ព័ត៌មានជាតិ
ឆ្នាំ២០២៣ ពន្ធនាគារខេត្តកោះកុង ដោះលែង ជនជាប់ចោទ ទណ្ឌិត ៣១០ នាក់ ក្រោយអនុវត្តទោស
ពន្ធនាគារខេត្តកោះកុង នៅឆ្នាំ២០២៣កន្លងទៅ បានដោះលែង ជនជាប់ចោទ ពិរុទ្ធជន និងទណ្ឌិត សរុបចំនួន ៣១០ នាក់ ចេញពីពន្ធនាគារ គ្រាពួកគេបានអនុវត្តទោសតាមការកំណត់ នៃច្បាប់។

លោក គ្រី ប៊ុនថា ប្រធានពន្ធនាគារខេត្តកោះកុង បានឱ្យដឹងរសៀល ថ្ងៃទី៥ ខែកុម្ភៈ ឆ្នាំ២០២៤ នេះថា ពន្ធនាគារខេត្ត បានដោះលែងជនជាប់ចោទ ពិរុទ្ធជន និងទណ្ឌិត សរុប ៣១០ នាក់ ក្នុងនោះស្រ្តី ២៣ នាក់។

លោក គ្រី ប៊ុនថា បន្ថែមថា ការដោះលែង ជនជាប់ចោទចំនួន ៤៨ នាក់ ពិរុទ្ធជន ៤៦ នាក់ និងដោះលែងទណ្ឌិតចំនួន ២១៦ នាក់ ផ្តោតលើការអនុវត្តទោសតាមច្បាប់របស់ពួកគាត់នៅក្នុងពន្ធនាគារ និងមានការចេញសាលក្រមត្រឹមត្រូវច្បាស់លាស់ពីសាលាដំបូងខេត្តកោះកុង។ បើធៀបនឹងឆ្នាំ២០២២ មានការដោះលែង ជនជាប់ចោទ ពិរុទ្ធជន និងទណ្ឌិតចំនួន ២៨៣ នាក់។

ជាក់ស្តែងកាលពីថ្ងៃទី១ ខែកុម្ភៈ ថ្មីៗនេះ រដ្ឋបាលខេត្តកោះកុង ព្រះរាជអាជ្ញា មន្រ្តីពន្ធនាគារ និងស្នងការនគរបាលខេត្ត បានបើកកិច្ចប្រជុំពិភាក្សា ស្តីពី ការពិនិត្យវាយតម្លៃកម្រិតកែប្រែរបស់ទណ្ឌិត ដែលត្រូវដាក់ស្នើសូមបន្ធូរបន្ថយទោស និងលើកលែងទោសចំនួន ១៤ ក្នុងឱកាសពិធីបុណ្យចូលឆ្នាំប្រពៃណីជាតិ និងពិធីបុណ្យពិសាខបូជា ឆ្នាំ២០២៤។

អំឡុងពេលនោះ លោក ហាក់ ឡេង អភិបាលរងខេត្តកោះកុង បានលើកឡើងថា នៅពេលប្រជុំលើកក្រោយ ស្នើសូមលោកស្នងការរង នៃស្នងការដ្ឋាននគរបាល ទទួលបន្ទុកផ្នែកពន្ធនាគារ និងលោកមេបញ្ជាការរង នៃបញ្ជាការកងរាជអាវុធហត្ថ ទទួលបន្ទុកផ្នែកពន្ធនាគារ។

លោកអភិបាលរងខេត្ត ប្រាប់ឱ្យមន្រ្តីដែលធ្វើការនៅពន្ធនាគារ ដែលបានធ្វើការវាយតម្លៃក្នុងការដាក់ពិន្ទុដល់ ទណ្ឌិតក្នុងការស្នើសូមបន្ធូរបន្ថយទោសនេះ សូមឱ្យមានតម្លាភាព និងណែនាំដល់មន្ត្រីដែលបានអនុវត្តច្បាប់ និងធ្វើការនៅពន្ធនាគារ សូមកុំដោយសារការពឹងពាក់ទទួលលុយ ឬអំណោយផ្សេងៗដែលធ្វើឱ្យខុសច្បាប់ ត្រូវទទួលខុសត្រូវចំពោះមុខច្បាប់ដោយខ្លួនឯង។ ដោយឡែក រដ្ឋបាលខេត្ត ក៏ជំរុញដល់មន្ត្រីក្រោមឱវាទ មើលថែទាំអ្នកទោសទាំងការហូបចុក និងរបបអាហារប្រចាំថ្ងៃ។ ហើយនៅពេលយកទណ្ឌិតធ្វើពលកម្ម តូ្រវរាយជូនព្រះរាជអាជ្ញាជ្រាបអំពីកម្លាំងដែលត្រូវយកទៅ៕
អត្តបទ៖ សិរីវឌ្ឍនៈ

-
សន្តិសុខសង្គម១៨ ម៉ោង ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ១៧ ម៉ោង ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៥ ថ្ងៃ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ៧ ថ្ងៃ ago
ជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
សន្តិសុខសង្គម៥ ថ្ងៃ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៥ ថ្ងៃ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ព័ត៌មានអន្ដរជាតិ១ សប្តាហ៍ ago
Breaking News! រត់ជាន់គ្នាក្នុងពិធីបុណ្យសាសនាហិណ្ឌូ ដែលមានមនុស្សចូលរួម ១០០លាននាក់ នៅឥណ្ឌា
-
ជីវិតកម្សាន្ដ៥ ថ្ងៃ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច