ព័ត៌មានជាតិ
ព្រឹត្តិការណ៍តុក្កតាយក្សខេត្តសៀមរាប គ្រោងនឹងរៀបចំក្បួនដង្ហែនៅថ្ងៃទី២៤ កុម្ភៈ ខាងមុខ
គម្រោងតុក្កតាយក្សនៅខេត្តសៀមរាប កំពុងចាប់ផ្តើមរៀបចំត្រៀមខ្លួន ក្នុងគោលបំណងផ្សព្វផ្សាយបច្ចេកទេសមួយចំនួន ពាក់ព័ន្ធសិល្ប:សូន្យរូប និងអរិយធម៌ វប្បធម៌ ទាំងខ្មែរ ទាំងបរទេស ដែលបានសហការគ្នា ដោយមានការចូលរួមពីសិស្សសាលារដ្ឋ និងឯកជន ដើម្បីបានរៀនពីរបៀបសូន្យរូបតុកតាយក្ស និងដំឡើងតុក្កតាយក្សផ្សេងៗ ហើយក៏ជាមោទនភាពសម្រាប់សិស្សានុសិស្សស្វែងយល់ក្នុងការសិក្សារៀនសូត្របន្តទៀត។
![](https://www.kampucheathmey.com/wp-content/uploads/2024/02/image-449-1024x682.png)
លោកស្រី តេស វ៉ាន់ណង ជាគ្រូបង្រៀនផ្នែកសិល្ប:សូន្យរូប បានលើកឡើងថា៖ «ខ្ញុំពេញចិត្តនឹងការងារបង្ហាត់បង្រៀនចំពោះការសូន្យរូបដល់ប្អូនៗ សិស្សនុសិស្ស»។ លោកស្រីយល់ឃើញថា ពួកគេបានយកចិត្តទុកដាក់ក្នុងការរៀនសូត្រយ៉ាងពិតប្រាកដ ដោយរៀនផង អនុវត្តផ្ទាល់ផង។ ជាក់ស្តែង ដូចពេលនេះ លោកស្រី បានចែករំលែកបទពិសោធទៅដល់ក្មេងៗ ដើម្បីឱ្យក្មេងៗធ្វើការរួមគ្នា បែបជាក្រុមៗ និងបានយល់ពីការងារសង្គមកាន់តែច្បាស់ថែមទៀត។
![](https://www.kampucheathmey.com/wp-content/uploads/2024/02/image-451-1024x682.png)
លោក អ៊ុន សាវ៉ាន់ អ្នកគ្រប់គ្រងកិច្ចការទូទៅនៅក្នុងគម្រោងតុក្កតាយក្សនេះ បានឱ្យ«កម្ពុជាថ្មី»ដឹងនៅព្រឹកថ្ងៃពុធនេះ ថា ការរៀបចំសូន្យរូប និងដំឡើងរូប នៅក្នុងបរិវេណវត្តដំណាក់ ក្រុងសៀមរាប គឺមានរយ:ពេល ៣សប្តាហ៍ ហើយឥឡូវធ្វើបាន២-៣ថ្ងៃ រួចមកហើយ។ គម្រោងតុក្កតាយក្សនេះ នឹងគ្រោងដង្ហែនៅថ្ងៃទី២៤ ខែកុម្ភ: ឆ្នាំ២០២៤ ខាងមុខ។ លោក សង្ឃឹមជឿជាក់ថា នៅថ្ងៃព្រឹត្តិការណ៏នៃក្បួនដង្ហែតុក្កតាយក្សនេះ និងមានភ្ញៀវជាតិ អន្តរជាតិចូលរួមច្រើន ព្រោះថានៅថ្ងៃដង្ហែរនោះ មានការសហការជាមួយមន្ទីរពាណិជ្ជកម្មខេត្ត ដើម្បីរៀបចំស្តង់តាំងពិព័ណនានាជាច្រើន ក្នុងគោលបំណងទាក់ទាញភ្ញៀវទេសចរណ៍ជាតិ និងអន្តរជាតិឱ្យមកទស្សនាខេត្តសៀមរាប ស្របតាមយុទ្ធសាស្រ្តរបស់ក្រសួងទេសចរណ៍បានដាក់ចេញ ដែលជាកន្លែងតំបន់ទេសចរណ៍ពិភពលោកបានស្គាល់ និងបានឃើញយ៉ាងពិតប្រាកដ។
លោកបានបញ្ជាក់ទៀតថា នៅថ្ងៃទី២៤ ខែកុម្ភ: ពេលល្ងាចក្បួនដង្ហែតុក្កតាយក្ស នឹងធ្វើការរៀបចំដង្ហែចេញពីវត្តដំណាក់ឆ្វែលជុំវិញ រួចហើយយកទៅដាក់តាំងនៅក្នុងសួនច្បារព្រះដំណាក់រយ:ពេល ៥ថ្ងៃ ទុកឱ្យភ្ញៀវជាតិ និងអន្តរជាតិ ថតយករូបភាពទុកធ្វើជាអនុស្សាវរីយ៍។
