Connect with us

ព័ត៌មានជាតិ

PM ក្រុងបានលុង ចាប់រថយន្តដឹកគល់ឈើពកធ្នង់ប្រគល់ទៅឲ្យមេព្រៃ

បានផុស

នៅ

រថយន្តកូរ៉េមួយគ្រឿងដឹកគល់ឈើពកធ្នង់ពីដើមដ៏ធំ ដែលគេដឹងថាមានតម្លៃថ្លៃ ត្រូវបានកម្លាំងកងរាជអាវុធហត្ថក្រុងបានលុងធ្វើការឃាត់ និងរឹបអូសយកមករក្សាទុកជាបណ្តោះអាសន្ននៅស្នាក់ការអាវុធហត្ថក្រុងទាំងយប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត


រថយន្តខាងលើនេះ ត្រូវបានអាវុធហត្ថក្រុងចាប់បាននៅយប់ថ្ងៃទី២ ខែកុម្ភៈ ឆ្នាំ២០២៤ តាមផ្លូវជាតិលេខ៧៨A នៅត្រង់ចំណុចសាលារៀនឥន្ទេ ស្ថិតក្នុងភូមិថ្មដា សង្កាត់បឹងកន្សែង ក្រុងបានលុង ដឹកចេញពីស្រុកវើនសៃឆ្លងកាត់ស្រុកអូរជុំ ចូលមកក្រុងបានលុងឆ្ពោះយកទៅលក់នៅក្រៅប្រទេស។
នៅព្រឹកថ្ងៃទី៣ ខែកុម្ភៈ ឆ្នាំ២០២៤នេះ អាវុធហត្ថក្រុងបានលុង បានប្រគល់រថយន្តកូរ៉េមួយគ្រឿងដឹកគល់ឈើពកធ្នុងទៅឲ្យខណ្ឌរដ្ឋបាលព្រៃឈើ ដើម្បីចាត់ការទៅតាមនីតិវិធីបន្ត។
សូមបញ្ជាក់ថា រថយន្តកូរ៉េមួយគ្រឿង មានចំណុះ៥តោន ក្បាលពណ៌ខៀវលាយស ពាក់ស្លាកលេខ ព្រះសីហនុ 3A-3338 បានដឹកជញ្ជូនគល់ឈើពកធ្នង់យកទៅលក់នៅក្រៅប្រទេសហើយត្រូវបានអាវុធហត្ថក្រុងបង្ក្រាបបាន បន្ទាប់ពីរថយន្តមួយគ្រឿងនេះកន្លងមកធ្លាប់ដឹកជញ្ជូនឈើច្រើនដងមកហើយដែរ។
បើតាមប្រភពបានឲ្យដឹងថា គល់ឈើពកធ្នង់ពីគល់នេះជារបស់សមត្ថកិច្ចមួយរូបនៅក្នុងខេត្តរតនគិរី ហើយសារព័ត៌មានយើងមិនអាចទាក់ទងសុំការបំភ្លឺបានទេ។
ទាក់ទិនបញ្ហាខាងលើនេះកម្ពុជាថ្មី មិនទាន់អាចទាក់ទង លោក ហុង ភា នាយខណ្ឌរដ្ឋបាលព្រៃឈើ បាននៅឡើយមកដល់ពេលនេះ។
ដោយឡែកលោក សយ សូណា ប្រធានមន្ទីរកសិកម្ម និងរុក្ខាប្រមាញ់នេសាទ បានឲ្យសារព័ត៌មានដឹងនៅរសៀលថ្ងៃទី៣ កុម្ភៈថា រថយន្តកូរ៉េដឹកគល់ឈើនេះខាងរដ្ឋបាលព្រៃឈើយកមកផ្ញើនោះទេ ដោយសារឡានបើកចូលមិនរួចទើសនឹងក្លោងទ្វារចូល។
អត្ថបទ ៖ វុទ្ធឦសាន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេដ្ឋកិច្ច១១ នាទីutes មុន

កម្ពុជាមានពេល ៥ ឆ្នាំ អភិវឌ្ឍឧស្សាហកម្ម SME មុនពេលចាកចេញពីឋានៈជាប្រទេសអភិវឌ្ឍន៍តិចតួច

ព័ត៌មានជាតិ៣៨ នាទីutes មុន

ត្រឹមដើមឆ្នាំនេះ យុវជនក្រីក្រ និងងាយរងហានិភ័យជាង ៩ ម៉ឺននាក់ បានចុះឈ្មោះចូលរៀនជំនាញដោយឥតគិតថ្លៃ

ព័ត៌មានជាតិ៤២ នាទីutes មុន

លក់កាហ្វេ ភេសជ្ជៈតាម​ដង​ផ្លូវ​មួយ​ថ្ងៃ​បាន​ ៥០ ទៅ ៩០ កែវ រក​ចំណូល​បាន​ពី 20 ម៉ឺនរៀល ទៅ ៣០ ម៉ឺនរៀល ​ផ្គត់ផ្គង់គ្រួសារ

ព័ត៌មានអន្ដរជាតិ៥៧ នាទីutes មុន

UN ព្រមានថា ផែនការកាន់កាប់ហ្គាហ្សា របស់លោកត្រាំ នឹងក្លាយជាការបោសសម្អាតផ្តាច់ពូជ

រថយន្ដ FORD ​RAPTOR
សន្តិសុខសង្គម៥៩ នាទីutes មុន

ទំនងឆ្លងចរន្ដ រថយន្ដ FORD ​RAPTOR មួយគ្រឿងត្រូវអណ្ដាតភ្លើងឆេះអស់មួយកំណាត់មុខ

Sokha Hotels

ព័ត៌មានពេញនិយម