ព័ត៌មានជាតិ
ច្បាប់វិនិយោគថ្មីកំណត់ត្រឹម ២០ ថ្ងៃយ៉ាងយូរត្រូវចេញវិញ្ញាបនបត្រផ្តល់ភ្លើងខៀវសំណើវិនិយោគ
ច្បាប់វិនិយោគថ្មីដែលរដ្ឋាភិបាលប្រកាសដាក់ឲ្យប្រើប្រាស់កាលពីឆ្នាំ ២០២១ បានកំណត់ឲ្យស្ថាប័នពាក់ព័ន្ធត្រូវចេញវិញ្ញាបនបត្រចុះបញ្ជីជូនដល់អ្នកដាក់ពាក្យស្នើសុំគម្រោងវិនិយោគមិនឲ្យលើសពី ២០ ថ្ងៃនៃថ្ងៃធ្វើការ។
មាត្រា ១២ នៃច្បាប់វិនិយោគបានកំណត់យ៉ាងដូច្នេះថា «ប្រសិនបើគម្រោងវិនិយោគស្នើសុំមិនស្ថិតក្នុងបញ្ជីអវិជ្ជមានដែលត្រូវកំណត់ដោយឡែកក្នុងអនុក្រឹត្យ ក្រុមប្រឹក្សាអភិវឌ្ឍកម្ពុជាត្រូវចេញវិញ្ញាបនបត្រចុះបញ្ជីជូនអ្នកដាក់ពាក្យស្នើសុំក្នុងអំឡុងពេលមិនលើសពី ២០ (ម្ភៃ)ថ្ងៃនៃថ្ងៃធ្វើការ»។
វិញ្ញាបនបត្រចុះបញ្ជីមានភ្ជាប់នូវបារកូដដែលមានលេខសម្គាល់ ឬឃ្យូអរកូដ ឬប្រព័ន្ធបច្ចេកវិទ្យាដទៃទៀត ដែលផ្ទុកទិន្នន័យបឋមមួយចំនួនពាក់ព័ន្ធនឹងគម្រោងវិនិយោគដែលចុះបញ្ជី ដើម្បីជាប្រយោជន៍ដល់ការចុះបញ្ជីពាក់ព័ន្ធនានានិងសម្រាប់ការអនុវត្តគម្រោងវិនិយោគ។
ក្រោយគម្រោងស្នើសុំវិនិយោគទទួលបានវិញ្ញាបនបត្រចុះបញ្ជី អាចចាប់ផ្តើមអនុវត្តដោយស្វ័យប្រវត្តិ។ នេះបើតាមមាត្រា ១៣ នៃច្បាប់វិនិយោគ។
«កាលបរិច្ឆេទនៃការចេញវិញ្ញាបនបត្រចុះបញ្ជីជូនអ្នកដាក់ពាក្យសុំគឺជាកាលបរិច្ឆេទនៃការចាប់ផ្តើមអនុវត្តគម្រោង»។
យ៉ាងណាមិញ ទោះបីជាផុតរយៈពេល ២០ (ម្ភៃ) ថ្ងៃនៃថ្ងៃធ្វើការ ក្រសួង ស្ថាប័ន រដ្ឋបាលរាជធានី ខេត្ត មន្ទីរ និងអង្គភាពមានសមត្ថកិច្ច ត្រូវតែផ្ដល់ការយល់ព្រម ការអនុញ្ញាត អាជ្ញាបណ្ណ តាមការកំណត់ដោយច្បាប់និងលិខិតបទដ្ឋានគតិយុត្តជាធរមាន។
«ការយឺតយ៉ាវក្នុងការចេញលិខិតអនុញ្ញាតនានាពីក្រសួង ស្ថាប័ន រដ្ឋបាលរាជធានី ខេត្ត មន្ទីរ និងអង្គភាពមានសមត្ថកិច្ចដោយគ្មានមូលហេតុសមរម្យ មិនត្រូវជាកម្មវត្ថុនៃការរាំងស្ទះដល់ដំណើរការអនុវត្តគម្រោងវិនិយោគនោះឡើយ»។
