ព័ត៌មានជាតិ
អ្នកនាំពាក្យអប់រំ ៖ បុណ្យចូលឆ្នាំចិនឆ្នាំនេះ មានសិស្សមករៀនយ៉ាងច្រើនលើសលប់ជាងឆ្នាំមុនៗ
លោក ស្រី ឃួន វិច្ឆិកា អ្នកនាំពាក្យប្រសួងអប់រំយុវជននិងកីឡាបានមានប្រសាសន៍នៅរសៀលថ្ងៃទី១២កុម្ភៈនេះថា នៅក្នុងពិធីបុណ្យចូលប្រពៃណីឆ្នាំចិនវៀតណាមឆ្នាំនេះមានសិស្សានុសិស្សមករៀនយ៉ាងច្រើនលើសលប់រហូតដល់ទៅជិត១០០ភាគរយខ្ពស់ជាងឆ្នាំមុនៗ។
លោកស្រីបានបន្តថា ការដែលសិស្សមករៀនច្រើនលើសលប់នេះដោយសារការខិតខំប្រឹងប្រែងរបស់គណៈគ្រប់គ្រងសាលារៀន និងលោកគ្រូអ្នកគ្រូពិសេសមានការចូលរួមពីមាតាបិតាផ្ទាល់។
លោកស្រីបានបន្តទៀតថា «យោងតាមរបាយការណ៍របស់មន្ទីរអប់រំ យុវជន និងកីឡារាជធានីភ្នំពេញសិស្សមានវត្តមានចំនួន ៩៩.៩៣ ភាគរយ ដែលបញ្ជាក់ពីដំណើរការតាមប្រក្រតីរបស់សាលារៀនគ្រប់កម្រិតនៅគ្រប់ខណ្ឌទាំង១៤ នៃរាជធានីភ្នំពេញ»។
លោកស្រីបានបន្ថែមថា ការដែលសិស្សមករៀនច្រើនលើសលប់នេះមកពីសិស្ស អាណាព្យាបាលសិស្សនិងលោកគ្រូអ្នកគ្រូបានយល់ដឹងពីការផ្សព្វផ្សាយរបស់ក្រសួងក៏ដូចជាមន្ទីរអប់រំរាជធានីភ្នំពេញថាបុណ្យចូលឆ្នាំចិនមិនមែនជាបុណ្យប្រពៃណីរបស់ខ្មែរនិងមិនមាននៅក្នុងប្រតិទិននៃថ្ងៃឈប់សម្រាកប្រចាំឆ្នាំរបស់រាជរដ្ឋាភិបាលដែរ។
លោកស្រីបានបញ្ជាក់ថា ក្រៅពីចំណុចខាងលើ លទ្ធផលនេះក៏បញ្ជាក់ពីការខិតខំប្រឹងប្រែងរបស់គណៈគ្រប់គ្រងសាលារៀន និងលោកគ្រូអ្នកគ្រូ។ រីឯមាតាបិតាក៏មើលឃើញពីសារៈសំខាន់នៃការសិក្សា ពិសេសការពង្រឹងការគុណភាពអប់រំដែលទាមទារចាំបាច់ការចូលរួមពីគ្រប់ភាគីពាក់ព័ន្ធ។
លោក ហែម ស៊ីណារ៉េត ប្រធានមន្ទីរអប់រំយុវជននិងកីឡា រាជធានីភ្នំពេញបានមានប្រសាសន៍នៅព្រឹកថ្ងៃទី១២កុម្ភៈនេះថាមុនពិធីបុណ្យចូលឆ្នាំចិនមកដល់មន្ទីរតែងតែរៀបចំកិច្ចប្រជុំជាមួយនាយកសាលានៅរាជធានីភ្នំពេញដើម្បីណែនាំឱ្យសាលានីមួយៗធ្វើការប្រជុំផ្សព្វផ្សាយដល់សិស្សនិងគ្រូឱ្យបានយល់ច្បាស់ពិសេសនៅពេលម៉ោងគោរពទង់ជាតិថាបុណ្យចូលឆ្នាំចិននេះមិនមែនជាថ្ងៃឈប់សម្រាករបស់ខ្មែរយើងទេ។ ដូចនេះលោកគ្រូអ្នកគ្រូត្រូវមកបង្រៀន និងសិស្សានុសិស្សត្រូវមករៀនដូចថ្ងៃធម្មតា។