![](https://www.kampucheathmey.com/wp-content/uploads/2024/02/image-450-1024x682.png)
លោក ស៊ា សុផល ប្រធានអង្គការទំពាំងស្នងឬស្សី បានវាយតម្លៃខ្ពស់ចំពោះការរៀបចំឱ្យមានកម្មវិធីនេះឡើងជារៀងរាល់ឆ្នាំ ដើម្បីទាក់ទាញភ្ញៀវជាតិ និងអន្តរជាតិ ឱ្យមកទស្សនាខេត្តមួយនេះ ដែលជាខេត្តពោរពេញទៅដោយអរិយធម៌ វប្បធម៌ផូរផង់ ជាពិសេស គឹសកម្មភាពក្មេងៗនៅទីនេះតែម្តង ដែលពួកគេបានចូលរួមជាមួយព្រឹត្តិការណ៍តុក្កតាយក្សក្នុងឆ្នាំ២០២៤ នេះ។ លោកថា ទាក់ទងនឹងវិស័យទេសចរណ៍ ក្រោមការដឹកនាំរបស់សម្តេចមហាបវរធិបតី ហ៊ុន ម៉ាណែត លោកបានយកចិត្តទុកដាក់យ៉ាងខ្លាំងចំពោះវិស័យទេសចរណ៍នេះ។ លោកបញ្ជាក់បន្ថែមថា ខេត្តសៀមរាប គឺជាខេត្តដែលសម្បូរកម្មវិធីទាក់ទាញភ្ញៀវទេសចរ។ រីឯ គម្រោងតុក្កតាយក្សនេះ ក៏មិនមែនជាលើកទី ១នោះដែរ គឺជាលើកទី ១១ហើយ៕
![](https://www.kampucheathmey.com/wp-content/uploads/2024/02/image-448-1024x682.png)
![](https://www.kampucheathmey.com/wp-content/uploads/2024/02/image-452-1024x682.png)
អត្ថបទ៖ គឿនវេត
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ៣ ថ្ងៃ ago
រថយន្តដឹកទំនិញ រត់សាកល្បងជោគជ័យពីទីក្រុងគុនមីនប្រទេសចិន មកដល់រាជធានីភ្នំពេញ
-
ព័ត៌មានជាតិ៦ ថ្ងៃ ago
ចោទកម្ពុជាបង្កើត CoolApp ដើម្បីយកការណ៍ ឯកឧត្ដម ឌី វិជ្ជា ចោទសួរទៅវិញថាតើ Appរបស់ប្រទេសមហាអំណាចបង្កើតដើម្បីអ្វី?
-
ព័ត៌មានអន្ដរជាតិ៥ ម៉ោង ago
ធ្លាក់ភ្លៀងមួយម៉ោង ទីក្រុងហូជីមិញ ត្រូវទឹកជន់លិច ល្ហាចល្ហឹម
-
ព័ត៌មានជាតិ៥ ថ្ងៃ ago
ក្រុមអភិវឌ្ឍន៍សង្កាត់ទឹកល្អក់ទី៣ ខិតខំប្ដូរលូតូចចេញ ដាក់លូធំជាងមុន ដើម្បីបញ្ជៀសទឹកឲ្យបានលឿន
-
ព័ត៌មានជាតិ១៩ ម៉ោង ago
កូនប្រុសលោកបណ្ឌិត គី សេរីវឌ្ឍន៍ ទទួលបានមេដាយមាស ពីការប្រឡងវិទ្យាសាស្ត្រ វ៉ាន់ដា អូឡាំព្យាដ ២០២៤
-
ព័ត៌មានជាតិ៧ ថ្ងៃ ago
សម្ដេចធិបតី៖ ក្រុមហ៊ុនចិន BYD គ្រោងដាក់ទុនរៀបចំផលិតរថយន្តនៅកម្ពុជា
-
ព័ត៌មានជាតិ២ ថ្ងៃ ago
ក្រុមហ៊ុន ចំនួន២ កើតទុក្ខមិនសុខចិត្ត រឿងដេញថ្លៃសង់ផ្លូវបេតុង ក្នុងឃុំថ្មពេជ្រ ក្នុងខេត្តត្បូងឃ្មុំ
-
ព័ត៌មានជាតិ៦ ថ្ងៃ ago
រយៈពេល៣៥ថ្ងៃ សាលាដំបូងរាជធានីខេត្ត ទទួលបានសំណុំរឿង ក្មេងទំនើងចំនួន ២៤៤ករណី