Connect with us

ព័ត៌មានជាតិ

កម្ពុជា ផ្គត់ផ្គង់សាច់សត្វបាន ៣២០ពាន់តោន នៅក្នុងឆ្នាំ ២០២៣

បានផុស

នៅ

ក្នុងរយៈពេល៥ឆ្នាំចុងក្រោយនេះ តម្រូវការសាច់សត្វសម្រាប់ការបរិភោគ មានការកើនឡើង ពី២៩០ពាន់តោន ក្នុងឆ្នាំ២០១៩ ឡើងដល់៣៣០ ពាន់តោន នៅឆ្នាំ២០២៣។ នេះបើតាមរបាយការណ៍របស់ក្រសួងកសិកម្ម រុក្ខាប្រមាញ់ និងនេសាទ ដែលកម្ពុជាថ្មី ទទួលបាននៅថ្ងៃ ទី ២៩ មករានេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្រាប់នៅក្នុងឆ្នាំ២០២៣ តម្រូវការសាច់សរុបចំនួន ៣២៧ពាន់តោន ក្នុងនោះសាច់គោ-ក្របី៩១ពាន់តោន ស្មើ (៨១៦ពាន់ ក្បាល) សាច់ជ្រូក ១៦៥ពាន់តោន(៣,៣១លានក្បាល)  សាច់បក្សី ៧០ពាន់តោន (៥៤,២៧លានក្បាល) និងសាច់ចៀម-ពពែ ឬសាច់ផ្សេងៗទៀត ១ពាន់តោន។ ផលិតកម្មសត្វក្នុងស្រុកអាចផ្គត់ផ្គង់សាច់ បានប្រមាណ ៣២០ពាន់តោន ស្មើនឹង៩៨%នៃតម្រូវការសរុប។

ទន្ទឹមនឹងនេះ បរិមាណសាច់ដែលខ្វះខាតត្រូវបាននាំចូលពីបរទេស ដើម្បីបំពេញតម្រូវការបន្ថែមសម្រាប់ម្ហូបអាហារ និងធ្វើជាវត្ថុធាតុដើមផលិតចំណីសត្វលម្អ (ឆែ្ក, ឆ្មា)។ ជាក់ស្តែងនៅក្នុងឆ្នាំ២០២៣ កម្ពុជាបាននាំចូលសាច់ និងផលិតសត្វ សរុបចំនួន៩,២៥ពាន់តោន ក្នុងនោះមាន ជ្រូកកណ្តុរ ៣០០០ក្បាល ពពែ៣៣៦ក្បាល ចៀម៤០០ក្បាល មាន់សាច់រស់៣,៥៥លានក្បាល ទាសាច់រស់១៧០ពាន់ក្បាល (៤,៤៩ពាន់តោន) និងសាច់ចម្រុះ មានសាច់ជ្រូក ចៀម មាន់ ទា ក្ងាន ក្រូច គោ ក្របី ប្រហិត សាច់ក្រក ហ្វូម៉ា និងផលិតផលសត្វ (៤,៧៦ពាន់តោន) ។

ជាមួយគ្នានេះ របាយការណ៍របស់ក្រសួងកសិកម្ម បានបង្ហាញថា ក្នុងរយៈពេល៥ឆ្នាំកន្លងមកនេះ កម្ពុជា បាននាំចេញគោ-ក្របីចំនួន ១១៥,៣៧ពាន់ក្បាល ជ្រូកសាច់ចំនួន ១៥,២៥ ពាន់ក្បាល ជ្រូកពូជ(មេ,បា) ចំនួន ១,៧៦ពាន់ក្បាល ស្វាក្តាមចំនួន ១០២,៥៨ពាន់ក្បាល ទឹកដោះគោចំនួន ៦,៨៤ពាន់ តោន ចំណីឆ្កែចំនួន ២៦,៧៨ពាន់តោន រោមសត្វចំនួន ១៤៦,៨តោន ស្បែកគោ-ក្របី ជ្រូកចំនួន ២៧,១៦ពាន់តោន និង Gelatine ចំនួន ៧៥២តោន។ ដោយឡែកនៅឆ្នាំ២០២៣ បាននាំចេញគោ-ក្របីចំនួន ៣១,២៦ពាន់ក្បាល ជ្រូកសាច់ ចំនួន ៦,៨០ពាន់ក្បាល ជ្រូកពូជ (មេ,បា) ចំនួន ៦៤៦ក្បាល ស្វាក្តាមចំនួន ១៤,៣៤ពាន់ក្បាល ចំណីឆ្កែចំនួន ១០,៩៥ ពាន់តោន រោមសត្វចំនួន ១៨,៣តោន ស្បែកគោ-ក្របីចំនួន ២,៤៦ពាន់តោន និង Gelatine ចំនួន ៧៥២តោន។

លោក ស្រ៊ុន ពៅ ប្រធានសមាគមអ្នកចិញ្ចឹមសត្វនៅកម្ពុជា បានលើកឡើងថា បច្ចុប្បន្ននេះ កម្ពុជា មានតម្រូវការជ្រូកប្រមាណ ៧ពាន់ទៅ ៨ពាន់ក្បាលក្នុងមួយថ្ងៃ ដើម្បីផ្គត់ផ្គង់ទីផ្សារក្នុងស្រុក ខណៈដែលការផលិតបានរហូតដល់ជាងមួយម៉ឺនក្បាល ក្នុងមួយថ្ងៃ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម៣ ម៉ោង មុន

នគរបាល​ឡោមព័ទ្ធ​ខុន​ដូ​មួយ​កន្លែងទាំងយប់ ឃាត់​ជន​បរទេស​ប្រុសស្រីជាង ១០០នាក់

ព័ត៌មានជាតិ៤ ម៉ោង មុន

លោក ហេង សួរ ៖ កិច្ច​ប្រជុំកំពូលវាយនភណ្ឌសកល នឹង​ធ្វើ​ឱ្យ​កម្ពុជា​ក្លាយ​ជាគោលដៅ​ទាក់ទាញទាំងអាជីវកម្មនិងវិនិយោគទុន 

ព័ត៌មានជាតិ៥ ម៉ោង មុន

សម្តេចធិបតី ហ៊ុន ម៉ាណែត និងលោកជំទាវផ្ដល់ការឧបត្ថម្ភ​​ជា​ប្រចាំ​ខែ​ដល់​កុមារ​កំព្រា និងកុមារ​មាន​ទុក្ខលំបាក​នៅ​មណ្ឌលមែកឈើ

ព័ត៌មានជាតិ៦ ម៉ោង មុន

រដ្ឋមន្ត្រីព័ត៌មាន៖ ក្រុមប្រឆាំងនៅក្រៅប្រទេសបង្កើតព័ត៌មានក្លែងក្លាយ ដើម្បីបញ្ឆេះកំហឹងពលរដ្ឋ ឱ្យផ្ដួលរំលំរដ្ឋាភិបាល

សេចក្ដីជូនដំណឹង៧ ម៉ោង មុន

ក្រុមហ៊ុន Smart Axiata ទទូលបានពានរង្វាន់ “បរិយាបន្នឌីជីថល” ពីរឆ្នាំជាប់គ្នាៗ ពីកម្មវិធី AmCham CSR Excellence Awards

Sokha Hotels

ព័ត៌មានពេញនិយម