ព័ត៌មានជាតិ
ក្រុមហ៊ុនជប៉ុនមួយចាយទុនវិនិយោគអស់ជាង ៧០០ លានដុល្លារ លើគម្រោងផ្សារទំនើបទាំង ៣ នៅកម្ពុជា
បើតាមលោក TSUBOYA MASAYUKI នាយកគ្រប់គ្រងផ្សារទំនើបអ៊ីអនម៉លបានឲ្យដឹងថា ក្រុមហ៊ុនបានវិនិយោគអស់ទឹកប្រាក់ប្រមាណ ៧០០ លានដុល្លារលើគម្រោងអភិវឌ្ឍផ្សារទំនើបទាំង ៣ នៅកម្ពុជា ។
នៅក្នុងឱកាសជំនួបពិភាក្សាការងារជាមួយលោក ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា លោក TSUBOYA MASAYUKI បានគូសបញ្ជាក់ថា ក្រុមហ៊ុនបានបណ្ដាក់ទុនវិនិយោគប្រមាណ ៧០៦ លានដុល្លាអាមេរិក បង្កើតផ្សារទំនើបចំនួន ៣ ទីតាំង នៅប្រទេសកម្ពុជាក្នុងនោះរួមមាន គម្រោងវិនិយោគផ្សារទំនើបអ៊ីអនម៉ល ទី១, គម្រោងវិនិយោគផ្សារទំនើបអ៊ីអនម៉ល ទី២ និងគម្រោងវិនិយោគផ្សារទំនើបអ៊ីអនម៉ល ទី៣។
បើតាមនាយកគ្រប់គ្រងផ្សារទំនើបអ៊ីអនម៉ល ជំនួបនាឱកាសនោះក៏ធ្វើឡើងក្នុងគោលបំណងដើម្បីស្នើសុំអនុសាសន៍ណែនាំពីលោកឧបនាយករដ្ឋមន្ត្រី ក្នុងកិច្ចការងារវិនិយោគរបស់ក្រុមហ៊ុននៅក្នុងប្រទេសកម្ពុជា។
ក្រុមហ៊ុន AEON Mall (Cambodia) ជាបុត្រសម្ព័ន្ធរបស់ក្រុមហ៊ុន AEON Mall Co., Ltd. ដែលបង្កើតឡើងកាលពីឆ្នាំ១៩១១ ក្នុងទីក្រុង Chiba ប្រទេសជប៉ុន និងមានផ្សារទំនើបសរុបប្រមាណ ២០៣ ផ្សារ ពី១៤ប្រទេសផ្សេងៗគ្នាទូទាំងពិភពលោក។
នៅក្នុងដំណើរទស្សនកិច្ចរបស់ប្រមុខដឹកនាំកម្ពុជា នៅក្នុងឱកាសចូលរួមកិច្ចប្រជុំកំពូលរំឭកខួបអនុស្សាវរីយ៍អាស៊ាន-ជប៉ុន លើកទី៥០ នៅថ្ងៃ១៩ ខែធ្នូ ឆ្នាំ២០២៣ នៅទីក្រុងតូក្យូ ប្រទេសជប៉ុន សម្តេចធិបតី ហ៊ុន ម៉ាណែត នាយករដ្ឋមន្រ្តីក៏បានបង្ហាញពីភាពជោគជ័យរបស់ក្រុមហ៊ុនជប៉ុនចំនួន ២ ក្នុងចំណោមក្រុមហ៊ុនជប៉ុនផ្សេងទៀត ដែលកំពុងវិនិយោគនៅកម្ពុជា។ នៅក្នុងនោះសម្តេចបានលើកពីការវិនិយោគរបស់ក្រុមហ៊ុន AEON Mall។
បើតាមសម្តេចធិបតី ហ៊ុន ម៉ាណែត ក្រុមហ៊ុន AEON Mall Cambodia បានដាក់ទុនវិនិយោគដំបូងចំនួន ២០០ លានដុល្លារអាមេរិកដើម្បីសាងសង់ផ្សារទំនើប AEON Mall ដំបូងក្នុងរាជធានីភ្នំពេញ។ ប៉ុន្មានឆ្នាំក្រោយមក ក្រុមហ៊ុនបានបោះទុនបន្ថែមចំនួន ៤០៩ លានដុល្លារអាមេរិក ដើម្បីសាងសង់ផ្សារទំនើប AEON Mall ទីពីរ និងទីបី។
ក្រុមហ៊ុនក៏បានបង្កើតក្រុមហ៊ុនបុត្រសម្ព័ន្ធមួយទៀតឈ្មោះថា AEON Mall (Cambodia) Logi Plus ដើម្បីរួមចំណែកដោះស្រាយបញ្ហាដឹកជញ្ជូននៅក្នុងប្រទេសកម្ពុជា។
