ព័ត៌មានជាតិ
សម្ដេច ឃួន សុដារី ៖ សន្តិភាព ធ្វើឱ្យ កម្ពុជា អភិវឌ្ឍន៍ និងប្រើប្រាស់គ្រប់សក្ដានុពល ដើម្បីការរីកចម្រើនរបស់សង្គមជាតិ
សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភា បានមានប្រសាសន៍លើកឡើងថា សន្តិភាព បានធ្វើឱ្យកម្ពុជាអភិវឌ្ឍន៍ និងប្រើប្រាស់គ្រប់សក្ដានុពល ដើម្បីការរីកចម្រើនរបស់សង្គមជាតិ និងការលើកកម្ពស់ជីវភាពប្រជាពលរដ្ឋ។ សម្តេចរដ្ឋសភាធិបតី បានគូសបញ្ជាក់ថា កម្ពុជា មានសក្ដានុពលជាច្រើនសន្ធឹកសន្ធាប់ ទាំងសម្បត្តិវប្បធម៌ និងធនធានធម្មជាតិ ប៉ុន្តែដោយសារភ្លើងសង្គ្រាម បានធ្វើឱ្យកម្ពុជាយឺតយ៉ាវ ឬ រំលងសក្ដានុពលដែលមានតួយ៉ាងដូចជា វិស័យគ្រឿងអលង្ការ និងត្បូងមានតម្លៃនេះជាដើម។
សម្តេចប្រធានរដ្ឋសភា បានលើកឡើងដូច្នេះ នៅក្នុងឱកាសអនុញ្ញាតឱ្យប្រតិភូសមាគមពាណិជ្ជករគ្រឿងអលង្ការ និងត្បូងមានតម្លៃកម្ពុជា ដឹកនាំដោយលោកបណ្ឌិត ឆាយ ស៊ីណាត ប្រធានស្តីទីសមាគម ចូលជួបសម្តែងការគួរសម និងទទួលអនុសាសន៍នៅក្នុងការត្រៀមរៀបចំការតាំងពិព័រណ៍គ្រឿងអលង្ការ និងត្បូងមានតម្លៃកម្ពុជា-អន្តរជាតិ លើកទី ១៥ ដែលនឹងប្រព្រឹត្តទៅក្នុងខែមីនា ឆ្នាំ ២០២៤ ខាងមុខ។
នៅក្នុងឱកាសនោះ សម្តេច ឃួន សុដារី បានសង្កត់ធ្ងន់ថា បច្ចុប្បន្នកម្ពុជាមានសុខសន្តិភាពពេញលេញដែលបានមកពីពលិកម្មយ៉ាងធំធេងរបស់មគ្គុទ្ទេសក៍ដ៏ឆ្នើម គឺ សម្តេចតេជោ ហ៊ុន សែន ហើយសន្តិភាព និងស្ថិរភាពសង្គម បានបន្តថែរក្សា និងការពារយ៉ាងម៉ឺងម៉ាត់ដោយ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី អាណត្តិទី ៧ ក្នុងការដឹកនាំនាវាកម្ពុជាឈានឆ្ពោះកាន់វឌ្ឍនភាពជាបន្តទៅទៀត។
លោកបណ្ឌិត ឆាយ ស៊ីណាត បានថ្លែងអំណរគុណយ៉ាងជ្រាលជ្រៅជូន សម្តេចរដ្ឋសភាធិបតី ដែលបានឆ្លៀតឱកាសដ៏មមាញឹកអនុញ្ញាតឱ្យប្រតិភូសមាគមចូលជួបសម្តែងការគួរសម និងទទួលអនុសាសន៍នាឱកាសនេះ។ លោកបណ្ឌិតប្រធានសមាគម បានរាយការណ៍ពីការងារ និងសមិទ្ធផលដែលសមាគមសម្រេចបាន នាពេលកន្លងមក