ព័ត៌មានជាតិ
គ្រោះថ្នាក់ចរាចរនៅទីក្រុងបាងកក ស្លាប់ពលករខ្មែរម្នាក់ និងរបួសធ្ងន់ម្នាក់
ប្រទេសថៃ ៖ យ៉ាងហោចណាស់ក៏មានពលករខ្មែរចំនួន ២ នាក់ដែរ ដែលបានស្លាប់ និងរងរបួស នៅក្នុងចំណោមជនរងគ្រោះសរុបចំនួន ៩ នាក់ បន្ទាប់ពីមានឧបទ្ទវហេតុគ្រោះថ្នាក់ចរាចរណ៍មួយបានកើតឡើង នៅក្នុងទីក្រុងបាងកក រវាងរថយន្ត និងរថយន្តចំនួន ៣ គ្រឿង។
ហេតុការណ៍ដ៏រន្ធត់នេះបានកើតឡើង កាលពីវេលាម៉ោង ៨ និង ៣០ នាទី ព្រឹក ថ្ងៃទី ២ ខែ វិច្ឆិកា ឆ្នាំ ២០២០នៅតាមបណ្តោយផ្លូវ កានចៈណាភិសេត ក្នុងសង្កាត់ខ្វែងឈីមភ្លី ខណ្ឌ តាក់លីងឆាន់ ក្រុងបាងកក
ប្រទេសថៃ ដែលក្នុងនោះមានរថយន្តមួយគ្រឿង កំពុងដឹកកម្មករខ្មែរថៃ ចំនួន ៩ នាក់ ផងដែរ ដែលពួកគេ
កំពុងចេញទៅរៀបចំសួនអោយអតិថិជន។
បើតាមការរៀបរាប់ពីអ្នកបើកបររថយន្តកង់ ១០ ឈ្មោះ ធី តិផុង អាយុ ៥៣ ឆ្នាំ ដែលមានផ្ទុកដែកទម្ងន់ជាង ៤០ តោនផងនោះ បាននិយាយថា ខ្លួនត្រូវបានគេអោយដឹកដែកចេញពីខេត្ត ប៉ាធុំថានី ឆ្ពោះទៅកាន់តំបន់ព្រះរាម២
លុះពេលមកដល់ត្រង់កន្លែងកើតហេតុ ខ្លួនបានឃើញមានរថយន្តអុីស៊ុយស៊ុយ ១ គ្រឿង ដែលមានដឹកមនុស្សពេញ បានបើកមកពីមុខជាធម្មតា ប៉ុនតែនៅពេលនោះគាត់ក៏បានឃើញ រថយន្តរ៉ូលេត កំពុងបោះពួយមកពីក្រោយ យ៉ាងលឿន ហើយក៏បានបុកចំពីក្រោយរថយន្តដឹកកម្មករនោះ បណ្តាលអោយរថយន្តដឹកកម្មករ
ក្រឡាប់ធ្លាក់មនុស្សពេញផ្លូវ គឺនៅពេលនោះហើយដែលគាត់ខំប្រឹងជាន់ហ្វ្រាំងប៉ុនតែវាមិនសូវជាប់ទេ ដោយសារតែទម្ងន់នៃការដឹក ជាង ៤០ តោន ដូច្នេះហើយបានជាត្រូវកិនទៅលើកម្មករចំនួន ៣ នាក់ ដែលពួកគេបានខ្ទាតចូលមកក្រោមកង់រថយន្ត។
ក្រោយពីក្រុមតម្រួតបានចុះទៅពិនិត្យដល់ទីតាំងកើតហេតុរួចមក ទើបដឹងថា កម្មករទាំងនេះគឺកំពុងធ្វើដំណើរ
ទៅរៀបចំសួននៅឯព្រះរាម ៥ ដោយមានទាំងសម្ភារៈ ចបជីក ចបកាប់ រនាស់ និងផ្ទាំងស្មៅ ផងដែរ ដោយ
ជាក់ស្តែងគឺមានអ្នកស្លាប់ចំនួន ៣ នាក់ ក្នុងនោះមានម្នាក់ជាពលករខ្មែរ ឈ្មោះ កយ ម៉ៃ ភេទស្រី អាយុ ២២ ឆ្នាំ ដោយឡែកអ្នករងរបួសដែលសរុបមានចំនួន ៦ នាក់នោះ ក៏មានខ្មែរម្នាក់ដែរ គឺឈ្មោះ ហៀង ទិត្យ ភេទស្រី អាយុ ៤៩ ឆ្នាំ ។ បច្ចុប្បន្នកម្លាំងតម្រួតថៃកំពុងធ្វើការតាមនីតិវិធីហើយ ក្នុងការទាក់ទងរកសាច់ញាតិ ដើម្បីបញ្ជូនសពមកកាន់ស្រុកកំណើតវិញ៕
អត្ថបទ៖ សោ និយមរ័ត្ន
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?