ព័ត៌មានជាតិ
ត្រឹម ៣ ខែ មានយុវជនក្រីក្រ និងងាយរងហានិភ័យ ជិត ៣ ម៉ឺននាក់ ចុះឈ្មោះចូលរៀនជំនាញវិជ្ជាជីវៈ ដោយឥតគិតថ្លៃ
គិតត្រឹម ៣ ខែនេះ មានយុវជនមកពីគ្រួសារក្រីក្រ និងគ្រួសារងាយរងហានិភ័យប្រមាណជិត ៣ ម៉ឺននាក់ បានចុះឈ្មោះរៀនជំនាញវិជ្ជាជីវៈដោយឥតគិតថ្លៃ ក្នុងនោះមានសិក្ខាកាមចូលរៀនជំនាញជាង ១២ ០០០ នាក់។
លោក កត្តា អ៊ន រដ្ឋលេខាធិការ និងជាអ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈ បានមានប្រសាសន៍នៅព្រឹកថ្ងៃទី ១៥ កុម្ភៈ នេះថា ចាប់ពីថ្ងៃទី ១៤ ខែវិច្ឆិកា ឆ្នាំ ២០២៣ រហូតមកដល់ថ្ងៃទី ១៣ ខែកុម្ភៈ ឆ្នាំ ២០២៤ នេះ កម្មវិធីបណ្ដុះបណ្ដាលជំនាញវិជ្ជាជីវៈ និងបច្ចេកទេសដល់យុវជនមកពីគ្រួសារក្រីក្រ និងគ្រួសារងាយរងហានិភ័យ ១ លាន ៥ សែននាក់ របស់រាជរដ្ឋាភិបាល មានយុវជនចុះឈ្មោះចូលរៀនជំនាញសរុបចំនួន ២៧ ២៨២ នាក់ (ស្រី ៩ ៤៣៦ នាក់) ក្នុងនោះ រាជធានីភ្នំពេញ ចំនួន ១០ ១៥៧ នាក់ (ស្រី ៣ ៣៦១ នាក់), ខេត្តបាត់ដំបង ចំនួន ៣ ៣៧៧ នាក់ (ស្រី ១ ៤៣៣ នាក់), ខេត្តសៀមរាបចំនួន ១ ៩៣២ នាក់ (ស្រី ៥២៦ នាក់), ខេត្តព្រះសីហនុចំនួន ១ ០៧៩ នាក់ (ស្រី ៣៧៨ នាក់), ខេត្តកណ្ដាល ចំនួន ៩៧៣ នាក់ (ស្រី ២៤៦ នាក់), និងបណ្ដាខេត្តផ្សេងៗ ចំនួន ៩ ៧៦៤ នាក់ (ស្រី ៣ ៤៩២ នាក់)។
ក្នុងនោះសិក្សាទៅលើវិស័យសំណង់សរុបចំនួន ៤ ៣៥៧ នាក់ (ស្រី ៦៦៤ នាក់), អគ្គិសនី និងថាមពល ៥៣៧ នាក់ (ស្រី ៥២ នាក់), អេឡិចត្រូនិក ៤៧៦ នាក់ (ស្រី ៨៩ នាក់), កម្មន្តសាល ២២៦ នាក់ (ស្រី ៣២ នាក់), មេកានិចទូទៅ/មេកានិចរថយន្ត ៤ ១៦១ នាក់ (ស្រី ១៦៣ នាក់), ធុរកិច្ច និងព័ត៌មានវិទ្យា ៨ ៦៩២ នាក់ (ស្រី ៤ ៥៧៧ នាក់) , សេវាកម្ម ១ ៦០៩ នាក់ (ស្រី ១ ៣៣២ នាក់), បរិក្ខារត្រជាក់ និងកម្តៅ ៤ ១៦០ នាក់ (ស្រី ១៣២ នាក់), ទេសចរ ១ ៧៩៦ នាក់ (ស្រី ១ ៣៩២ នាក់), និងកសិកម្ម និង កសិ-ឧស្សាហកម្ម ១ ២៦៨ នាក់ (ស្រី ១ ០០២ នាក់)។
