ព័ត៌មានជាតិ
ផ្លូវការ ! អ្នកនាំពាក្យក្រសួងព័ត៌មានលម្អិតបន្ថែមជុំវិញពាក្យចចាមអារ៉ាមបើកវេបសាយ TVFB ឡើងវិញ
លោក សុវណ្ណ រិទ្ធី អតីតចាងហ្វាង TVFB បានស្នើសុំបើកគេហទំព័រសារព័ត៌មានថ្មីមួយទៀត ដោយដាក់ឈ្មោះ ស្រដៀងទៅនឹងឈ្មោះស្ថាប័នចាស់ថា St-tvsb ដែលជាឈ្មោះវេបសាយថ្មី ឈរឈ្មោះ ដោយម្តាយរបស់លោក។
លោក ផុស សុវណ្ណ អ្នកនាំពាក្យក្រសួងព័ត៌មាន បានថ្លែងប្រាប់កម្ពុជាថ្មីថា ក្រសួងបានអនុញ្ញាតឲ្យបើកគេហទំព័រព័ត៌មានថ្មី ស្រដៀងទៅនឹងឈ្មោះមុន គឺ st-tvfb.com ប៉ុន្តែអគ្គនាយកមិនមែនជា សុវណ្ណ រិទ្ធីនោះទេ តែជាម្តាយរបស់លោក។

លោក សុវណ្ណ រិទ្ធី ត្រូវបានតុលាការដោះលែងឲ្យនៅក្រៅឃុំកាលពីថ្ងៃទី ៥ ដើមខែតុលា ឆ្នាំមុន បន្ទាប់ពីតុលាការកាត់ឲ្យជាប់ពន្ធនាគារ ១ឆ្នាំកន្លះ ប៉ុន្តែតម្រូវឲ្យអនុវត្តចំនួន ៥ ខែ និង២៨ ថ្ងៃចំណែកទោសនៅសល់ត្រូវព្យួរធម្មតា ក្រោមបទចោទ «ញុះញង់ឲ្យប្រព្រឹត្តបទឧក្រិដ្ឋជាអាទិ៍»។
លោកត្រូវបានសមត្ថកិច្ច ចាប់ខ្លួននៅថ្ងៃទី៧ ខែមេសា ឆ្នាំ២០២០ ក្រោមបទល្មើសញុះញង់ឲ្យប្រព្រឹត្តបទល្មើសជាអាទិ៍ តាមមាត្រ ៤៩៥ ពាក់ព័ន្ធនឹងការសរសេរលើហ្វេសប៊ុកដោយស្រង់ពាក្យសម្តីសម្ដេច ហ៊ុន សែន ដែលបាននិយាយថា «បើអ្នករត់ម៉ូតូឌុបក្ស័យធន លក់ម៉ូតូចាយសិនទៅ រដ្ឋាភិបាលគ្មានលទ្ធភាពជួយនោះទេ»។
ក្រោយការចាប់ខ្លួនលោក សុវណ្ណ រិទ្ធី រដ្ឋមន្ត្រីក្រសួងព័ត៌មាន លោក ខៀវ កាញារីទ្ធ បានសម្រេចលុបចោលអាជ្ញាប័ណ្ណព័ត៌មានរបស់លោក ដោយ មិនអនុញ្ញាតឲ្យគេហទំព័រ និងមជ្ឈមណ្ឌលផ្សព្វផ្សាយឈ្មោះ ធី.វី.អេហ្វ.ប៊ី TVFB បើកដំណើរការតទៅទៀត៕

អត្ថបទ៖ ឡេង ដេត

-
ព័ត៌មានអន្ដរជាតិ៣ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៥ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៧ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៤ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៧ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ១ សប្តាហ៍ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម៣ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ១ ថ្ងៃ ago
កើតក្តីបារម្ភបាក់ទំនប់វារីអគ្គិសនីនៅថៃ ក្រោយរញ្ជួយដី