អនុលោមទៅតាមលក្ខខណ្ឌជាក់ស្ដែង ក្រុមប្រឹក្សាអភិវឌ្ឍន៍កម្ពុជា ឬអនុគណៈកម្មការធិការវិនិយោគរាជធានីខេត្តមានសិទិ្ធពន្យារពេលឬបដិសេធការចុះបញ្ជីដល់អ្នកដាក់ពាក្យសុំ ចំពោះគ្រប់សំណើសុំចុះបញ្ជីគម្រោងវិនិយោគ ដោយមានការជូនដំណឹងដល់អ្នកដាក់ពាក្យសុំជាលាយលក្ខណ៍អក្សរ ដោយបញ្ជាក់អំពីមូលហេតុច្បាស់លាស់ ក្រោមហេតុផលណាមួយដូចខាងក្រោម៖
១- សំណើសុំចុះបញ្ជីគម្រោងវិនិយោគមិនអនុលោមតាមនីតិវិធីនៃការចុះបញ្ជី ព្រមទាំងច្បាប់និងលិខិតបទដ្ឋានគតិយុត្តជាធរមាន។ ឬ
២- អ្នកដាក់ពាក្យសុំមិនបានផ្តល់ជូននូវព័ត៌មានគ្រប់គ្រាន់ ដែលតម្រូវដោយច្បាប់ឬអនុក្រឹត្យ។ ឬ
៣- គម្រោងដែលបានស្នើសុំមានវេទយិតភាពខ្ពស់ ដែលតម្រូវឱ្យមានការសុំយោបល់សម្រេចជាមុនពីកិច្ចប្រជុំពេញអង្គគណៈរដ្ឋមន្ត្រី ឬរាជរដ្ឋាភិបាល។
«ការជូនដំណឹងអំពីការពន្យារពេលការចុះបញ្ជីត្រូវបញ្ជាក់ឱ្យបានច្បាស់នូវចំណុចឬអំពីលក្ខខណ្ឌ និងអំពីថេរវេលាសម្រាប់អ្នកដាក់ពាក្យសុំត្រូវកែតម្រូវឬបំពេញ»។
ការទទួលបានវិញ្ញាបនបត្រចុះបញ្ជី ក៏មិនមែនជាការលើកលែងឱ្យគម្រោងវិនិយោគរួចផុតពីការទទួលលិខិតអនុញ្ញាត អាជ្ញាបណ្ណ ឬបញ្ចិកានានា ដែលតម្រូវដោយក្រសួង ស្ថាប័ន រដ្ឋបាលរាជធានី ខេត្ត មន្ទីរ និងអង្គភាព ស្របតាមច្បាប់និងលិខិតបទដ្ឋានគតិយុត្តជាធរមាននោះដែរ។
ជាមួយគ្នានេះ ដើម្បីធានានូវអនុលោមភាពគតិយុត្ត និងលក្ខខណ្ឌនានាដែលជាមូលហេតុនៃការទទួលបានវិញ្ញាបនបត្រចុះបញ្ជី រាល់គម្រោងវិនិយោគត្រូវជាកម្មវត្ថុនៃការតាមដានជាប្រចាំ។
អ្នកអនុវត្តតម្រោងវិនិយោគ ត្រូវផ្តល់របាយការណ៍ស្តីពីការអនុវត្តគម្រោងវិនិយោគ ទៅតាមកាលវិភាគជាក់លាក់។ ការផ្តល់របាយការណ៍ស្តីពីការអនុវត្តគម្រោងវិនិយោគ ពុំមែនជាមូលដ្ឋាននៃការរួចផុតពីការពិនិត្យ អនុលោមភាពក្នុងការអនុវត្តគម្រោងនៅនឹងកន្លែងអនុវត្តគម្រោងទេ ប្រសិនបើក្រុមប្រឹក្សាអភិវឌ្ឍកម្ពុជាសន្មតថាមានភាពចាំបាច់ឬប្រសិនបើមានការតវ៉ាណាមួយពីបុគ្គលដែលអះអាងថាបានទទួលរងនូវផលប៉ះពាល់ពីការអនុវត្តគម្រោងវិនិយោគ។