លោកបានបន្ថែមទៀតថា បុណ្យចូលឆ្នាំចិនឆ្នាំនេះមន្ទីរមិនបានបង្កើតគណៈកម្មការឃ្លាំមើលតាមសាលានៅរាជធានីភ្នំពេញដូចឆ្នាំមុនទេ ដោយឱ្យតាមសាលានានាមានភាពម្ចាស់ការក្នុងការគ្រប់គ្រងការបង្រៀននិងរៀនរៀងៗខ្លួន។ ប៉ុន្តែគណៈគ្រប់គ្រងសាលាទាំងអស់ត្រូវរាយការណ៍តាមគ្រុបតេឡេក្រាម២ដងក្នុង១ថ្ងៃ គឺពេលព្រឹកនិងពេលរសៀលមកមន្ទីរដើម្បីគ្រប់គ្រងវត្តមានគ្រូនិងសិស្សឱ្យបានល្អ៕
អត្ថបទ ៖ សំអឿន
ប្រជាពលរដ្ឋ សហជីព និងកម្មករ ថ្កោលទោសទណ្ឌិត សម រង្ស៊ី ដែលអំពាវនាវឱ្យមានការងើបបះបោរប្រឆាំងនឹងរាជរដ្ឋាភិបាលស្របច្បាប់
អ៊ីស្រាអែលបើកការវាយឆ្មក់យ៉ាងសាហាវទៅលើជំរុំជនភៀសខ្លួន Jenin ក្នុងតំបន់ West Bank
តួកគីចាប់ខ្លួនម្ចាស់សណ្ឋាគារ និងអ្នកពាក់ព័ន្ធ ខណៈកំហឹងសាធារណៈផ្ទុះឡើងខ្លាំង
ជប៉ុនផ្ដល់ជំនួយជាង៥លានដុល្លារ ដើម្បីគាំទ្រលិទ្ធិប្រជាធិបតេយ្យនៅកម្ពុជា
លោក Yoon ចូលពេទ្យយោធា ក្រោយចេញពីសវនាការតុលាការធម្មនុញ្ញ
ក្រោយភ្លើងឆេះដ៏សាហាវបំផុត រដ្ឋកាលីហ្វ័រញ៉ា នឹងជួបព្យុះភ្លៀងនាំសារធាតុពុលម្តង
យោធាមីយ៉ាន់ម៉ាបណ្ដេញមនុស្ស ៥៦០០០នាក់ចេញ ភាគច្រើនបំផុតជាជនជាតិចិន ពាក់ព័ន្ធការបោកប្រាស់តាមអ៊ីនធឺណិត
អគ្គិភ័យឆេះសណ្ឋាគារសាហាវបំផុតក្នុងប្រវត្តិសាស្រ្តតួកគី, មនុស្សស្លាប់កើនដល់ ៧៦នាក់
ត្រាំ ចេញបញ្ជាដាក់ទោសប្រហារជីវិត អ្នកណាសម្លាប់មន្ត្រី និងជនអន្តោប្រវេសន៍ដែលប្រព្រឹត្តអំពើឧក្រិដ្ឋកម្ម
ត្រាំ៖ អាមេរិកនឹងដាក់ទណ្ឌកម្មរុស្ស៊ីបន្ថែមទៀត បើ ពូទីន មិនព្រមចូលតុចរចាសន្តិភាព
-
ចរាចរណ៍២ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានអន្ដរជាតិ៥ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
សន្តិសុខសង្គម២ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
កីឡា៦ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៥ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ៦ ថ្ងៃ agoឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ចរាចរណ៍៣ ថ្ងៃ agoសង្ស័យស្រវឹង បើករថយន្តបុកម៉ូតូពីក្រោយរបួសស្រាលម្នាក់ រួចគេចទៅបុកម៉ូតូ ១ គ្រឿងទៀត ស្លាប់មនុស្សម្នាក់
-
ព័ត៌មានជាតិ៦ ថ្ងៃ agoអ្នកតាមដាន៖មិនបាច់ឆ្ងល់ច្រើនទេ មេប៉ូលីសថៃបង្ហាញហើយថាឃាតកម្មលោក លិម គិមយ៉ា ជាទំនាស់បុគ្គល មិនមានពាក់ព័ន្ធនយោបាយកម្ពុជាឡើយ