ព័ត៌មានជាតិ

ចូលឆ្នាំចិន៣ថ្ងៃ មានភ្ញៀវទេសចរជាង៨ម៉ឺននាក់ បានទៅកម្សាន្តនៅខេត្តព្រះសីហនុ

បានផុស

៤ years មុន

នៅ

ថ្ងៃចន្ទ ១៥ កុម្ភៈ ២០២១

ដោយ

នៅក្នុងរយៈពេល៣ថ្ងៃ ពោលគឺចាប់ពីថ្ងៃទី១២ ដល់១៤ ខែកុម្ភៈ ឆ្នាំ២០២១មានភ្ញៀវទេសចរបានទៅសម្រាកកម្សាន្តក្នុងឱកាសបុណ្យចូលឆ្នាំប្រពៃណីចិន -វៀតណាមនៅខេត្តព្រះសីហនុជាង៨ម៉ឺននាក់កើនឡើងជាង២៥ភាគរយបើធៀបនឹងរយៈពេល៣ថ្ងៃដូចគ្នាកាលពីបុណ្យចូលឆ្នាំចិនឆ្នាំ២០២០កន្លងទៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ឃាង ភារម្យ អ្នកនាំពាក្យសាលាខេត្តព្រះសីហនុ បានឲ្យដឹងនៅរសៀលថ្ងៃទី១៥កុម្ភៈនេះថាភ្ញៀវទេសចរមកសម្រាកកម្សាន្តក្នុងឱកាសបុណ្យចូលឆ្នាំប្រពៃណីចិន -វៀតណាម ថ្ងៃទី១២ ដល់១៤ ខែកុម្ភៈ ឆ្នាំ២០២១ នៅខេត្តព្រះសីហនុសរុបប្រមាណ ៨២,០៦៤នាក់ កើនឡើង២៥,០៣ភាគរយក្នុងនោះមានភ្ញៀវជាតិប្រមាណ ៧៥,១៨៩នាក់ កើនឡើង ៤៥,១២%និងភ្ញៀវបរទេសប្រមាណ ៦,៨៧៥នាក់ ថយចុះ៥០,២៦%។

ចំណែកភ្ញៀវទេសចរទៅសម្រាកកម្សាន្តតាមបណ្តាកោះនានាសរុបប្រមាណ ៦,៨៩៧នាក់ កើនឡើង២៥,៦០% ក្នុងនោះភ្ញៀវជាតិប្រមាណ៥,០៤៦នាក់ កើនឡើង៧៧,៨០% ភ្ញៀវបរទេសប្រមាណ១,៨៥១នាក់ ថយចុះ៣០,២២%។ ភ្ញៀវកម្សាន្តតាមបណ្តាឆ្នេរនិងរមណីយដ្ឋាននានាសរុប ៦២,១៩២នាក់ កើនឡើង ៦៨,៥៣% ក្នុងនោះភ្ញៀវជាតិ៥៦,៦២៧នាក់ កើនឡើង៦៩,៥៤% និងភ្ញៀវបរទេស ៥,៥៦៥នាក់ កើនឡើង៥៨,៨៦%។