ត្រឹមឆ្នាំ២០២៣ សហគ្រាស និងស្ថាប័នជាង១៨០០០ ចុះបញ្ជីផ្នែកថែទាំសុខភាពនៅ ប.ស.ស

គិតត្រឹមឆ្នាំ ២០២៣ កន្លងទៅថ្មីៗនេះ ប.ស.ស. បានចុះបញ្ជីផ្នែកថែទាំសុខភាពជាមួយសហគ្រាស គ្រឹះស្ថាន និងក្រសួង ស្ថាប័ន ចំនួន១៨ ២៦៩ មានសមាជិក សរុបចំនួន ២ ០២៥ ៨៧២នាក់។

លោក ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈបានឱ្យដឹងក្នុងពិធីបិទសន្និបាតឆ្នាំ២០២៣ កាលពីរសៀលថ្ងៃទី ៨ កុម្ភៈថា មានអ្នកទៅប្រើប្រាស់សេវាថែទាំសុខភាព សរុបមានចំនួន ៥ ០៥៤ ៦៣៩ករណី និងចំណាយតាវកាលិក និងស្តារនីតិសម្បទា អស់ថវិកាចំនួន ៤៤៥០៨ប៊ីលានរៀល (ប្រមាណជា ១០៨,៥៦លានដុល្លារ) ព្រមទាំងបានផ្ដល់សេវាស្ដារនីតិសម្បទាផ្នែកវេជ្ជសាស្ត្រ សរុបចំនួន ៩៣នាក ផងដែរ។

លោករដ្ឋមន្ត្រីបានបន្តថា ជាមួយគ្នានេះក្រសួងបានផ្តល់របបសន្តិសុខសង្គមដល់ផ្នែកសេដ្ឋកិច្ចក្រៅប្រព័ន្ធចំនួន ២៧២​សហគ្រាស មានកម្មករនិយោជិតសរុបចំនួន ៩៩ ៤១៧នាក់ផងដែរ។

បើតាមលោក ហេង សួរ ឆ្នាំ២០២៣នេះដែរ ក្រសួងបានបន្តផ្តល់ប្រាក់ឧបត្ថម្ភដល់ស្រ្តីពេលសម្រាលកូន ដែលមានស្ត្រីសម្រាលកូន សរុបចំនួន ៦២ ៨៧៨នាក់ ស្មើនឹងចំនួនកូន ៦៣ ៣២៨នាក់ គិតជាទឹកប្រាក់អស់ប្រមាណ ៣២៣២​ប៊ីលានរៀល (ប្រមាណ ៧,៨៨លានដុល្លារ)។

ទន្ទឹមនឹងនេះ ក្រសួងបានបើកផ្តល់ប្រាក់ឧបត្ថម្ភ ដល់កម្មករនិយោជិតវិស័យវាយនភណ្ឌ កាត់ដេរ ផលិតស្បែក ជើង និងផលិតផលិតផលធ្វើដំណើរនិងកាបូប និងវិស័យទេសចរណ៍ ដែលព្យួរកិច្ច សន្យាការងារជុំទី២ ក្នុងឆ្នាំ២០២៣ នេះ បានចំនួន ១៦០ ៨៦៣នាក់ ស្មើនឹងថវិកា ចំនួន ២៧៦៧ប៊ីលានរៀលផងដែរ។

គួរបញ្ជាក់ថា បច្ចុប្បន្ននេះបេឡាជាតិសន្តិសុខសង្គម(ប.ស.ស.) នៃក្រសួងការងារនិងបណ្តុះបណ្តាលវិជ្ជាជីវៈកំពុងអនុវត្តរបបសន្តិសុខសង្គមចំនួន៣រួមមានរបបថែទាំសុខភាពរបបហានិភ័យការងារនិងរបបសោធននិវត្ត។

ក្រៅពីនេះប.ស.ស.បានអនុវត្តរបបថែទាំសុខភាពតាមរបបភាគទានដោយស្ម័គ្រចិត្តដ

ល់បុគ្គលស្វ័យនិយោជន៍និងសមាជិកគ្រួសារនៃសមាជិកប.ស.ស.ដែលតម្រូវឱ្យបង់ភាគទានចំនួន១៥៦០០រៀលក្នុង១ខែហើយបង់បាន២ខែអាចប្រើប្រាស់សេវាសុខភាពនៅតាមមន្ទីរពេទ្យនានាជាដៃគូរបស់ប.ស.ស.ដោយឥគិតថ្លៃនិងទទួលបានប្រាក់វិភាជន៍បូជាសព (ក្នុងករណីមានជំងឺ ឬគ្រោះថ្នាក់រហូតដល់បាត់បង់ជីវិត)៕

អត្ថបទ៖សំអឿន