ព័ត៌មានជាតិ
ការចាប់ល្បឿន៖ អ្នកនាំពាក្យ ថា ក្រសួងសាធារណ ការកំពុងធ្វើបច្ចុប្បន្នភាពផ្លាកសញ្ញាកំណត់ល្បឿនឡើងវិញ
ក្រោយពលរដ្ឋមួយចំនួនសម្ដែងការមិនពេញចិត្តចំពោះការចាប់ល្បឿននៅតាមដងផ្លូវជាតិនោះ នៅពេលនេះ អ្នកនាំពាក្យក្រសួងសាធារណការ និងដឹកជញ្ជូន បានចេញមកអះអាងថា ក្រសួងកំពុងពិនិត្យ វាយតម្លៃ និងធ្វើបច្ចុប្បន្នភាពលើផ្លាកសញ្ញាចរាចរណ៍កំណត់ល្បឿនឡើងវិញ។
![](https://www.kampucheathmey.com/wp-content/uploads/2024/02/image-503-edited.png)
ការចេញមកអះអាងពីមន្ត្រីជំនាញពេលនេះ ខណៈពេលថ្មីៗគេសង្កេតឃើញថា ការបាញ់ល្បឿននៅតាមដងផ្លូវ ហាក់ចាប់ផ្ដើមអនុវត្ដឡើងវិញ ហើយជុំវិញការបាញ់ល្បឿននេះទៀតសោត ក៏មានប្រជាពលរដ្ឋមួយចំនួនបានសម្តែងការមិនពេញចិត្តដែរ។ ជាក់ស្ដែង តាមរយៈបណ្ដាញសង្គមហ្វេសប៊ុកផ្លូវការរបស់អតីតរដ្ឋមន្ត្រីក្រសួងព័ត៌មាន លោក ខៀវ កាញារីទ្ធ បានបង្ហាញនូវសាររបស់ពលរដ្ឋមួយរូប ដែលមានចម្ងល់ទាក់ទងនឹងការចាប់ល្បឿននេះ។ ពលរដ្ឋរូបនេះ បានរៀបរាប់ដូច្នេះថា៖ «តាមខេត្ត ចាប់ល្បឿន៤០ ល្បឿន៦០ តាមផ្លូវជាតិ មិនគួរមានទេ បើចាប់ល្បឿនពី៩០ ឡើងទៅសមបន្តិច»។
![](https://www.kampucheathmey.com/wp-content/uploads/2024/02/19-1024x614.jpg)
ឆ្លើយតបនឹងចម្ងល់នេះ លោក ផន រឹម អ្នកនាំពាក្យក្រសួងសាធារណការ និងដឹកជញ្ជូន បានលើកឡើងនៅក្នុងបណ្ដាញសង្គមរបស់លោក ខៀវ កាញារីទ្ធ យ៉ាងដូច្នេះថា៖ «បច្ចុប្បន្ននេះ ក្រសួងសាធារណការ និងដឹកជញ្ជូន កំពុងធ្វើបច្ចុប្បន្នភាពលើផ្លាកសញ្ញាចរាចរណ៍កំណត់ល្បឿនទាំងអស់នៅលើផ្លូវជាតិ»។ បើតាមអ្នកនាំពាក្យរូបនេះ ក្រសួង បានណែនាំឱ្យក្រុមការងារបច្ចេកទេសចុះពិនិត្យជាក់ស្តែង ដើម្បីសិក្សា វាយតម្លៃ មុននឹង ឈានដល់ការសម្រេចផ្ទាល់ប្តូរូ ឬបន្ថែមបន្ថយផ្លាកសញ្ញាចរាចរណ៍កំណត់ល្បឿន។
ជាមួយគ្នានេះ លោក ផន រឹម អ្នកនាំពាក្យនៃក្រសួងសាធារណការ ក៏បានអរគុណចំពោះការផ្តល់ព័ត៌មាន និងធាតុចូលផ្សេងៗ ដើម្បីឱ្យក្រសួងសាធារណការ និងដឹកជញ្ជួន អាចមានលទ្ធភាពពិនិត្យ និងពិចារណាលើបញ្ហាប្រឈមទាំងនេះ៕
![](https://www.kampucheathmey.com/wp-content/uploads/2024/02/photo_2024-02-08_14-20-46-edited.jpg)
![](https://kampucheathmey.com/wp-content/uploads/2020/12/1-01-2-01-1.png)
-
ជីវិតកម្សាន្ដ៤ ថ្ងៃ ago
ខេត្តចំនួនបីរបស់ប្រទេសថៃ ដែលផ្តល់កន្លែងទេសចរណ៍គួរជាទីចាប់អារម្មណ៍សម្រាប់វិស្សមកាលនេះ
-
ចរាចរណ៍៣ ថ្ងៃ ago
ចាប់វាយខ្នោះលោក ម៉ៃ សុគន្ធ បន្ទាប់ពីព្យាយាមបើករថយន្ដគេចពីសមត្ថកិច្ចរហូតបង្កគ្រោះថ្នាក់ចរាចរណ៍
-
សេចក្ដីជូនដំណឹង៤ ថ្ងៃ ago
ព្រះសង្ឃគង់នៅវត្ត ជោតិវ័ន ហៅវត្តត្រពាំងក្របៅ ត្រូវរង្វាន់ ១២៥លានរៀលពីខារ៉ាបាវ
-
សន្តិសុខសង្គម៨ ម៉ោង ago
អ្នកលក់អនឡាញ Madam da ត្រូវមហាជនរិះគន់យ៉ាងខ្លាំង ក្រោយជិះម៉ូតូមិនពាក់មួក ប្រសេចប្រសាចពេញទីក្រុង
-
ព័ត៌មានជាតិ១ សប្តាហ៍ ago
មន្ត្រីជាន់ខ្ពស់កម្ពុជា៖ នៅលើពិភពលោកនេះ គេមិនដែលយក Google Map មកធ្វើជាមូលដ្ឋានបោះបង្គោលព្រំដែន
-
ព័ត៌មានអន្ដរជាតិ៤ ថ្ងៃ ago
រុស្ស៊ី វាយប្រហារយ៉ាងសាហាវលើអ៊ុយក្រែន, ស្លាប់និងរបួសមនុស្សជាង ៣០០នាក់
-
សន្តិសុខសង្គម១ សប្តាហ៍ ago
ស្នងការខេត្តកំពត ប្រកាសផ្ដល់ប្រាក់១លានរៀលដល់សាធារណជនណាដែលស្គាល់អត្តសញ្ញាណបុរសម្នាក់ឈរនោមនៅរូបសំណាកសេះសមុទ្រ
-
ព័ត៌មានអន្ដរជាតិ៣ ថ្ងៃ ago
លោក គីម កាត់ទោសប្រហារជីវិតមន្ត្រី៣០នាក់ ព្រោះទឹកជំនន់នៅកូរ៉េខាងជើង