ព័ត៌មានជាតិ
អាជ្ញាធរបូមទឹកទន្លេវ៉ៃកូរយៈពេល១៦ថ្ងៃ ដើម្បីសង្គ្រោះស្រូវជិត១ម៉ឺនហិកតា ក្នុងខេត្តព្រៃវែង
នៅព្រឹកថ្ងៃទី១ ខែកុម្ភៈ ឆ្នាំ ២០២៤ នេះ លោក អ៊ុន ចាន់ដា អភិបាលខេត្តកំពង់ចាម និងលោកសួន សុម៉ាលី អភិបាលខេត្តព្រៃវែង បានដឹកនាំក្រុមការងារ និងមន្ត្រីជំនាញពាក់ព័ន្ធចុះពិនិត្យស្ថានីយបូមទឹកទន្លេវ៉ៃកូ ដើម្បីចាប់ផ្ដើមបូមទឹកសង្គ្រោះស្រូវប្រាំងជិត១ម៉ឺនហិកតា ក្នុងខេត្តព្រៃវែង។
លោក អ៊ុន ចាន់ដា អភិបាលខេត្តកំពង់ចាម បាន ឲ្យដឹងថា ស្ថានីយ៍បូមទឹកទន្លេវ៉ៃកូ ជាកន្លែងប្រភពទឹក បូមចេញពីទន្លេតូច ក្នុងស្រុកកោះសូទិន ខេត្តកំពង់ចាម។ លោក បានបញ្ជាក់ទៀតថា បច្ចុប្បន្ននេះ ដោយសារប្រជាកសិករ ចំនួន ១៣ឃុំ ក្នុងស្រុកចំនួន ៣ស្រុក នៃខេត្តព្រៃវែង ត្រូវការទឹក ដើម្បីសង្គ្រោះស្រូវប្រាំង របស់ពួកគាត់ ដែលមានទីតាំងជាប់ដងស្ថានីយ៍ទន្លេវ៉ៃកូ ប្រមាណជាជិត ១ម៉ឺន ហិកតា។ ដូច្នេះ បន្ទាប់ពីអាជ្ញាធរខេត្តទាំងពីរ បានចុះពិនិត្យ ទើបឯកភាពគ្នា បានសម្រេចបូមទឹកពីទន្លេតូច តាមរយៈស្ថានីយ៍បូមទឹកទន្លេវ៉ៃកូ ដើម្បីផ្គត់ផ្គង់ទៅ ខាងខេត្តព្រៃវែង ដែលត្រូវការទឹកប្រមាណជា ២០ លានម៉ែត្រគីប និងត្រូវការរយៈពេលបូមទឹក ១៦ថ្ងៃ ពីព្រោះប្រព័ន្ធធារាសាស្ត្រនេះ អាចប្រើរយៈពេល ៣ថ្ងៃ ទើបទឹកហូរដល់ ស្រុកមេសាង ខេត្តព្រៃវែង។ អភិបាលខេត្តកំពង់ចាម បានបញ្ជាក់បន្ថែមថា ដំណើរការបូមទឹក នឹងត្រូវចាប់ផ្ដើមពីថ្ងៃទី ១ ខែកុម្ភៈនេះតែម្ដង ដែលការចំណាយលើការបូមទឹកនេះ ជាបន្ទុករបស់រដ្ឋបាលខេត្តកំពង់ចាម ។
សូមជម្រាប់ជូនផងដែរថា ម៉ាស៊ីនបូមទឹកខ្នាតធំចំនួន ៩គ្រឿង ដោយក្នុង១គ្រឿង មានលទ្ធភាព បញ្ចូនទឹកបាន ១៤,០០០ម៉ែត្រគូប ប្រើប្រាស់អគ្គិសនី ៤៦០គីឡូវ៉ាត់ ក្នុង១ម៉ោង។ ម៉ាស៊ីនបូមទឹកខ្នាតធំទាំងអស់នេះ ជារបស់មន្ទីរធនធានទឹក ខេត្តកំពង់ចាម នឹងនាំយកទឹកទៅស្រោចស្រពសង្គ្រោះផ្ទៃដីស្រែប្រាំងជិត១ម៉ឺនហិកតា ក្នុងខេត្តព្រៃវែង៕
អត្ថបទនិងរូបភាព៖ ឡេក ចាន់ពេជ្រ
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