ព័ត៌មានជាតិ
ឯកឧត្ដម ហ៊ុន ម៉ានី ៖ ការវាយតម្លៃទទួលស្គាល់អង្គភាពផ្ដល់សេវាសាធារណៈគំរូ ជាការជំរុញភាពជាគំរូ ក្នុងការផ្ដល់សេវាជូនប្រជាជនកាន់តែប្រសើរ
ឯកឧត្ដម ហ៊ុន ម៉ានី រដ្ឋមន្ត្រីក្រសួងមុខងារសាធារណៈ លើកឡើងថា «ការវាយតម្លៃ និងទទួលស្គាល់អង្គភាពផ្ដល់សេវាសាធារណៈគំរូ ជាការជំរុញភាពជាគំរូ ក្នុងការផ្ដល់សេវាសាធារណៈជូនប្រជាជនកាន់តែប្រសើរ»។
នៅថ្ងៃទី ០៧ ខែកុម្ភៈ ឆ្នាំ ២០២៤ នេះ តាមរយៈទំព័រហ្វេសប៊ុក ឯកឧត្ដម ហ៊ុន ម៉ានី បានសរសេរថា ការវាយតម្លៃ និងទទួលស្គាល់អង្គភាពផ្ដល់សេវាសាធារណៈគំរូ ដោយមានការទទួលស្គាល់ និងផ្ដល់រង្វាន់លើកទឹកចិត្តពីរាជរដ្ឋាភិបាល ជាគំនិតផ្ដួចផ្ដើមរួមគ្នារបស់ក្រសួងមុខងារសាធារណៈ និងក្រសួងសេដ្ឋកិច្ច និងហិរញ្ញវត្ថុ ក្នុងគោលបំណងបំផុសចលនាលើកកម្ពស់គុណភាព និងប្រសិទ្ធភាព នៃការផ្ដល់សេវាសាធារណៈ ក៏ដូចជាការកសាងភាពជាគំរូ នៃការផ្ដល់សេវាសាធារណៈ ដោយចាប់ផ្ដើមពីវិស័យអប់រំ និងវិស័យសុខាភិបាល។ ការវាយតម្លៃ ត្រូវបានធ្វើឡើងយ៉ាងសុក្រឹត និងមានការចូលរួមពីគ្រប់ជាន់ថ្នាក់ ចម្រុះអន្តរក្រសួង ស្ថាប័ន ចាប់តាំងពីថ្នាក់ក្រុង/ស្រុក/ខណ្ឌ រាជធានី/ខេត្ត និងថ្នាក់ជាតិ។
ឯកឧត្ដម ហ៊ុន ម៉ានី បានសរសេរបន្តថា ឆ្លងកាត់ដំណាក់កាលការជ្រើសរើសបឋម និងដំណាក់កាលជ្រើសសម្រាំងកន្លងមក ការវាយតម្លៃ និងទទួលស្គាល់អង្គភាពផ្ដល់សេវាសាធារណៈគំរូ បានឈានមកដល់ដំណាក់កាលវាយតម្លៃថ្នាក់ជាតិចុងក្រោយ ដើម្បីស្វែងរកជ័យលាភីអង្គភាពផ្ដល់សេវាសាធារណៈគំរូ ឆ្នាំ ២០២៣ ក្នុងវិស័យអប់រំ និងវិស័យសុខាភិបាល ដោយមានបេក្ខភាពជ័យលាភីចំនួន ១៥ អង្គភាព ចុងក្រោយចូលរួមធ្វើបទបង្ហាញដោយផ្ទាល់ នៅសាលាភូមិន្ទរដ្ឋបាល រយៈពេល ២ ថ្ងៃ ដោយចាប់ផ្ដើម នាព្រឹកមិញនេះ។
ឯកឧត្ដមរដ្ឋមន្ត្រីក្រសួងមុខងារសាធារណៈ សរសេរបញ្ជាក់ថា បេក្ខភាពទាំងអស់ ត្រូវឆ្លងកាត់លក្ខណៈវិនិច្ឆ័យយ៉ាងល្អិតល្អន់ចំនួន ៨ ចំណុច ដែលពាក់ព័ន្ធជាមួយស្តង់ដារសេវាសាធារណៈ, និយាម នៃការផ្ដល់សេវា, ការគ្រប់គ្រងហិរញ្ញវត្ថុ, ការគ្រប់គ្រងធនធានមនុស្ស, ការរៀបចំកែលម្អបរិស្ថានអនាម័យ, ទំនាក់ទំនងជាមួយសហគមន៍, ការដោះស្រាយបញ្ហាប្រឈម និងនវានុវត្តន៍។
