ព័ត៌មានជាតិ

ដើរចេញពីផ្ទះបាត់៣ថ្ងៃប្រពន្ធដើររកប្រទះឃើញដេកផ្កាប់មុខស្លាប់នៅវាលស្រែ

បានផុស

៤ years មុន

នៅ

ថ្ងៃចន្ទ ១៥ កុម្ភៈ ២០២១

ដោយ

បុរសវ័យចំណាស់ម្នាក់ដើរចេញពីផ្ទះបាត់៣ថ្ងៃ ៣យប់ពេលប្រពន្ធដើររកក៏ប្រទះឃើញដេកផ្កាប់មុខស្លាប់នៅវាលស្រែ កាលពីវេលាម៉ោង៧ ថ្ងៃទី១៤ ខែកុម្ភះ ឆ្នាំ២០២១ ត្រង់ចំណុច ភូមិបឹងរាំង ឃុំអូរស្រទ្បៅ ស្រុកម៉ាទ្បៃ ខេត្តបន្ទាយមានជ័យ។

នគរបាលមូលដ្ឋានបានប្រាប់ឲ្យដឹងថា ជនរងគ្រោះមានឈ្មោះ រ៉ម ប៉ូយ ភេទប្រុស អាយុ៥៤ឆ្នាំ រស់នៅភូមិថ្មី ឃុំអូរស្រឡៅ ស្រុកម៉ាឡៃ ខេត្តបន្ទាយមានជ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នគរបាលបានប្រាប់ឲ្យដឹងបន្តទៀតថា តាមការអះអាងរបស់ប្រពន្ធជនរងគ្រោះបានឲ្យដឹងថា កាលពីថ្ងៃទី១១ ខែកុម្ភៈ ឆ្នាំ២០២១ វេលាម៉ោង២រសៀលប្តីរបស់គាត់បានដើរចេញពីផ្ទះបាត់រកមិនឃើញលុះដល់ថ្ងៃទី១៤ខែកុម្ភៈ ឆ្នាំ ២០២១នេះ ទើបគេប្រទះឃើញសពប្តីរបស់គាត់ដេកស្លាប់ផ្កាប់មុខនៅវាលស្រែ។

ក្រោយពេលរកឃើញសពក៏បានរាយការណ៍ឲ្យសម្ថកិច្ចចុះមកពិនិត្យ ហើយបានធ្វើការសន្និដ្ឋានថា សពស្លាប់ដោយសារខ្យល់ គ ព្រោះអះអាងថាសពដើរដាច់បាយដាច់ទឹក ក្រោយពិនិត្យហើយសមត្ថកិច្ចប្រគល់ទៅឲ្យក្រុមគ្រួសារយកទៅធ្វើបុណ្យតាមប្រពៃណី៕

អត្ថបទ ៖ វ៉ាន់ ណាង