ព័ត៌មានជាតិ

មន្ទីរបរិស្ថានខេត្តកំពង់ធំ មានផែនការបណ្តុះកូនឈើឲ្យបាន ១០ ម៉ឺនដើម មានទាំងប្រភេទឈើកម្រមានតម្លៃ

បានផុស

៩ ខែ មុន

នៅ

ថ្ងៃព្រហស្បតិ៍ ១៥ កុម្ភៈ ២០២៤

ដោយ

ដើម្បីចូលរួមក្នុងយុទ្ធនាការ «ដាំដើមឈើយ៉ាងតិច ១លានដើម» របស់ក្រសួងបរិស្ថាន មន្ទីរបរិស្ថានខេត្តកំពង់ធំ ដែលដឹកនាំដោយលោក តុប កក្តដា មានផែនការបណ្តុះកូនឈើឲ្យបាន ១០ម៉ឺនក្នុងឆ្នាំ២០២៤ នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈហ្វេសប៊ុកផេករបស់លោកបណ្ឌិត សាម អ៉ីន រដ្ឋលេខាធិការក្រសួងបរិស្ថាន នៅព្រឹកថ្ងៃទី១៥ ខែកុម្ភៈ នេះ បានឲ្យដឹងថា បន្ទាប់ពីលោកបានចុះទៅដល់ទីតាំងផ្ទាល់នៃថ្នាលបណ្តុះកូនឈើដែលស្ថិតនៅស្នាក់ការឧទ្យានុរក្សព្រះអាទិត្យ និង អូរងាវ ស្ថិតក្នុងដែនជម្រកសត្វព្រៃព្រៃឡង់ នាខេត្តកំពង់ធំ ដើម្បីពិនិត្យមើល និងលើកទឹកចិត្តដល់ការខិតខំប្រឹងប្រែងរៀបចំថ្នាល និងបណ្តុះកូនឈើ បច្ចុប្បន្ននេះ មន្ទីរបរិស្ថានខេត្តកំពង់ធំ មានផែនការបណ្តុះកូនឈើចំនួន ១០ម៉ឺនដើម នៅទីតាំងចំនួន ៥ ក្នុងឆ្នាំ២០២៤ ដើម្បីចូលរួមក្នុងយុទ្ធនាការដាំដើមឈើយ៉ាងតិច១លានដើម។

លោកបណ្ឌិត បន្តទៀតថា ក្រៅពីការបណ្តុះកូនឈើប្រណិត ដូចជា ក្រញូង ធ្នង់ និងនាងនួន ហើយនោះ មន្ទីរបរិស្ថានខេត្តត ក៏មានការបណ្តុះកូនឈើរាំងចំនួន ២ម៉ឺនដើម សម្រាប់យកទៅដាំស្តារព្រៃលិចទឹកបឹងទន្លេសាប និងកូនឈើហូបផ្លែប្រមាណ ១ម៉ឺនដើមបន្ថែមទៀត សម្រាប់ប្រជាសហគមន៍យកទៅដាំតាមផ្ទះផងដែរ៕