ក្រុមប្រឹក្សាអភិវឌ្ឍន៍កម្ពុជា និងអនុគណៈកម្មការធិការវិនិយោគរាជធានីខេត្តមានកាតព្វកិច្ចចុះពិនិត្យការអនុវត្តគម្រោងវិនិយោគ ដើម្បីពិនិត្យអនុលោមភាពគតិយុត្ត និងការអនុវត្តកាតព្វកិច្ចនានា ដែលជាលក្ខខណ្ឌនៃការទទួលបានវិញ្ញាបនបត្រចុះបញ្ជី។
ការចុះពិនិត្យការអនុវត្តគម្រោងវិនិយោគជាក់ស្ដែង ត្រូវធ្វើឡើងជាទៀងទាត់ឬតាមការចាំបាច់ ដោយមានការជូនដំណឹងជាមុនទៅបុគ្គលពាក់ព័ន្ធនឹងការអនុវត្តគម្រោងវិនិយោគ លើកលែងតែក្នុងករណីសង្ស័យ ក្រសួង ស្ថាប័ន រដ្ឋបាលរាជធានី ខេត្ត មន្ទីរ និងអង្គភាពពាក់ព័ន្ធអាចចុះត្រួតពិនិត្យដោយមិនចាំបាច់ជូនដំណឹងជាមុន។
គួរបញ្ជាក់ថា ក្រុមប្រឹក្សាអភិវឌ្ឍន៍កម្ពុជា (ក.អ.ក.) ជាស្ថាប័នប្រតិបត្តិបំពេញមុខងារជាសេនាធិការនិងជាច្រកចេញចូលតែមួយលើបេសកកម្មដឹកនាំនិងគ្រប់គ្រងកិច្ចសហប្រតិបត្តិការអភិវឌ្ឍន៍ ការវិនិយោគឯកជន និងតំបន់សេដ្ឋកិច្ចពិសេស។
ដើម្បីបង្កើនប្រសិទ្ធភាពក្នុងការផ្តល់សេវាជូនវិនិយោគិនលើសំណើវិនិយោគ រដ្ឋាភិបាលក៏បានធ្វើប្រតិភូកម្មទៅឱ្យរដ្ឋបាលរាជធានីខេត្តតាមរយៈអនុគណៈកម្មាធិការវិនិយោគរាជធានីខេត្តក្នុងការផ្តល់សិទ្ធិអំណាចលើការសម្រេចអនុញ្ញាតិគម្រោងវិនិយោគជាក់លាក់ណាមួយដែលត្រូវកំណត់តាមអនុក្រឹត្យដាច់ដោយឡែក។
ក្រៅពីក្រុមប្រឹក្សាអភិវឌ្ឍន៍កម្ពុជា និងអនុគណៈកម្មាធិការវិនិយោគរាជធានីខេត្ត សំណើសុំចុះបញ្ជីគម្រោងវិនិយោគក៏អាចធ្វើឡើងតាមរយៈថ្នាលបច្ចេកវិទ្យាព័ត៌មាន (CAM DX)៕
អភិបាលខណ្ឌសែនសុខ ចាត់ក្រុមការងារចុះណែនាំបញ្ឈប់ការដុតក្រណាត់រោចក្រកាត់ដេរយីហោ« ហ៊ុយ ម៉ីង» បង្កផ្សែងប៉ះពាល់សុខភាពប្រជាពលរដ្ឋ
អ្នកបើករថយន្តបុកស្លាប់៣នាក់ឪពុកកូននៅផ្លូវ៦០ម៉ែត្រ ត្រូវតំណាងអយ្យការចោទប្រកាន់ពីបទបើកបរបង្កគ្រោះថ្នាក់ចរាចរណ៍បណ្តាលឱ្យអ្នកដទៃស្លាប់ និងរបួស