លោកបានបន្តថា ក្រសួង បានចាប់ផ្ដើមបើកវគ្គបណ្ដុះបណ្ដាលនៅថ្ងៃទី ១៥ ខែមករា ឆ្នាំ ២០២៤ ដោយបើកបានចំនួន ៥៤៦ ថ្នាក់ ក្នុងនោះវិស័យសំណង់ ១២៥ ថ្នាក់ អគ្គិសនី និងថាមពល ៨ ថ្នាក់, អេឡិចត្រូនិកចំនួន ១៩ ថ្នាក់, កម្មន្តសាលចំនួន ២២ ថ្នាក់, មេកានិកទូទៅ/មេកានិករថយន្ត ចំនួន ៨៥ ថ្នាក់, ធុរកិច្ច និងព័ត៌មានវិទ្យា ១១៩ ថ្នាក់, សេវាកម្មចំនួន ៣៥ ថ្នាក់, បរិក្ខារត្រជាក់ និងកម្តៅ ចំនួន ៦៦ ថ្នាក់ ទេសចរណ៍ចំនួន ៤១ ថ្នាក់, និង កសិកម្ម និងកសិ-ឧស្សាហកម្ម ចំនួន ២៦ ថ្នាក់ ដែលមានសិស្សចូលរៀនសរុប ១២ ៤០៣ នាក់ (ស្រី ៤ ២៨៦ នាក់) សិស្សមានប័ណ្ណសមធម៌សរុបចំនួន ៥ ៦៨៨ នាក់ (ស្រី ២ ៣៤៤ នាក់)។
យ៉ាងណាក៏ដោយ លោកបានបញ្ជាក់ថា ក្រសួង នៅតែបន្តចុះយុទ្ធនាការផ្សព្វផ្សាយតាម សង្កាត់ និងតាមខ្នងផ្ទះ នៃគ្រួសារក្រីក្រ និងគ្រួសារងាយរងហានិភ័យ ដែលមកដល់ថ្ងៃទី ១៣ កុម្ភៈ ឆ្នាំ ២០២៤ ចុះបានចំនួន ៧៣១ លើក មានអ្នកចូលរួមសរុប ៧៧ ០៩០ នាក់។
លោកបានបន្ថែមថា ការចុះឈ្មោះសិក្សាជំនាញវិជ្ជាជីវៈនេះមិនគិតថ្លៃទេចំពោះយុវជនមកពីគ្រួសារ ក្រីក្រ និងគ្រួសារងាយរងហានិភ័យ មិនត្រឹមទទួលបានការចុះឈ្មោះ និងសិក្សាដោយឥតគិតថ្លៃប៉ុណ្ណោះទេ ថែមទាំងទទួលបានប្រាក់ឧបត្ថម្ភ ២៨ ម៉ឺនរៀល ពីរាជរដ្ឋាភិបាល ពេលកំពុងសិក្សារយៈពេល ៤ ខែ ផងដែរ។ រីឯយុវជនមកពីសេដ្ឋកិច្ចក្រៅ និងក្រៅប្រព័ន្ធ ឬ កម្មករ-និយោជិត ដែលមានបំណងចង់សិក្សាជំនាញបន្ថែម ក៏អាចចុះឈ្មោះ និងរៀនដោយឥតគិតថ្លៃដែរ។ ប៉ុន្តែមិនទទួលបានប្រាក់ឧបត្ថម្ភដូចយុវជនមកពីគ្រួសារក្រីក្រ និងគ្រួសារងាយរងហានិភ័យនោះទេ។
លោក កត្តា អ៊ន បានអំពាវនាវដល់យុវជនមកពីគ្រួសារក្រីក្រ និងគ្រួសារងាយរងហានិភ័យ និងយុវជនទូទៅ អញ្ជើញមកចុះឈ្មោះចូលរៀនជំនាញវិជ្ជាជីវៈនេះឱ្យបានច្រើនបន្ថែមទៀត ដើម្បីទទួលបានជំនាញមួយច្បាស់លាស់សម្រាប់ចិញ្ចឹមជីវិតខ្លួនឯង និងក្រុមគ្រួសារកាន់តែរីកចម្រើន៕
អត្ថបទ ៖ សំអឿន
បណ្ណាល័យគំនិតផ្ដល់សម្ភារៈសិក្សា និងអាហារសាមគ្គីដល់កុមារសាលាបឋមសិក្សាមួយក្នុងខេត្តពោធិ៍សាត់
