ព័ត៌មានជាតិ

ក្រុមការងារមូលដ្ឋានអាវុធហត្ថនាំយកអំណោយ ចូលរួមរំលែកទុក្ខគ្រួសារសពកុមារពីរនាក់ លង់ទឹកស្លាប់

បានផុស

៤ years មុន

នៅ

ថ្ងៃចន្ទ ១៥ កុម្ភៈ ២០២១

ដោយ

លោកវរសេនីយ៍ឯក ហែម រិទ្ធី មេបញ្ជាការមូលដ្ឋានអាវុធហត្ថខណ្ឌមានជ័យ បានចាត់ក្រុមការងារនាំយកអំណោយចូលរួម រំលែកទុក្ខដ៏ក្រៀមក្រំ ដល់ក្រុមគ្រួសារសពកុមារពីរនាក់បងប្អូនបង្កើតស្លាប់ដោយលង់ទឹក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សពក្មេងរងគ្រោះទាំងពីរ ត្រូវបានក្រុមគ្រួសារយកទៅធ្វើបុណ្យ តាមប្រពៃណី នៅវត្តសន្សំកុសល ស្ថិតនៅក្នុងក្រុមទី១ ភូមិសន្សំកុសល់២ សង្កាត់បឹងទំពុនទី១ ខណ្ឌមានជ័យ រាជធានីភ្នំពេញនារសៀលថ្ងៃទី១៥ ខែកុម្ភៈ ឆ្នាំ២០២១។ មន្ត្រីអាវុធហត្ថរាជធានីភ្នំពេញបានឲ្យដឹងថា សពជនរងគ្រោះទី១ ឈ្មោះ សៀន រ៉ូហ្សា ភេទស្រី អាយុ១២ឆ្នាំ, ទី២.ជនរងគ្រោះ ឈ្មោះ សៀន ដេវីត ភេទប្រុស អាយុ៩ឆ្នាំ ។

ប្រភពបន្តថា ស្ថិតក្នុងស្ថានភាពដ៏សោកសង្រេងនេះ ដោយឃើញពីទុក្ខលំបាករបស់ក្រុមគ្រួសារ ក្រុមការងារ បាននាំយកថវិកាចំនួន ៣០ម៉ឺនរៀល, អង្ករចំនួន០២បាវ, ទឹកក្រូចចំនួន០២កេស, ទឹកស៊ីអ៊ីវចំនួន០១យួរ, ទឹកត្រីចំនួន០១យួរ, ទឹកបរិសុទ្ធចំនួន ០១កេស ចូលរួមរំលែកទុក្ខដ៏ក្រៀមក្រំដល់គ្រួសារសព និងសូមបួងសួងដល់វិញ្ញាណក្ខន្ធបានទៅកាន់សុគតិភពកុំបីឃ្លៀងឃ្លាតឡើយ៕

អត្ថបទ៖ វិមាន