញ
-
ព័ត៌មានជាតិ១ សប្តាហ៍ agoសំណង់ព្រះពុទ្ធប្បដិមាកម្ពស់ជាង ៨០ ម៉ែត្រ នឹងលេចរូបរាងក្នុងតំបន់អភិវឌ្ឍឆ្នេររាមខេត្តព្រះសីហនុ
-
សេដ្ឋកិច្ច១ សប្តាហ៍ agoទិន្នផលគ្រាប់ស្វាយចន្ទីអាចធ្លាក់ចុះពី ១០-៣០% ដោយសារអាកាសធាតុ ប្រសិនបើគ្មានវិធានការឆ្លើយតបទាន់ពេល
-
សេដ្ឋកិច្ច១ សប្តាហ៍ agoធនាគារជាតិ ប្រកាសឱ្យសាធារណជនប្រុងប្រយ័ត្នប្រាក់ដុល្លារក្លែងក្លាយ កំពុងចរាចរណ៍នៅកម្ពុជា
-
ព័ត៌មានជាតិ៦ ថ្ងៃ agoមហាជនផ្ទុះការរិះគន់លោកបណ្ឌិត សុខ ទូច ដែលនិយាយជំរុញ«ក្មេងៗឱ្យខំរៀនសូត្រ និងធ្វើការ ជាជាងទៅធ្វើសមាធិ»