ពលរដ្ឋនៅបាត់ដំបងតវ៉ាបិទផ្លូវទាមទារឲ្យដោះបញ្ហាស្រូវធ្លាក់ថ្លៃ ក្រសួងកសិកម្មតបថា ថាមិនបានព្រងើយបញ្ហានេះឡើយ
រកឃើញភាពមិនប្រក្រតីក្នុងការដំណើរការក្ដីរបស់តុលាការចំនួន៣៣ករណី
អ្នកនាំពាក្យ៖ ក្រសួងយុត្តិធម៌ មិនឱ្យមាន«ករណីបុកគេស្លាប់ហើយជនបង្កបង់លុយយករួចខ្លួន»កើតមានទៀតទេ
ជិះម៉ូតូបញ្ច្រាសផ្លូវ បុកម៉ូតូមួយគ្រឿងទៀតស្លាប់ម្នាក់ និងរបួសធ្ងន់ស្រាល៣នាក់
យុវជនម្នាក់ ចេញពីធ្វើការត្រលប់ទៅកន្លែងស្នាក់នៅវិញ ជួបគ្រោះថ្នាក់ចរាចរណ៍ ដួលបោកក្បាលស្លាប់លើស្ពានព្រែកព្នៅ
ព្រាប សុវត្ថិ ប្រកាសលក់ដីជាង ៨ហិកតានៅមណ្ឌលគិរីក្នុងតម្លៃពិសេស ជាឱកាសសម្រាប់ការវិនិយោគ
នគរបាលបញ្ជូនអ្នកបើករថយន្ដបុកម៉ូតូស្លាប់ឪពុកកូន៣នាក់នៅផ្លូវ៦០ម៉ែត្រទៅតុលាការ
គម្រោងកែលម្អសួនច្បារមាត់ទន្លេ ចំណាយថវិកាជិត ២០០ លានរៀល ផ្លាស់ប្តូរមុខមាត់ថ្មីស្រុកសំបូរទាក់ទាញទេសចរបន្ថែមទៀត
-
ព័ត៌មានជាតិ៤ ថ្ងៃ agoមេសិទ្ធិមនុស្សកម្ពុជា ឆ្លៀតសួរសុខទុក្ខកញ្ញា សេង ធារី កំពុងជាប់ឃុំ និងមើលឃើញថាមានសុខភាពល្អធម្មតា
-
ចរាចរណ៍១ សប្តាហ៍ agoតារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
-
ចរាចរណ៍៣ ថ្ងៃ agoករណីគ្រោះថ្នាក់ចរាចរណ៍រវាងរថយន្ត និងម៉ូតូ បណ្ដាលឱ្យឪពុក និងកូន២នាក់ស្លាប់បាត់បង់ជីវិត
-
ព័ត៌មានជាតិ៥ ថ្ងៃ agoជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
-
ជីវិតកម្សាន្ដ២ ថ្ងៃ agoក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
-
ចរាចរណ៍១៨ ម៉ោង agoជិះម៉ូតូបញ្ច្រាសផ្លូវ បុកម៉ូតូមួយគ្រឿងទៀតស្លាប់ម្នាក់ និងរបួសធ្ងន់ស្រាល៣នាក់
-
ព័ត៌មានជាតិ៣ ថ្ងៃ agoអ្នកនាំពាក្យថារថយន្តដែលបើកផ្លូវឱ្យអ្នកលក់ឡេមិនមែនជារបស់អាវុធហត្ថទេ
-
ព័ត៌មានជាតិ៥ ថ្ងៃ agoសមត្ថកិច្ចកម្ពុជា នឹងបញ្ជូនជនដៃដល់បាញ់លោក លិម គិមយ៉ា ទៅឱ្យថៃវិញ តាមសំណើររបស់នគរបាលថៃ ស្របតាមច្បាប់ បន្ទាប់ពីបញ្ចប់នីតិវិធី