ព័ត៌មានជាតិ
សម្ដេចតេជោ៖ ស្ថានភាពជំងឺភរិយារបស់សម្ដេចមានភាពល្អប្រសើរ ហើយផ្ដាំបុគ្គលខ្លះបញ្ឈប់ការបំពុលព័ត៌មានមិនពិត
សម្ដេចតេជោ ហ៊ុន សែន បានបញ្ជាក់ថា សម្ដេចកិត្តិព្រឹទ្ធបណ្ឌិត ប៊ុន រ៉ានី កំពុងសម្រាកពិនិត្យព្យាបាលជំងឺនៅមន្ទីរពេទ្យពិតមែន តែពេលនេះ ស្ថានភាពមានភាពល្អប្រសើរ។ ជាមួយគ្នានេះ សម្ដេចតេជោ ក៏បានផ្ដាំឱ្យបុគ្គលអាក្រក់មួយចំនួន ឱ្យបញ្ឈប់ការបំពុលព័ត៌មានមិនពិតពីស្ថានភាពជំងឺភរិយារបស់សម្ដច។
ការចេញមកបញ្ជាក់បែបនេះពីសំណាក់សម្ដេចតេជោ ក្រោយមានការផ្សព្វផ្សាយព័ត៌មានស្ដីពីស្ថានភាពជំងឺរបស់សម្ដេចកិត្តិព្រឹទ្ធបណ្ឌិត ប៊ុន រ៉ានី ដោយបានបង្កើតព័ត៌មានថា សម្ដេច ប៊ុន រ៉ានី មានស្ថានភាពជំងឺធ្ងន់ធ្ងរ ហើយត្រូវបញ្ជូនទៅព្យាបាលនៅបរទេស។ ជុំវិញព័ត៌មាននេះ តាមរយៈបណ្ដាញសង្គម នាព្រឹកថ្ងៃទី២ ខែកុម្ភៈ ឆ្នាំ២០២៤ សម្ដេចតេជោ ហ៊ុន សែន ដែលជាប្ដី បានបញ្ជាក់ដូច្នេះថា៖ «២ថ្ងៃចុងក្រោយនេះ មានការផ្សព្វផ្សាយនូវព័ត៌មានដែលនិយាយពីភរិយាខ្ញុំមានជម្ងឺ។ នេះវាជារឿងពិត ហើយក្រុមគ្រួសារខ្ញុំ ក៍គ្មានការលាក់បាំង និងក៍គ្មានការចាំបាច់ផ្សព្វផ្សាយជាដំណឹងអ្វីដែរ»។
បើតាមការរៀបរាប់របស់សម្ដេចតេជោ គឺកាលពី៤ថ្ងៃមុន ភរិយារបស់សម្ដេច គឺសម្ដេចកិត្តិព្រឹទ្ធបណ្ឌិត ប៊ុន រ៉ានី បានដួលនៅក្នុងបន្ទប់សម្រាក ធ្វើឱ្យប៉ះពាល់ដល់ក្បាល ដែលចាំបាច់ត្រូវយកទៅពិនិត្យ និងព្យាបាលនៅមន្ទីរពេទ្យកាលម៉ែត្រ។ សម្ដេចតេជោ បានបន្តឱ្យដឹងថា បន្ទាប់ពីការពិនិត្យព្យាបាលដោយយកចិត្តទុកដាក់ពីក្រុមគ្រូពេទ្យនៃមន្ទីរពេទ្យកាល់ម៉ែត្រ សុខភាពរបស់សម្ដេចកិត្តិព្រឹទ្ធបណ្ឌិត ប៊ុន រ៉ានី បានមានល្អប្រសើរឡើងវិញហើយ តែមិនទាន់អាចចាកចេញពីមន្ទីរពេទ្យនៅឡើយ ព្រោះត្រូវរង់ចាំការថតក្បាល ជាលើកទី៣ ដើម្បីមើលសរសៃដែលរងនូវការប៉ះទង្គិចនោះ។ សម្ដេចតេជោ ហ៊ុន សែន បានចាត់ទុកការបង្កើតនូវព័ត៌មានថា ភរិយារបស់សម្ដេចកំពុងបញ្ជូនទៅព្យាបាលនៅបរទេស គឺជារឿងមិនពិត។
ជាមួយគ្នានេះ សម្ដេចតេជោ ក៏បានសម្ដែងអរព្រះរាជគុណថ្វាយហ្លួងម៉ែ ដែលបានយាងទៅសួរសុខទុក្ខភរិយារបស់សម្ដេច ដែលជាបុត្រីធម៍របស់ព្រះអង្គដល់មន្ទីរពេទ្យ ព្រមទាំងបានអរគុណចំពោះថ្នាក់ដឹកនាំគ្រប់ជាន់ថ្នាក់ និងប្រជាជនខ្មែរ ដែលបានចូលរួមកង្វល់ពីសុខភាពភរិយារបស់សម្ដេច។ ឆ្លៀតឱកាសនេះ សម្ដេចតេជោ ក៍បានផ្ដាំទៅពួកអាក្រក់ ឱ្យបញ្ឈប់នូវការបំពុលព័ត៌មាន និងបែរមកយកចិត្តទុកដាក់ការពារសុខភាពខ្លួនឯងវិញ ល្អជាងមកគិតពីក្រុមគ្រួសាររបស់សម្ដេច៕
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