Connect with us

ព័ត៌មានជាតិ

ឱកាសការងារជាង ១៤០ កន្លែង ពីក្រុមហ៊ុនធំៗ ចំនួន ៤ ក្នុងវេទិកាការងាររបស់ NEA

បានផុស

នៅ

វេទិកា​ការងារ និង​កម្មសិក្សា​ការងារ​ដែល​រៀបចំ​ឡើង​ដោយ​ទីភ្នាក់ងារ​ជាតិ​មុខរបរ និង​ការងារ នៃ​ក្រសួង​ការងារ និង​បណ្ដុះបណ្ដាល​វិជ្ជាជីវៈ សហការ​ជាមួយ ស​.​ស​.​យ​.​ក វិស័យ​ការងារ និង​បណ្ដុះបណ្ដាល​វិជ្ជាជីវៈ នៅ​ថ្ងៃ​ទី ១៥ ខែ​កុម្ភៈ ឆ្នាំ ២០២៤ ស្អែក​នេះ នឹង​មាន​ក្រុមហ៊ុន​ធំៗ ចំនួន ៤ ដោយ​ផ្តល់​ឱកាស​ការងារ​ចំនួន ១៤២ កន្លែង ដែល​ជា​ឱកាស​ល្អ​មួយ​សម្រាប់ សិស្ស​/​និស្សិត និង​អ្នក​កំពុង​ស្វែងរក​ការងារ​ធ្វើ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំពោះ​សិស្ស​/​និស្សិត និង​អ្នក​កំពុងតែ​ស្វែងរក​ការងារ​ធ្វើ ឬ​ចង់​ផ្លាស់ប្ដូរ​ការងារ អាច​យក​ប្រវត្តិរូប​សង្ខេប (CV) ដើម្បី​ចូលរួម​ដាក់ពាក្យ និង​សម្ភាស​ផ្ទាល់​ជាមួយ អ្នកតំណាង​ក្រុមហ៊ុន​ទាំង​នោះ​បាន ចាប់ពី​ម៉ោង ៨:០០ ព្រឹក ដល់​ម៉ោង ០៥:០០ ល្ងាច នៅ​ក្នុង​បរិវេណ​ក្រសួង​ការងារ និង​បណ្ដុះបណ្ដាល​វិជ្ជាជីវៈ។

ក្រុមហ៊ុន​ធំៗ ទាំង ៤ ក្នុង​នោះ​រួមមាន ៖ មីក្រូហិរញ្ញវត្ថុ JACCS, ក្រុមហ៊ុន KM ក្រុមហ៊ុន VATTAK BREWERY និង​ហាង​ម៉ា​ស្ទ័​រ ស៊ុ​គី​ស៊ុប។

កញ្ញា អ៊ឹ​ន ម៉ី​ស៊ាំ​ង បុគ្គលិក​ផ្នែក​ធនធាន​មនុស្ស មីក្រូហិរញ្ញវត្ថុ JACCS ពិតជា​សប្បាយរីករាយ​ណាស់​ក្នុង​ការ​សហការ​ជាមួយ​នឹង NEA ក្នុង​ការជួយ​ដល់​ស្ថាប័ន​យើង​ក្នុងការ​ជ្រើសរើស​បុគ្គលិក​។ ក្រោម​ការ​ជួយ​ជ្រោមជ្រែង​ពី NEA យើង​តែងតែ​ជ្រើសរើស​បុគ្គលិក​បាន​ទាន់ពេលវេលា និង​ស្របតាម​តម្រូវការ។ កញ្ញា បន្ថែម​ទៀត​ថា ទីតាំង NEA គឺជា​កន្លែង​ជួប​គ្នា​រវាង អ្នក​ស្វែងរក​ការងារ​ធ្វើ និង​ភាគី​និយោជក ដែល​មាន​ការ​សម្របសម្រួល​ពី​មន្ត្រី​បម្រើ​ការងារ​នៅ NEA។

កញ្ញា បញ្ជាក់​បន្ថែម​ទៀត​ថា ប្រសិន​ជា​សិស្ស-និស្សិត ឬ​អ្នក​មាន​បំណង​ចង់​ស្វែងរក​ការងារ​ធ្វើ សូម​កុំ​ភ្លេច NEA ដែល​ជា​មជ្ឈមណ្ឌល​ព័ត៌មាន​ការងារ​យ៉ាង​សំបូរ​បែប។ កញ្ញា ក៏​សូម​ថ្លែងអំណរគុណ​ដល់ NEA ដែល​តែងតែ​សម្របសម្រួល​ដល់​ស្ថាប័ន​ផ្សេងៗ ពិសេស​ខាង​ស្ថាប័ន JACCS ក្នុង​ការ​ជ្រើសរើស​បុគ្គលិក។ កញ្ញា បាន​អំពាវនាវ​ចំពោះ​យុវជន​ដែល​ពុំ​ទាន់​មាន​ការងារ​ធ្វើ ឬ​ចង់​ផ្លាស់ប្ដូរ​ការងារ សូម​តាមដាន page ឬ telegram របស់ NEA នោះ​នឹង​ទទួល​បាន​ព័ត៌មាន​ពី​ឱកាស​ការងារ​យ៉ាង​ច្រើន។

ព័ត៌មាន​បន្ថែម សូម​ទាក់ទង​មជ្ឈមណ្ឌល​ការងារ​រាជធានី​ភ្នំពេញ នៃ​ទីភ្នាក់ងារ​ជាតិ​មុខរបរ និង​ការងារ តាមរយៈ​លេខ​ទូរស័ព្ទ ០១៦ ៧៨៦ ៦៥៥ ឬ គេហទំព័រ www.nea.gov.kh និង ទំព័រ facebook neakhmer (​អិន​អ៊ី​អេ ខ្មែរ)៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម២០ ម៉ោង មុន

ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ

ព័ត៌មានជាតិ១៧ ម៉ោង មុន

សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា

ព័ត៌មានអន្ដរជាតិ២៣ ម៉ោង មុន

របាយការណ៍​ចុងក្រោយ​បំផុត​អំពី​ការ​បំផ្លិចបំផ្លាញ និង​រង​គ្រោះ​ ព្រោះ​ការ​​រញ្ជួយ​ដី​នៅ​អាស៊ីអាគ្នេយ៍

ព័ត៌មានជាតិ១៥ ម៉ោង មុន

ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន

ព័ត៌មានជាតិ១៧ ម៉ោង មុន

ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ

Sokha Hotels

ព័ត៌មានពេញនិយម