ព័ត៌មានជាតិ
អាជ្ញាធរជាតិប្រយុទ្ធជំងឺអេដស៍៖ ស្រឡាញ់ពិត ថែជីវិតចាកពីមេរោគអេដស៍
អាជ្ញាធរជាតិប្រយុទ្ធនឹងជំងឺអេដស៍ បានអំពាវដល់យុវជននៅថ្ងៃទិវានៃក្តីស្រឡាញ់ ត្រូវចេះស្រឡាញ់ខ្លួនឯង និងប្រពៃណីទំនៀមទម្លាប់ខ្មែរ ដោយលើកឡើងថា៖”ស្រឡាញ់ពិត ថែជីវិតចាកពីមេរោគអេដស៍”។ នេះបើយោងតាមសេចក្តីអំពាវនាវរបស់អាជ្ញាធរជាតិប្រយុទ្ធនឹងជំងឺអេដស៍ នៅថ្ងៃទី១៣ ខែកុម្ភៈ ឆ្នាំ២០២៤។

អាជ្ញាធរជាតិប្រយុទ្ធនឹងជំងឺអេដស៍ បានឱ្យដឹងថា ជារៀងរាល់ឆ្នាំ ប្រជាពលរដ្ឋកម្ពុជាមួយចំនួន ជាពិសេស យុវវ័យបាននិយមយកថ្ងៃទី១៤ ខែកុម្ភៈ ជា“ទិវានៃក្ដីស្រឡាញ់” និងយកថ្ងៃនេះ បង្ហាញនូវមនោសញ្ចេតនាសេចក្តីស្នេហារហូតដល់អាចមានសកម្មភាពរួមភេទដែលប្រាសចាកនូវប្រពៃណី ទំនៀមទម្លាប់ខ្មែរ និងអាចប៉ះពាល់ដល់សុខភាពផ្ទាល់ខ្លួន។ អាជ្ញាធរជាតិប្រយុទ្ធនឹងជំងឺអេដស៍ ថែមទាំងបានបញ្ជាក់ទៀតថា គិតមកដល់ពេលបច្ចុប្បន្ននេះ ប្រជាជនគន្លឹះនៃការឆ្លងរីករាលដាលមេរោគអេដស៍នៅកំពុងបន្តកើតមាន ជាពិសេស ក្រុមយុវវ័យបុរសរួមភេទជាមួយបុរស។
តាមការប៉ាន់ប្រមាណនៅឆ្នាំ២០២៣ អ្នកផ្ទុកមេរោគអេដស៍មានចំនួនប្រមាណ ៧ ៦០០០នាក់ ក្នុងនោះ អ្នកឆ្លងមេរោគអេដស៍ថ្មីមានប្រមាណ ១ ៤០០នាក់ នៅក្នុងមួយឆ្នាំ ឬប្រមាណ ៤នាក់ នៅក្នុងមួយថ្ងៃ។ ក្នុងចំណោមអ្នកឆ្លងមេរោគអេដស៍ថ្មីប្រមាណ ៤២ភាគរយ គឺជាយុវវ័យដែលមានអាយុពី១៥-២៤ឆ្នាំ។
ជាមួយគ្នានេះ អាជ្ញាធរជាតិប្រយុទ្ធនឹងជំងឺអេដស៍ បានស្នើឱ្យយុវជនចេះប្រើប្រាស់“ទិវានៃក្តីស្រឡាញ់” ទៅជាការស្រឡាញ់ខ្លួនឯង ស្រឡាញ់គ្រួសារ ស្រឡាញ់បងប្អូន ស្រឡាញ់ញាតិមិត្ត ស្រឡាញ់ប្រទេសជាតិ ស្រឡាញ់វប្បធម៌ប្រពៃណីដូនតាខ្មែរដ៏ផូរផង់៕


-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២០ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