កម្ពុជា មានតម្រូវការកម្លាំងពលកម្មជាង៣ម៉ឺនកន្លែងសម្រាប់បម្រើលើវិស័យធំៗចំនួន៣

កម្ពុជា មានតម្រូវការកម្លាំងពលកម្មប្រមាណជាង៣ម៉ឺនកន្លែង សម្រាប់បម្រើទៅលើវិស័យធំៗចំនួន៣ រួមមាន វិស័យឧស្សាហកម្ម សេវាកម្ម និងកសិកម្ម។

យោងតាមក្រសួងការងារ និងបណ្តុះបណ្តាលវិជ្ជាជីវៈ បានឱ្យដឹងថា បច្ចុប្បន្ននេះក្រសួងមានតម្រូវការកម្លាំងពលកម្មចំនួន ៣៥០៧៤កន្លែង សម្រាប់បម្រើទៅលើវិស័យធំៗចំនួន៣ក្នុងនោះ វិស័យឧស្សាហកម្មមានតម្រូវការច្រើនជាងគេ គឺមានចំនួន ១៩៩២៦កន្លែង វិស័យសេវាកម្មមានចំនួន ៤៦០០កន្លែង និងវិស័យកសិកម្មមានចំនួន ១០៥៤៨កន្លែង។

សម្រាប់នៅខេត្តរតនគីរី មានតម្រូវការផ្នែកកសិកម្មចំនួន៦៣៥០កន្លែង ខេត្តកំពង់ស្ពឺ មានតម្រូវការកម្លាំងពលកម្មផ្នែកឧស្សាហកម្ម៨៧៩៤កន្លែង ។ ខេត្តក្រចេះមានតម្រូវការផ្នែកកសិកម្ម៤០២៣កន្លែង។ ខេត្តកំពង់ឆ្នាំង មានតម្រូការផ្នែកឧស្សាហកម្មចំនួន ៤១៣៨កន្លែង។ រាជធានីភ្នំពេញមាន ៥២១៦កន្លែង ក្នុងនោះ ផ្នែកឧស្សាហកម្មចំនួន ២៨១០កន្លែង និងផ្នែកសេវាកម្មចំនួន២៤០៦កន្លែង។ ខេត្តពោធិ៍សាត់ មាន១២៨៥កន្លែងក្នុងនោះ វិស័យឧស្សាហកម្មមាន ១០៧១កន្លែង និងសេវាកម្មចំនួន ២១៤កន្លែង។ ខេត្តស្វាយរៀង មានចំនួន១៤៣៧កន្លែងក្នុងនោះ វិស័យឧស្សាហកម្មមាន ១៤០១កន្លែង និងសេវាកម្មចំនួន៣៦កន្លែង។ ខេត្តកោះកុងមាន ៦៤២កន្លែង ក្នុងនោះ វិស័យឧស្សាកម្មមាន ៥៨៨កន្លែង សេវាកម្មចំនួន ៥៤កន្លែង។ ខេត្តបន្ទាយ មានជ័យមាន ៧៩៩កន្លែង ក្នុងនោះ វិស័យឧស្សាកម្មមាន៥៧កន្លែង សេវាកម្មចំនួន ៧៣៨កន្លែង និងកសិកម្ម៤កន្លែង។ ខេត្តតាកែវ មាន៥៧៥កន្លែងក្នុងនោះ វិស័យឧស្សាហកម្មមាន ៥៥០កន្លែង និងសេវាកម្ម២៥កន្លែង និងខេត្តផ្សេងៗមាន១៨១៥កន្លែងក្នុងនោះ ឧស្សាហកម្មមាន៥១៧កន្លែង សេវាកម្ម១១២៧កន្លែង និងកសិកម្ម១៧១កន្លែង។

ក្រសួងការងារបានបន្តទៀតថា កម្លាំងពលកម្មជាង៣ម៉ឺនកន្លែង នឹងត្រូវបែងចែកទៅតាមប្រភេទមុខរបរចំនួន១០រួមមាន អ្នកបញ្ជាម៉ាស៊ីនដេរ មានចំនួន១២១១១កន្លែង កម្មករចំការដំណាំចំនួន១០៥២៣កន្លែង អ្នកបញ្ជាម៉ាស៊ីនធ្វើស្បែកជើង៥៦៩៨កន្លែង មន្ត្រីឥណទាន និងកម្ចីប្រាក់១៦០៦កន្លែងកម្មករក្នុងផលិតកម្ម៦០៦កន្លែង អ្នកការបារសន្តិសុខ ៣៩១កន្លែង វិជ្ជាជីវៈខាងការផ្សព្វផ្សាយនិងទីផ្សារ២៥៩កន្លែង អ្នកបម្រើ២៤៤កន្លែង អ្នកប្រមូលបំណុល និងអ្នកធ្វើការពាក់ព័ន្ធ២១៣កន្លែង អ្នកស៊ីសងនិងអ្នកធ្វើការខាងល្បែង១៩៩កន្លែងនិងមុខរបរផ្សេងៗ៣២២៤កន្លែង៕

អត្ថបទ៖ សំអឿន