នៅក្នុងការចូលរួមលើកកម្ពស់វិស័យពាណិជ្ជកម្មនៅកម្ពុជា។ ក្រៅពីការធ្វើជំនួញ និងការកៀរគរអ្នកវិនិយោគមកបណ្តាក់ទុននៅកម្ពុជា សមាគមក៏បានចូលរួមការងារសង្គម សកម្មភាពមនុស្សធម៌ នៅក្នុងនោះក៏បានចូលរួមលើកកម្ពស់សមភាពយេនឌ័រផងដែរ តាមរយៈការផ្តល់តម្លៃដល់ស្នាដៃចម្លាក់របស់ស្ត្រី។
សម្តេចរដ្ឋសភាធិបតី ឃួន សុដារី បានកោតសរសើរ និងវាយតម្លៃខ្ពស់ចំពោះការរៀបចំការតាំងពិព័រណ៍គ្រឿងអលង្ការរបស់សមាគមពាណិជ្ជករគ្រឿងអលង្ការ និងត្បូងមានតម្លៃកម្ពុជាថា ជាព្រឹត្តិការណ៍សំខាន់ ពីព្រោះមិនត្រឹមជួយលើកកម្ពស់វិស័យគ្រឿងអលង្ការប៉ុណ្ណោះទេ តែជាព្រឹត្តិការណ៍សម្រាប់ទាក់ទាញអ្នកវិនិយោគទុនពីបរទេស មកបណ្តាក់ទុននៅកម្ពុជា និងជាឱកាសដែលកម្ពុជាអាចស្រូបទាញអ្នកទេសចរ ពាណិជ្ជករ និងអ្នកវិនិយោគ ស្របពេលដែលយើងបង្ហាញពីប្រពៃណី ទំនៀមទម្លាប់ សម្បត្តិវប្បធម៌ជាតិ ស្នាដៃសិល្បៈចម្លាក់របស់កូនខ្មែរ ដល់ភ្ញៀវបរទេសបានស្គាល់។
សម្តេចប្រធានរដ្ឋសភា បានលើកឡើងថា កម្ពុជា ជាទឹកដីសុវណ្ណភូមិ ដែលពោរពេញដោយសម្បត្តិវប្បធម៌ និងធនធានធម្មជាតិ ដូច្នេះការរក្សាបាននូវសុខសន្តិភាពគឺ កម្ពុជា នឹងទទួលការរីកចម្រើន អភិវឌ្ឍន៍គ្រប់វិស័យជាលំដាប់ ដោយសារសន្តិភាព និងការអភិវឌ្ឍជាចំណងពីរលើខ្សែតែមួយ។ សម្តេច ក៏បានជំរុញលើកទឹកចិត្តផងដែរ ឱ្យមានការកែច្នៃគ្រឿងអលង្ការ និងត្បូងមានតម្លៃ ប្រកបដោយប្រណីតភាព និងគុណភាពខ្ពស់ ព្រមទាំងរំលេចពីក្បូរក្បាច់រចនារបស់ខ្មែរដ៏ល្អផូរផង់ ដើម្បីទាក់ទាញការជឿទុកចិត្តទាំងទីផ្សារក្នុងស្រុក និងអន្តរជាតិ៕
អភិបាលខេត្តកំពង់ចាម ដឹកនាំមន្ត្រីជំនាញពិនិត្យការស្តារឡើងវិញ នូវហេដ្ឋារចនាសម្ពន្ធ័ ដែលរងការខូចខាតដោយទឹកជំនន់កន្លងមក
យុវជនវៀតណាមនិងយុវជនកម្ពុជា មានគម្រោងសាងសង់មជ្ឈមណ្ឌលបណ្ដុះបណ្ដាលវិជ្ជាជីវៈជូនយុវជនកម្ពុជា និង កសាងអគារទីស្តីការរបស់ ស.ស.យ.ក
ជង្ហុកដ៏ធំមួយនៅជិតស្ពានស្ទឹងមានជ័យបង្កឡើងដោយរថយន្ដដឹកគ្រឿងចក្ររយៈពេលជាង១០ថ្ងៃមកហើយនៅមិនទាន់ជួសជុល
