មន្ត្រីជាន់ខ្ពស់អាស៊ាន ជួបប្រជុំសិក្ខាសាលា​លើក​ទី​២​ ស្តី​ពី​​បញ្ហា​គ្រឿងញៀន (ASOD)

ភ្នំពេញ ៖ មន្ត្រី​សម្របសម្រួល​នៃ​ស្ថាប័ន​ត្រួតពិនិត្យ​គ្រឿងញៀន​បណ្តា​ប្រជាជាតិ​អាស៊ីអាគ្នេយ៍​បាន​ជួបប្រជុំគ្នា​ក្នុង​សិក្ខាសាលា​លើក​ទី​២​ ស្តីពី​ការអភិវឌ្ឍន៍​គម្រោង​កិច្ចសហប្រតិបត្តិការ​អា​ស៊ាន សម្រាប់​កិច្ចប្រជុំ​មន្ត្រីជាន់ខ្ពស់​អាស៊ាន​ស្តីពី​បញ្ហា​គ្រឿងញៀន (ASOD) នា​ថ្ងៃទី​០១ ខែកុម្ភៈ​ឆ្នាំ​២០២៤។

ឧ​ត្ត​ម​សេនីយ៍​ទោ ប៉ាន់ សុវណ្ណារិទ្ធ ប្រធាន​នាយកដ្ឋាន​នីតិកម្ម ផែនការ និង​បណ្តុះបណ្តាល​នៃ​អគ្គលេខាធិការដ្ឋាន​អាជ្ញាធរ​ជាតិ​ប្រយុទ្ធ​ប្រឆាំង​គ្រឿងញៀន បាន​ប្រាប់​ឱ្យ​ដឹង​ថា សិក្ខាសាលា​នេះ​ប្រព្រឹត្តទៅ​ក្រោម​ការរៀបចំ​តាម​ប្រព័ន្ធ​អន​ឡាញ​ពី​ប្រទេស​ភូមា បាន​ផ្តោត​ពិភាក្សា​លើ​ការងារ​ពិនិត្យឡើងវិញ​ក្នុង​ក្របខណ្ឌ​ការងារ​គ្រប់គ្រង​គម្រោង​អាស៊ាន​ស្តីពី​បញ្ហា​គ្រឿងញៀន ដែល​ក្នុងនោះ​មន្ត្រី​សម្របសម្រួល​ពី​បណ្តា​ប្រទេស​អាស៊ាន​និ​មួយៗ​ត្រូវ​បាន​ផ្តល់នូវ​ចំណេះដឹង​សំខាន់ៗ​ពាក់ព័ន្ធ​នឹង​ធាតុ​ចូលដល់​គម្រោង​ASOD៕