ព័ត៌មានជាតិ
ឯកឧត្ដម ហ៊ុន ម៉ានី ៖ រាជរដ្ឋាភិបាល ផ្ដល់ឱកាសស្មើៗ គ្នា ក្នុងការប្រឡងជា មន្ត្រីរាជការ
ឯកឧត្ដម ហ៊ុន ម៉ានី រដ្ឋមន្ត្រីក្រសួងមុខងារសាធារណៈ និងជាប្រធានគណៈកម្មការវាយតម្លៃអង្គភាពផ្ដល់សេវាសាធារណៈថ្នាក់ជាតិ (គ.វ.ជ.) លើកឡើងថា «រាជរដ្ឋាភិបាល បានផ្តល់ឱកាសស្មើៗ គ្នា និងពង្រីកឱកាសបន្ថែម ជូនដល់យុវជន និងសាធារណជន ដើម្បីចូលរួមប្រឡងប្រជែង ក្លាយខ្លួនជាមន្ត្រីរាជការ»។
តាមរយៈទំព័រហ្វេសប៊ុក កាលពីយប់ថ្ងៃទី ០៥ ខែកុម្ភៈ ឆ្នាំ ២០២៤ ឯកឧត្ដម ហ៊ុន ម៉ានី បានសរសេរថា ការប្រឡងប្រជែងជ្រើសរើសគ្រូបង្រៀនឯកទេសអប់រំកាយ និងកីឡា បានបញ្ចប់នាថ្ងៃទី ០៥ ខែកុម្ភៈ ឆ្នាំ ២០២៤ នេះ ដោយជោគជ័យ និងគួរជាទីមោទនៈ។ ឯកឧត្ដម សូមចូលរួមអបអរសាទរចំពោះភាពជោគជ័យរបស់បេក្ខជនទាំង ១០០ រូប ដែលបានជាប់ជាស្ថាពរក្នុងការប្រឡងប្រជែង។ ក្នុងនោះ ឯកឧត្ដម ក៏បានលើកទឹកចិត្តដល់បេក្ខជនដទៃទៀតមិនទាន់ទទួលបានជោគជ័យពេលនេះ សូមបន្តប្រឹងប្រែង និងចូលរួមក្នុងការប្រឡងប្រជែងជាបន្តបន្ទាប់ ដែលក្រសួងមុខងារសាធារណៈ នឹងសហការរៀបចំជាមួយក្រសួង ស្ថាប័ន នានា ជាបន្តបន្ទាប់ នាពេលខាងមុខ។
ឯកឧត្ដមរដ្ឋមន្ត្រីក្រសួងមុខងារសាធារណៈ បានសរសេរបន្តថា ការរៀបចំការប្រឡងប្រជែងជ្រើសរើសមន្ត្រីរាជការស៊ីវិលតាមយន្តការប្រឡងប្រជែងថ្មី ដោយឈរលើគោលការណ៍ គុណាធិបតេយ្យ តម្លាភាព យុត្តិធម៌ បរិយាបន្ន និងប្រសិទ្ធភាព នេះ គឺជាការអនុវត្តស្របតាមចក្ខុវិស័យរបស់រាជរដ្ឋាភិបាល ជាពិសេសការណែនាំរបស់ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី ក្នុងការកែលម្អប្រព័ន្ធជ្រើសរើសមន្ត្រីរាជការស៊ីវិល ដោយធានាបាននូវការផ្តល់ឱកាសស្មើៗ គ្នា និងពង្រីកឱកាសបន្ថែម ជូនដល់ យុវជន និងសាធារណជន ក្នុងការចូលរួមប្រឡងប្រជែងក្លាយខ្លួនជាមន្ត្រីរាជការបម្រើប្រទេសជាតិ និងប្រជាជន ប្រកបដោយសមត្ថភាព និងមានវិជ្ជាជីវៈពិតប្រាកដ។
ឯកឧត្ដម ហ៊ុន ម៉ានី ក៏បានសរសេរបន្តទៀតថា ឆ្លៀតក្នុងឱកាសនេះដែរ ឯកឧត្ដម សូមវាយតម្លៃខ្ពស់ និងថ្លែងអំណរគុណចំពោះថ្នាក់ដឹកនាំ ក្រុមការងារគ្រប់ៗ រូប ទាំងអន្តរក្រសួង និងភាគីពាក់ព័ន្ធ ដែលចូលរួមជាចលករនាំឲ្យដំណើរការប្រឡងប្រជែងប្រព្រឹត្តទៅបានដោយជោគជ័យ ហើយឆ្លើយតបនឹងកិច្ចការកែទម្រង់រដ្ឋបាលសាធារណៈ មានចែងក្នុងយុទ្ធសាស្ត្របញ្ចកោណ ដំណាក់កាលទី ១ របស់រាជរដ្ឋាភិបាល នីតិកាលទី ៧ នៃរដ្ឋសភា។