មន្ត្រីជាន់ខ្ពស់អំពាវនាវឱ្យយុវជន ចូលរៀនកម្មវិធីបណ្តុះបណ្តាលជំនាញ TVET ១,៥លាននាក់ ដែលរៀនមិនគិតថ្លៃ បានទាំងប្រាក់ឧបត្ថម្ភ និងចំណេះ
សម្ដេចតេជោ៖ផ្អែកលើភាពជោគជ័យកន្លងមក លោក ប្រាក់ សុខុន ពិតជាស័ក្ដិសមនឹងតំណែងរដ្ឋមន្ត្រីការបរទេស
កីឡាករ នុប តុលា បាត់បង់ជីវិតជាដំណឹងដ៏ក្រៀមក្រំបំផុតសម្រាប់បាល់ទាត់កម្ពុជា
សុខ រ៉ាស៊ី ចាត់ទុកទង្វើ Miss Grand ឥណ្ឌា មានចរិតដៀមដាមមកលើកម្ពុជា និងអាក្រក់បំផុត (មានវីដេអូ)
អាហារបែបស្រុកស្រែតាមផ្លូវជាតិលេខ ៤៨ ទាក់ទាញអ្នកដំណើរ និងហុចផលសេដ្ឋកិច្ចដល់ពលរដ្ឋឃុំកណ្ដោល
ស្ថានការណ៍មិនស្រួល! រុស្ស៊ី ចាប់ផ្តើមសង់ផ្ទះចល័ត ការពារជាតិវិទ្យុសកម្ម ពីគ្រាប់បែកនុយក្លេអ៊ែរ
ជង្ហុកដ៏ធំមួយនៅជិតស្ពានស្ទឹងមានជ័យបង្កឡើងដោយរថយន្ដដឹកគ្រឿងចក្ររយៈពេលជាង១០ថ្ងៃមកហើយនៅមិនទាន់ជួសជុល
-
ព័ត៌មានជាតិ១ សប្តាហ៍ agoមកស្គាល់ពីសាកលវិទ្យាល័យចំនួន៦ សម្រាប់សិស្សដែលទើបបញ្ចប់ការសិក្សាទី១២ អាចរើសជំនាញដែលសមស្រប
-
ជីវិតកម្សាន្ដ៣ ថ្ងៃ agoទិដ្ឋភាពពិធីបុណ្យសពអ្នកនាង អ៊ុំ គន្ធា មានភាពស្ងប់ស្ងាត់ពុំសូវឃើញអ្នកសិល្ប:ចូលរួម
-
ព័ត៌មានជាតិ១ សប្តាហ៍ agoទៅដល់ខេត្តក្រចេះរដូវនេះ! កុំភ្លេចសាករសជាតិសម្លត្រីឆ្កោក រដូវទឹកស្រកសំបូរត្រីចុះតាមព្រែកបឹង
-
ព័ត៌មានអន្ដរជាតិ៣ ថ្ងៃ agoជាប្រវត្តិសាស្រ្ត! ព្យុះ៤ ត្រូវថតជាប់ក្នុងពេលតែមួយ នៅមហាសមុទ្រប៉ាស៊ីហ្វិក
-
ជីវិតកម្សាន្ដ៣ ថ្ងៃ agoអ្នកសិល្បៈសម្តែងការសោកស្តាយចំពោះមរណភាព អ្នកនាង អ៊ុំ គន្ធា ខណៈសពនឹងត្រូវបូជាល្ងាចនេះ
-
ព័ត៌មានជាតិ៦ ថ្ងៃ agoរាជធានីខេត្តចំនួន ៣ ទទួលបានភ្ញៀវទេសចរច្រើនជាងគេ នៅថ្ងៃទី ១ នៃពិធីបុណ្យអុំទូក
-
សន្តិសុខសង្គម២ ថ្ងៃ agoUpdate៖ ឃាត់ខ្លួនម្ចាស់គ្លីនិកពីរនាក់ប្ដីប្រពន្ធ ករណីចាក់ថ្នាំប្រតិកម្មបណ្ដាលឲ្យស្ត្រីម្នាក់ស្លាប់
-
សន្តិសុខសង្គម៣ ថ្ងៃ agoឃាត់ខ្លួនមន្ត្រីនគរបាលម្នាក់ ក្រោយបាញ់ប្រហារប្ដីប្រពន្ធមួយគូរងរបួសធ្ងន់