ព័ត៌មានជាតិ

ចំថ្ងៃ ១៤ កុម្ភៈស្អែកនេះ មានរៀបចំដាក់តាំងនិងលក់បន្លែសុវត្ថិភាពមុខក្រសួងកសិកម្ម

បានផុស

១២ ខែ មុន

នៅ

ថ្ងៃអង្គារ ១៣ កុម្ភៈ ២០២៤

ដោយ

នៅថ្ងៃ១៤ កុម្ភៈ ឆ្នាំ២០២៤ ស្អែកនេះ ក្រសួងកសិកម្ម រុក្ខាប្រមាញ់ និងនេសាទ បានរៀបចំដាក់តាំងនិងលក់បន្លែសុវត្ថិភាពដាំដោយកសិករតាមសហគមន៍នានានាំយកដាក់លក់ជូនប្រជាពលរដ្ឋនៅទីតាំងខាងមុខក្រសួងកសិកម្ម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដើម្បីផ្តល់ជូនសេចក្ដីស្រឡាញ់ ផ្នែកសុខភាពដល់ប្រជាពលរដ្ឋខ្មែរ នៅទី១៤ ខែកុម្ភៈ ឆ្នាំ២០២៤ ស្អែកនេះ ដែលជាថ្ងៃបុណ្យទិវានៃក្តីស្រឡាញ់ ក្រសួងកសិកម្ម រុក្ខាប្រមាញ់ និងនេសាទ បានអនុញ្ញាតឱ្យមានការដាក់តាំងនិងលក់នូវបន្លែ អាហារសុវត្ថិភាពសរីរាង្គនៅទីតាំងខាងមុខក្រសួងកសិកម្មដោយផ្ទាល់។

ការរៀបចំតាំងលក់នូវបន្លែធម្មជាតិ និងអាហារសុវត្ថិភាពក្នុងគោលបំណងដើម្បីផ្ដល់ជូនសេចក្ដីស្រឡាញ់ ផ្នែកសុខភាពដល់ប្រជាពលរដ្ឋ តាមរយៈការគិតគូរលើសុវត្ថិភាពចំណីអាហារ និងជួយលើកស្ទួយផលិតផលរបស់ខ្មែរ។ បន្ថែមពីនេះ ក្រសួង ក៏បានលើកទឹកចិត្តដល់ប្រជាពលរដ្ឋទាំងអស់ ចូលរួមគាំទ្រផលិតផលរបស់ខ្មែរ ដែលជាស្នាដៃរបស់កូនខ្មែរ។

កាលឆ្នាំ២០២៣ កន្លងទៅ នៅថ្ងៃបុណ្យនៃសេចក្តីស្រឡាញ់នេះ ក្រសួងកសិកម្មក៏ធ្លាប់បានរៀបចំតាំងលក់នូវបន្លែធម្មជាតិ និងអាហារសុវត្ថិភាពប្រមាណជាង ៤០មុខ ដោយក្នុងនោះមានផលិតផលស្រស់មានប្រមាណជាង ២០ មុខ និងកែច្នៃមានប្រមាណជិត ២០មុខ សុទ្ធសឹងតែជាផលិតផលសុវត្ថិភាព ល្អសម្រាប់សុខភាព មិនមានសារធាតុគីមី៕