ជាមួយគ្នានេះ ឯកឧត្ដម ហ៊ុន ម៉ានី ក៏បានសរសេរបញ្ជាក់បន្ថែមថា ទន្ទឹមនឹងការឈានដល់ដំណាក់កាលវាយតម្លៃចុងក្រោយនេះ ឯកឧត្ដម សូមវាយតម្លៃខ្ពស់ និងកោតសរសើរ ក៏ដូចជាអរគុណដល់អង្គភាពបេក្ខភាពផ្ដល់សេវាសាធារណៈគំរូទាំងអស់ ដែលបានចូលរួមកន្លងមក។ ទោះបីជាលទ្ធផលយ៉ាងណាក៏ដោយ អង្គភាពទាំងអស់ សុទ្ធតែបានផ្ដល់ភាពជាគំរូរួចជាស្រេចទៅហើយ តាមរយៈការចូលរួមប្រកួតប្រជែងនេះ។ ក្នុងន័យនេះ ឯកឧត្ដម ជឿជាក់ថា អង្គភាពនីមួយៗ ពិតជាអាចមើលឃើញនូវវឌ្ឍនភាព និងការរីកចម្រើនជាក់ស្ដែងក្នុងអង្គភាពរបស់ខ្លួនដោយផ្ទាល់ ក្នុងគោលដៅផ្ដល់សេវាជូនប្រជាជនកាន់តែប្រសើរ៕
អត្ថបទ ៖ ពិសី
ការនាំចេញតាមតំបន់សេដ្ឋកិច្ចពិសេសរ៉ូយ៉ាល់ គ្រុប ភ្នំពេញ សម្រេចបានជាង១,៨៨០លានដុល្លារក្នុងឆ្នាំ២០២៤
Apple ធ្លាក់ចេញពីតំណែងលក់ស្មាតហ្វូនដាច់ជាងគេនៅចិន ចំពេលការប្រកួតប្រជែងកាន់តែខ្លាំង
តម្លៃប្រេងធ្លាក់ចុះនៅថ្ងៃបញ្ចប់ការជួញដូរ ប៉ុន្តែកើនឡើងក្នុងអត្រាប្រចាំសប្ដាហ៍ មុនត្រាំឡើងកាន់អំណាច
លោក បៃដិន ផ្ដល់ការលើកលែងទោសដល់មនុស្ស ២ ៥០០នាក់ ច្រើនបំផុតក្នុងប្រវត្តិសាស្ត្រអាមេរិក
សិស្សសាលាក្នុងខេត្តមណ្ឌលគិរី យល់ដឹងកាន់តែច្រើនពីផលប៉ះពាល់នៃភេសជ្ជៈផ្អែម ដែលអាចរងគ្រោះដល់អាយុជីវិត
ទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
លោក លី ធុជ ពាំនាំសាររំលែកមរណទុក្ខពីសម្តេចធិបតី និងលោកជំទាវបណ្ឌិត ជូនចំពោះក្រុមគ្រួសារនៃសព លោក ពៅ នេពីន ដែលគ្រោះថ្នាក់បាត់បង់ជីវិតក្នុងឧបទ្ទវហេតុផ្ទុះមីន
ចុងសប្តាហ៍នេះ អាមេរិក ជួបព្យុះព្រឹលធ្ងន់ធ្ងរ ប៉ះពាល់ពលរដ្ឋជាង ៣០០លាននាក់
លោក Mike Tyson ទិញវីឡាតម្លៃ១៣លានដុល្លារ ក្រោយប្រកួតជាមួយ Jake Paul
សុខភាពរបស់ជំទាវទីមួយ Kim Keon Hee កាន់តែយ៉ាប់យ៉ឺន ក្រោយនៅតែឯងក្នុងវិមានប្រធានាធិបតី
-
ចរាចរណ៍៥ ថ្ងៃ agoជិះម៉ូតូបញ្ច្រាសផ្លូវ បុកម៉ូតូមួយគ្រឿងទៀតស្លាប់ម្នាក់ និងរបួសធ្ងន់ស្រាល៣នាក់
-
ចរាចរណ៍១ សប្តាហ៍ agoករណីគ្រោះថ្នាក់ចរាចរណ៍រវាងរថយន្ត និងម៉ូតូ បណ្ដាលឱ្យឪពុក និងកូន២នាក់ស្លាប់បាត់បង់ជីវិត
-
ជីវិតកម្សាន្ដ៧ ថ្ងៃ agoក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
-
ចរាចរណ៍៥ ថ្ងៃ agoយុវជនម្នាក់ ចេញពីធ្វើការត្រលប់ទៅកន្លែងស្នាក់នៅវិញ ជួបគ្រោះថ្នាក់ចរាចរណ៍ ដួលបោកក្បាលស្លាប់លើស្ពានព្រែកព្នៅ
-
ព័ត៌មានអន្ដរជាតិ២០ ម៉ោង agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
ព័ត៌មានជាតិ៤ ថ្ងៃ agoជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
ព័ត៌មានជាតិ១ សប្តាហ៍ agoអ្នកនាំពាក្យថារថយន្តដែលបើកផ្លូវឱ្យអ្នកលក់ឡេមិនមែនជារបស់អាវុធហត្ថទេ
-
ព័ត៌មានជាតិ៧ ថ្ងៃ agoស្ទឹងសង្កែនៅប៉ែកខាងក្រោមរីងស្ងួត និងកំពុងប្រែក្លាយជាផ្លូវរទេះ