លោក អាកាដា ម៉ូតូយ៉ា ប្រធាន និងជានាយកប្រតិបត្តិក្រុមហ៊ុន AEON MALL ក្នុងឱកាសជួបពិភាក្សាជាមួយមេដឹកនាំកម្ពុជានៅប្រទេសជប៉ុន ក៏បានបង្ហាញអំពីវឌ្ឍនភាពរីកចម្រើននៃសកម្មភាពអាជីវកម្មរបស់ក្រុមហ៊ុននិងអំពីគម្រោងនៃការពង្រីកវិនិយោគរបស់ខ្លួនបន្ថែមទៀតនៅក្នុងប្រទេសកម្ពុជា។
ជាការឆ្លើយតបសម្តេចធិបតីបានសម្តែងការអរគុណចំពោះក្រុមហ៊ុន AEON MALL ដែលបានសម្រេចចិត្តបោះទុនវិនិយោគ និងគ្រោងវិនិយោគបន្ថែមនៅកម្ពុជា៕
ក្រុមអ្នកផលិតមាតិកាតាមបណ្ដាញសង្គម ប្រាប់ក្រុម MMO កុំបំផុសបំផុលព័ត៌មានមួលបង្កាច់ ញុះញង់ និងចោទប្រកាន់គ្មានការពិត
UNICEF ចេញសេចក្តីថ្លែងការណ៍ទាក់ទងនឹងករណីកូនប្រុស G-Devith ដោយគូសបញ្ជាក់ ២ចំណុចធំ
ក្រសួង៖ ថៃផ្ដាច់សេវា បង្ក្រាបក្រុមឆបោកតាមអនឡាញតាមព្រំដែន មិនប៉ះពាល់ការប្រើសេវាទូរស័ព្ទនៅប៉ោយប៉ែតឡើយ
សហជីព ថា បទពិសោធន៍ជាក់ស្ដែងពុំមានការកំណត់ចំនួននៃការប្រើប្រាស់សេវា ប.ស.ស នោះទេ
ជើងខ្លាំង Rodtang និង Tawanchai ក៏មកប្រកួតបាល់ទាត់មិត្តភាពនៅកម្ពុជា
ហ្សេលេនស្គី៖ អ៊ុយក្រែនត្រៀមខ្លួនប្រគល់ទឹកដីដូរយកសន្តិភាពហើយ
Breaking News៖ អគ្គិភ័យកំពុងឆេះស្ថានីយប្រេងឥន្ធនៈ នៅខេត្តព្រះសីហនុ(មានវីដេអូ)
ស្ពានឆ្លងកាត់ទន្លេមេគង្គ ភ្ជាប់ទៅផ្លូវល្បឿនលឿនភ្នំពេញ-បាវិត វឌ្ឍនភាពសម្រេចបានជាង ៥%
កវីនិពន្ធល្បីខាងកំណាព្យ បណ្ឌិត ជ័យ ចាប ធ្លាក់ខ្លួនឈឺធ្ងន់ចូលសង្គ្រោះបន្ទាន់
ហេតុការណ៍បំផ្ទុះគ្រាប់បែកអត្តឃាតកក្រើកឡើងជាថ្មីនៅអាហ្វហ្គានីស្ថាន
-
សន្តិសុខសង្គម២ ថ្ងៃ ago«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
-
សន្តិសុខសង្គម៥ ថ្ងៃ agoអ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
ព័ត៌មានអន្ដរជាតិ៤ ថ្ងៃ agoធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
ជីវិតកម្សាន្ដ៥ ថ្ងៃ agoផ្ទុះការចាប់អារម្មណ៍នឹងយុវតីម្នាក់ សំឡេងពីរោះ ច្រៀងស្រដៀងនឹងរាជិនីសំឡេងសារិកាមាស ប៉ែន រ៉ន
-
សន្តិសុខសង្គម១ សប្តាហ៍ agoBreaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ២ ថ្ងៃ agoករណីលូ១តម្លៃ៤០ដុល្លា៖ អាជ្ញាធរ ថាមិនបានយកលុយពីពលរដ្ឋឡើយ គឺពលរដ្ឋជួលភាគីឯកជនឱ្យដាក់ខ្លួនឯង
-
ជីវិតកម្សាន្ដ២ ថ្ងៃ agoG-Devith ដាក់បណ្តឹងទៅ UNICEF នៅកម្ពុជា ដើម្បីលុបជាអចិន្ត្រៃយ៍គ្រប់គណនីហ្វេសប៊ុក ដែលប៉ះពាល់សិទ្ធិកុមារ តាមគ្រប់រូបភាព
-
ចរាចរណ៍២ ថ្ងៃ agoផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត