Connect with us

ព័ត៌មានជាតិ

ជិតប្រមូលផល! កសិករដាំឆៃថាវមួយរូប បង្ហាញការព្រួយបារម្ភពីបញ្ហាទីផ្សារលក់ចេញ

បានផុស

នៅ

កសិករដាំឆៃថាវមួយរូប នៅស្រុកបសេដ្ឋ ខេត្តកំពង់ស្ពឺ កំពុងព្រួយបារម្ភពីបញ្ហាទីផ្សារលក់ចេញផលិតផលកសិកម្មរបស់ខ្លួន ខណៈការប្រមូលផល នឹងឈានចូលមកដល់ឆាប់ៗនេះ។

ធ្លាប់ជានិស្សិត ជំនាញ ក្សេតសាស្រ្ដ នៃសាកលវិទ្យាល័យភូមិន្ទកសិកម្ម យុវជន ប្រាយ រ៉ាវុធ បច្ចុប្បន្ន​ជា​ម្ចាស់ចំការឆៃថាវ ស្ថិតនៅភូមិ សំរោងពងទឹក ឃុំ ភារីមានជ័យ ស្រុក បសេដ្ឋ ខេត្តកំពង់ស្ពឺ។

លោកបានប្រាប់កម្ពុជាថ្មីថា បន្ទាប់ពីបានបញ្ចប់ការសិក្សាបរិញ្ញាបត្រខាងកសិកម្ម រួមមក លោក ជ្រើសរើសចាប់យកមុខរបរជាកសិករដាំ បន្លែឆៃថាវ ស្ពៃ និងត្រឡាច សណ្ដែកកួរ ទៅតាមរដូវកាលនីមួយៗ ក្នុងស្រុកកំណើតរបស់ខ្លួន។ រ៉ាវុធ បានប្រាប់បន្តថា នាពេលខាងមុខនេះ លោកនឹងត្រៀមប្រមូលទិន្នផលឆៃថាវ ប្រមាណជាង ២០តោន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យុវជន ប្រាយ រ៉ាវុធ បានបន្ថែមទៀតថា សម្រាប់ការដាំឆៃថាវ របស់លោកក្នុងមួយឆ្នាំៗ គឺទទួលបានទិន្នផលល្អណាស់ តែអ្វីដែលជាឧបសគ្គធំបំផុតនោះ គឺទីផ្សារលក់ចេញ ដែលឆ្នាំទៅមុន ឆៃថាវរបស់លោក លក់ចេញទៅកាន់ទីផ្សារក្នុងតម្លៃមិនទៀងទាត់ នោះទេ។

យុវជនរូបនេះ បានអះអាងថា «នៅចំពេលរដូវសម្បូរ ឆៃថាវក៏ធ្លាក់ថ្លៃមកនៅត្រឹម ១គីឡូ ៤០០រៀល ចំណែកពេលមិនសូវសម្បូវវិញ បានថ្លៃគួរសម ដោយក្នុង ១គីឡូ តម្លៃ ១៣០០រៀល ទៅតាមតម្រូវការទីផ្សារតែប៉ុណ្ណោះ»។

ក្នុងនាមជាកសិករមួយរូប យុវជន ប្រាយ រ៉ាវុធ បានអំពាវនាដល់ប្រជាពលរដ្ឋខ្មែរ ជួយគាំទ្រផលិតផលក្នុងស្រុក មិនថាជាប្រភេទបន្លែ ផ្លែឈើ ឬត្រី សាច់ នោះទេ។ លោកថា ការដែលជួយគាំទ្រផលិតផលក្នុងស្រុកឱ្យបានច្រើន គឺជាចូលរួមលើកទឹកចិត្តប្រជាកសិករ និងជួយជំរុញសេដ្ឋកិច្ចជាតិ៕

អត្ថបទ ៖ សួស សិត

Helistar Cambodia - Helicopter Charter Services
Sokimex Investment Group
ព័ត៌មានជាតិ៩ នាទីutes មុន

ទីស្នាក់ការផ្ដល់សេវាអត្តសញ្ញាណប័ណ្ណ ផ្សារទំនើបអ៊ីអនម៉លមានជ័យ ត្រូវបានសម្ពោធដាក់ឱ្យដំណើរការជាផ្លូវការ

កីឡា១៩ នាទីutes មុន

កីឡាករ​ ធន់​ សាក់ស៊ីន​ ជិត​១,០០០​ដុល្លារ​ថ្ងៃ​នេះ​ជួយ​សម្រាល​ជីវភាព​បាន​ច្រើន​

នយោបាយ៤៧ នាទីutes មុន

Breaking News! អ្នកនាំពាក្យ៖ លោក សម សេរី នឹងត្រូវលើកលែងទោសឆាប់ៗនេះ ក្រោមនយោបាយបង្រួបបង្រួមជាតិរបស់សម្តេចតេជោ

ព័ត៌មានអន្ដរជាតិ១ ម៉ោង មុន

Rubio៖ អាមេរិក​មិន​ចែក​ជំនួយ​មនុស្សធម៌​ច្រើន​ជាង​គេ​ទៀតទេ ទុក​ឲ្យ​ចិន​និង​ឥណ្ឌា​ជួយ​ខ្លះ

ព័ត៌មានជាតិ២ ម៉ោង មុន

លើសពីការធ្វើសង្ក្រាន្ត វិទ្យាល័យ ហ៊ុន សែន មណ្ឌលគិរី ឱ្យសិស្សកែច្នៃអ្វីថ្មីមកតាំងបង្ហាញ

Sokha Hotels

ព័ត៌មានពេញនិយម