ព័ត៌មានជាតិ

ហាមមិនស្ដាប់! មនុស្ស៩នាក់ ត្រូវសមត្ថកិច្ចឃាត់ខ្លួន សង្ស័យគេចវេះ មិនធ្វើចត្តាឡីស័ក

បានផុស

៤ years មុន

នៅ

ថ្ងៃចន្ទ ១៥ កុម្ភៈ ២០២១

ដោយ

តាមប្រភពព័ត៌មានបឋមបានឲ្យដឹងថា នៅព្រឹកថ្ងៃទី១៥ ខែកុម្ភៈ ឆ្នាំ២០២១នេះ រថយន្តរត់តាក់ស៊ី១គ្រឿង ត្រូវបានកម្លាំងនគរបាលចរាចរណ៍ផ្លូវគោកស្នងការខេត្តបាត់ដំបងក្រោមកិច្ចសហការគ្នាជាមួយអង្គភាពពាក់ព័ន្ធ បានឃាត់មនុស្សចំនួន៨នាក់រួមទាំងអ្នកបើក១នាក់ផងសង្ស័យថា ជាពលករគេចវេះមិនធ្វើចត្តាឡីស័ក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការឃាត់រថយន្តតាក់ស៊ី ដែលសង្ស័យថា ដឹកពលករគេចវេះមិនចូលខ្លួនធ្វើចត្តាឡីស័កនេះ បានធ្វើឡើងត្រង់ចំណុច កំណាត់ផ្លូវជាតិចន្លោះពីស្រុកសំពៅលូនមកកាន់ខេត្តបាត់ដំបង។ ក្រោយសមត្ថកិច្ចធ្វើការត្រួតពិនិត្យនិងសាកសួរពលករទាំងអស់ បានសារភាពថា ពួកខ្លួនទើបឆ្លងដែនវិលមកពីប្រទេសថៃ ដោយមិនបានចូលធ្វើចត្តាឡីស័ក្ដនោះឡើយ។ ក្រោយទទួលបានព័ត៌មានចម្លើយសារភាពរួចរាល់ភ្លាមៗ កម្លាំងចម្រុះក៏បានរៀបចំចាត់ចែងបញ្ជូនអ្នកទាំងអស់ទៅចូលចត្តាឡីស័ក្កតែម្តង នៅក្នុងមណ្ឌលក្នុងស្រុកសំពៅលូនព្រំដែនខេត្តបាត់ដំបង៕