ព័ត៌មានជាតិ

អាវុធហត្ថខេត្តតាកែវឃាត់ខ្លួនអ្នកលួចដាំដំណាំកញ្ឆាខុសច្បាប់ម្នាក់នៅស្រុកគិរីវង់

បានផុស

៤ years មុន

នៅ

ថ្ងៃចន្ទ ១៥ កុម្ភៈ ២០២១

ដោយ

បុរសម្នាក់ត្រូវបានកម្លាំងអាវុធហត្ថនៃបញ្ជាការដ្ឋានកងរាជអាវុធហត្ថខេត្តតាកែវ ធ្វើការឃាត់ខ្លួននៅក្នុងចម្ការកញ្ឆាដោយសង្ស័យជាអ្នកលួចដាំដុះដំណាំកញ្ឆាខុសច្បាប់នៅជួរភ្នំបាយ៉ង់កោ ស្រុកកីរីវង់ខេត្តតាកែវ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកអនុសេនីយ៍ទោ ហួត វឿន នាយការិយាល័យស្ដីទី ការិយាល័យប្រឆាំងគ្រឿងញៀនអាវុធហត្ថខេត្តតាកែវបានឲ្យដឹងថា នៅរសៀលថ្ងៃទី១៤ ខែកុម្ភៈ ឆ្នាំ២០២១ ក្រោមការសម្របសម្រួលនីតិវិធីដោយលោក ជីវ ចាន់តារា ព្រះរាជអាជ្ញាអមសាលាដំបូងខេត្ត និងក្រោមការបញ្ជារបស់លោកឧត្តមសេនីយ៍ត្រី ឡា ឡៃ មេបញ្ជាការកងរាជអាវុធហត្ថខេត្តតាកែវ កម្លាំងការិយាល័យប្រឆាំងគ្រឿងញៀន សហការណ៍ជាមួយកម្លាំងមូលដ្ឋានស្រុក បានឡើងរុករកកាប់ដុតបំផ្លាញដំណាំកញ្ឆាដែលជនខិលខូចលួចដាំខុសច្បាប់។ ជាមួយគ្នានេះ បានធ្វើការឃាត់ខ្លួនជនសង្ស័យម្នាក់ ឈ្មោះ ម៉ែន ប៉ាន ភេទប្រុស អាយុ៦៨ឆ្នាំ (សង្ស័យជាអ្នកដាំដុះកញ្ជាដោយខុសច្បាប់) រស់នៅភូមិជ្រោយ ឃុំព្រះបាទជាន់ជុំ ស្រុកគិរីវង់ ខេត្តតាកែវ ។

លោក ហួត វឿន បញ្ជាក់ថា កម្លាំងលោកបានធ្វើការកាប់បំផ្លាញដើមកញ្ឆាស្រស់ចោលចំនួន១៥០ដើម ស្មើ១ទីតាំង អាងស្តុបទឹកចំនួន០១ រោងស្នាក់នៅចំនួន០១ ត្រង់ចំណុច បែកថ្លាងខាងលើស្ថិតភូមិជ្រោយ ឃុំព្រះបាទជាន់ជុំ ស្រុកគីរីវង់ ដែលមានផ្ទៃដីប្រមាណ៦០ម៉ែត្រការ៉េ។

បច្ចុប្បន្នជនសង្ស័យ ត្រូវបានកម្លាំងការិយាល័យជំនាញកងរាជអាវុធហត្ថខេត្តកសាងសំណុំរឿងបញ្ជូនទៅសាលាដំបូងខេត្តតាកែវ ចាត់ការតាមនីតិវិធីច្បាប់៕

អត្ថបទ ៖ វីរៈ