ព័ត៌មានជាតិ

សមត្ថកិច្ចដាស់តឿនឱ្យពលរដ្ឋប្រុងប្រយ័ត្នភ្លើងទៀន ធូប ពេលសែនចូលឆ្នាំចិន

បានផុស

១ year មុន

នៅ

ថ្ងៃសុក្រ ៩ កុម្ភៈ ២០២៤

ដោយ

លោក ស៊ុម សុឃីម ស្នងការរងនៃស្នងការដ្ឋាននគរបាលរាជធានីភ្នំពេញនៅថ្ងៃទី ៩ ខែកុម្ភៈ ឆ្នាំ ២០២៤ បានអំពាវនាវឱ្យប្រជាពលរដ្ឋមានការប្រុងប្រយ័ត្នខ្ពស់ចំពោះគ្រោះអគ្គិភ័យ អំឡុងពេលសែនចូលឆ្នាំចិន-វៀតណាម។

លោក ស៊ុម សុឃីម បញ្ជាក់ថា វិធានការដែលសមត្ថកិច្ចបានធ្វើការផ្សព្វផ្សាយ កន្លងមកគឺការលក់ផាវ ការលក់ដូរ ដែលមានកំប៉ុង និងធុងហ្គាសឱ្យពួកគាត់ប្រុងប្រយ័ត្ន ជាពិសេសកន្លែងលក់ផាវ គឺយើងមានវិធានការមិនឱ្យគាត់មានការលក់ ការអុច។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ស៊ុម សុឃីម បញ្ជាក់ថា នៅពេលបុណ្យចូលឆ្នាំចិន-វៀតណាម ពលរដ្ឋតែងតែសែនហើយ ផែនការរបស់កម្លាំងបង្ការ ពន្លត់អគ្គិភ័យ ផ្សព្វផ្សាយ នៅពេលដែលគាត់អុចធូបសែន សូមឱ្យគាត់មានការប្រុងប្រយ័ត្ន កុំឱ្យគាត់ទៅណាមុនពេលភ្លើងធូប ទៀនរលត់។

នាឆ្នាំកន្លងមក ករណីអគ្គិភ័យអំឡុងពេលចូលឆ្នាំចិន កើតឡើងក្នុងថ្ងៃ មិនតិចជាង ៣ ដងនោះទេ ដែលភាគច្រើនកើតឡើងដោយសារជើងធូប និងការដុតក្រដាសសែន ដែលទៅប៉ះឧបករណ៍ងាយឆេះ។ នេះបើតាមរបាយការណ៍នាយកដ្ឋាននគរបាលបង្ការពន្លត់អគ្គិភ័យ។

លោក នេត វន្ថា ប្រធាននាយកដ្ឋាននគរបាលបង្ការពន្លត់អគ្គិភ័យធ្លាប់លើកឡើងថា សមត្ថកិច្ចជំនាញបានបង្កើនការប្រុងប្រយ័ត្នហើយ ប៉ុន្តែប្រជាពលរដ្ឋក៏ត្រូវប្រុងប្រយ័ត្នដោយបុគ្គលខ្លួនឯងផងដែរដើម្បីចូលរួមទប់ស្កាត់ទាំងអស់គ្នា៕