គួរជម្រាបថា ការប្រឡងប្រជែងជ្រើសរើសគ្រូបង្រៀនឯកទេសអប់រំកាយ និងកីឡា បានចាប់ផ្ដើមនៅថ្ងៃទី ២៨ ខែមករា សម្រាប់ប្រឡងវិញ្ញាសាសរសេរ។ ដោយឡែក វិញ្ញាសាអនុវត្តកីឡា បានចាប់ផ្ដើមពីថ្ងៃទី ២៩ ខែមករា ដល់ព្រឹកថ្ងៃទី ៥ ខែកុម្ភៈ ឆ្នាំ ២០២៤។ ចំពោះដំណើរការប្រឡងគ្រូអប់រំកាយ និងកីឡា គឺបានបញ្ចប់ដោយជោគជ័យ និងគួរជាទីមោទនៈ កាលពីថ្ងៃទី ០៥ ខែកុម្ភៈ ឆ្នាំ ២០២៤ ម្សិលមិញនេះ៕
អត្ថបទ ៖ ពិសី
ក្រុមការងារគណបក្សខេត្តកោះកុង ប្រាប់ពលរដ្ឋត្រូវចេះមានសាមគ្គី និងរួមគ្នាគាំទ្រអភិវឌ្ឍន៍មូលដ្ឋាន
ក្រុមហ៊ុន អេសសុីជី បើកបង្ហាញផលិតផលក្បឿងសេរ៉ាមិចថ្មី អុិចសេឡា ក្រេស្តា (Excella Cresta) ដោយរួមបញ្ចូលនូវសិល្បៈនវានុវត្តន៍ដ៏ល្អឥតខ្ចោះលើការងារប្រក់ដំបូល
រដ្ឋបាលខេត្តតាកែវ ដឹកនាំមន្ត្រីទស្សនកិច្ចនៅតំបន់អភិវឌ្ឍន៍តាមព្រំដែនខេត្តស្ទឹងត្រែង
អគ្គស្នងការរង រម្លឹកនគរបាលប៉ុស្តិ៍ត្រូវធ្វើឥរិយាបទជាអ្នកបម្រើសេវាសាធារណៈជូនពលរដ្ឋឱ្យល្អ
រដ្ឋាភិបាល និងវិស័យឯកជនរួមគ្នាបើកយុទ្ធនាការលើកកម្ពស់ និងផ្សព្វផ្សាយការយល់ដឹងអំពីការពិសាគ្រឿងស្រវឹង
ស្នងការរាជធានី ចេញមុខបំភ្លឺបន្ទាប់ពីគណនីហ្វេសប៊ុកមួយបង្ហោះសាររកយុត្តិធម៌ពីករណីគ្រោះថ្នាក់ចរាចរណ៍
រថយន្តដឹកទំនិញពាក់ស្លាកលេខ ខេមរៈភូមិន្ទបើកកិនគម្របលូបាក់ ខណៈដឹកទំនិញចេញពីឃ្លាំង
ត្រាំ ប្រាប់ទៅ ហ្សេលេនស្គី ថា លោកមិនដូរចិត្តឡើយ លើបញ្ហាសង្គ្រាមរុស្ស៊ី-អ៊ុយក្រែន
បុរសម្នាក់ចូលព្រៃកាប់ឈើ ក្នុងតំបន់ហាមឃាត់ជាន់មុីនបណ្តាលឲ្យដាច់ជើងម្ខាងរបួសធ្ងន់
រថភ្លើងល្បឿនលឿនដែលទិញពីជប៉ុន បើកទទួលកក់សំបុត្រដឹកភ្ញៀវ ក្នុងឱកាសបុណ្យភ្ជុំបិណ្ឌ
-
ព័ត៌មានអន្ដរជាតិ៤ ថ្ងៃ agoព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ជីវិតកម្សាន្ដ២ ថ្ងៃ agoលោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
-
ព័ត៌មានជាតិ១ សប្តាហ៍ agoBreaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៥ ថ្ងៃ agoភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ព័ត៌មានជាតិ២ ថ្ងៃ agoស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
-
ជីវិតកម្សាន្ដ៣ ថ្ងៃ agoលោក លៀក លីដា បង្ហាញការខកចិត្តចំពោះការរិះគន់របស់ Allan
-
ជីវិតកម្សាន្ដ៣ ថ្ងៃ agoAllan អះអាងថា ខ្លួនហ៊ានទទួលយកការវិនិយោគ និងប្រើថវិកាត្រឹម ៨មុឺនដុល្លារប៉ុណ្ណោះ ដើម្បីផលិតកុនគុណភាព
-
ព័ត៌មានអន្ដរជាតិ៤ ថ្ងៃ agoភាគកណ្តាលវៀតណាម ជម្លៀសពលរដ្ឋជាង ៦ ០០០នាក់ ដោយសារទឹកជំនន់ធ្ងន់ធ្ងរ