Connect with us

ព័ត៌មានជាតិ

រដ្ឋលេខាធិការប្រចាំការក្រសួងការពារជាតិ បាន ឈរជាបេក្ខជនរបស់ CPP សម្រាប់ការបោះឆ្នោតព្រឹទ្ធសភា

បានផុស

នៅ

ការបោះឆ្នោតជ្រើសតាំងសមាជិកព្រឹទ្ធសភា នីតិកាលទី៥ នឹងប្រព្រឹត្តទៅនៅថ្ងៃទី២៥ ខែកុម្ភៈ ឆ្នាំ២០២៤។ នាយឧត្តមសេនីយ៍ នាង ផាត ដែលបច្ចុប្បន្នមានតំណែងជារដ្ឋលេខាធិការប្រចាំការក្រសួងការពារជាតិ បានក្លាយជាបេក្ខជន១រូបក្នុងចំណោមបេក្ខជនពេញសិទ្ធិចំនួន៦រូប របស់គណបក្សប្រជាជនកម្ពុជា សម្រាប់ការបោះឆ្នោតព្រឹទ្ធសភានេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មណ្ឌលភូមិភាគទី៨ ដែលមានអាសនៈចំនួន៦ គឺគ្របដណ្ថប់លើខេត្តកំពង់ធំ ខេត្តព្រះវិហារ ក្រចេះ ស្ទឹងត្រែង រតនគិរី និងខេត្តមណ្ឌលគិរី។ លោក នាង ផាត ដែលជាសមាជិកគណៈកម្មាធិការកណ្ដាលគណបក្សប្រជាជនកម្ពុជា ត្រូវបានថ្នាក់ដឹកនាំចាត់តាំងឱ្យឈរឈ្មោះជាបេក្ខជនពេញសិទ្ធិលេខរៀងលើគេ នៅមណ្ឌលភូមិភាគទី៨ សម្រាប់ការបោះឆ្នោតជ្រើសតាំងសមាជិកព្រឹទ្ធសភា នីតិកាលថ្មីនេះ។ ការបោះឆ្នោតជ្រើសតាំងសមាជិកព្រឹទ្ធសភា ជាការបោះឆ្នោតអសកល ដែលមានសមាជិករដ្ឋសភា និងសមាជិកក្រុមប្រឹក្សាឃុំ-សង្កាត់ ក្នុងតំណែងជាអង្គបោះឆ្នោត។

បើតាមបញ្ជីឈ្មោះបេក្ខជន ចេញដោយគណៈកម្មាធិការជាតិរៀបចំការបោះឆ្នោត (គ.ជ.ប) ក្រៅពីលោក នាង ផាត នៅមណ្ឌលភូមិភាគទី៨នេះ គឺមានសមាជិកព្រឹទ្ធសភាក្នុងមុខតំណែងសព្វថ្ងៃចំនួន៣រូប បានបន្តឈរជាបេក្ខជនសម្រាប់នីតិកាលថ្មីនេះបន្តទៀត រួមមាន លោក មួង ប៉យ លោកស្រី ឃួន ឃុនឌី និងលោក ញ៉ែម សាម៉ន ខណៈលោក យស ផានីត្តា និងលោក សាន់ ឡាទីន ក៏ជាបេក្ខជនពេញសិទ្ធិដែរ។  

ក្នុងការបោះឆ្នោតជ្រើសតាំងសមាជិកព្រឹទ្ធសភា នីតិកាលទី៥ ឆ្នាំ២០២៤នេះ មានគណបក្សនយោបាយចំនួន៤ បានចុះឈ្មោះ និងដាក់បេក្ខជនចូលរួមប្រកួតប្រជែងដណ្ដើមកៅអីសមាជិកព្រឹទ្ធសភា ដែលក្នុងនោះ គណបក្សប្រជាជនកម្ពុជា ដែលជាគណបក្សកំពុងដឹកនាំរាជរដ្ឋាភិបាលបច្ចុប្បន្ន បានបន្តឈរឈ្មោះ និងដាក់បេក្ខជនសម្រាប់ការបោះឆ្នោតនេះនៅ ៨ភូមិភាគទូទាំងប្រទេស៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម២០ ម៉ោង មុន

ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ

ព័ត៌មានជាតិ១៧ ម៉ោង មុន

សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា

ព័ត៌មានអន្ដរជាតិ២៣ ម៉ោង មុន

របាយការណ៍​ចុងក្រោយ​បំផុត​អំពី​ការ​បំផ្លិចបំផ្លាញ និង​រង​គ្រោះ​ ព្រោះ​ការ​​រញ្ជួយ​ដី​នៅ​អាស៊ីអាគ្នេយ៍

ព័ត៌មានជាតិ១៥ ម៉ោង មុន

ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន

ព័ត៌មានជាតិ១៧ ម៉ោង មុន

ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ

Sokha Hotels

ព័ត៌មានពេញនិយម