ការរំលឹកខួបនៃសន្តិភាពនៅកម្ពុជា គឺដើម្បីរំលឹកពីស្នាដៃ បំផុសក្តីស្រឡាញ់ និងបណ្តុះចិត្តស្អប់ខ្ពើមសង្រ្គាមដល់ពលរដ្ឋកម្ពុជា
ពិធីក្រុងពាលីមុនបើកព្រឹត្តិការណ៍បាល់ទាត់អបអរសាទរទិវាសន្តិភាពនៅកម្ពុជា ដែលគ្រោងមានអ្នកចូលទស្សនា ៥ម៉ឺននាក់
ធ្លាក់យន្តហោះនៅកូរ៉េខាងត្បូងព្រឹកមិញ ក្នុងនោះក៏មានថៃ២នាក់ដែរ
មេបញ្ជាការអវុធហត្ថខេត្តតាកែវ បញ្ជាឱ្យកងកម្លាំងទូទាំងខេត្តទប់ស្កាត់ និងបង្ក្រាបឱ្យអស់រាល់សកម្មភាពក្មេងទំនេីង
សមត្ថកិច្ចរៀបចំសំណុំរឿងផ្ទុះរថយន្តស្តារិចនៅខេត្តព្រៃវែង ដើម្បីឱ្យជនរងគ្រោះទទួលបានសំណងតាមច្បាប់ និងបញ្ជូនអ្នកបំផ្ទុះអាវុធមកអគ្គស្នងការ
ធ្លាក់យន្តហោះនៅកូរ៉េខាងត្បូងព្រឹកមិញ ក្នុងនោះក៏មានថៃ២នាក់ដែរ
NBC បញ្ជាក់សារជាថ្មីថា៖ ទ្រព្យសកម្មគ្រីបតូមួយចំនួនត្រូវបានធនាគារជាតិនៃកម្ពុជាអនុញ្ញាតិឱ្យធ្វើប្រតិបត្តិការ
ធ្លាក់យន្តហោះនៅកូរ៉េខាងត្បូង សម្លាប់អ្នកដំណើរ ២៣ នាក់ ខណៈដឹកមនុស្សសរុប ១៨១ នាក់
តារាសម្តែងស្រី នី មុន្នីនាថ បង្ហាញក្តីបារម្ភ ខណ:ការបរិច្ចាគឈាមមកកាន់មូលនិធិឈាមនាង ជួបការខ្វះខាត
-
សន្តិសុខសង្គម៤ ថ្ងៃ agoដកហូតសំបក និងពោះវៀនកង់ម៉ូតូសរុបជាង១២០០០ ដែលរំលោភកម្មសិទ្ធិនាំចូល
-
សន្តិសុខសង្គម៥ ថ្ងៃ agoUpdate៖ ជនដៃដល់ដែលវាយសម្លាប់ស្ត្រីលក់ភេសជ្ជៈនៅស្តុប២០០៤ ទៅលោតទឹកសម្លាប់ខ្លួននៅស្ពានជ្រោយចង្វារ
-
សន្តិសុខសង្គម៣ ថ្ងៃ agoស្នងការរាជធានី កោះហៅមន្ត្រីនគរបាលចរាចរណ៍៣នាក់មកសួរនាំ ជុំវិញការចោទប្រកាន់ពីបុរសម្នាក់
-
ចរាចរណ៍៤ ថ្ងៃ agoអ្នកដឹកជញ្ជូនម្ហូបអាហារម្នាក់ត្រូវរថយន្ដបុកស្លាប់ពេលជិះឆ្លងផ្លូវ
-
ព័ត៌មានជាតិ៥ ថ្ងៃ agoក្រសួងយុត្តិធម៌ ផ្ទេរសំណុំរឿងព្រហ្មទណ្ឌលើលោក ផាត់ ហ៊ន ពីសាលាដំបូងខេត្តកំពង់ចាម ឱ្យមកសាលាដំបូងរាជធានីចាត់ការ
-
ព័ត៌មានអន្ដរជាតិ៦ ថ្ងៃ agoបាក់ស្ពាននៅប្រេស៊ីល ធ្លាក់រថយន្តផ្ទុកអាស៊ីដស៊ុលផួរិច លេចធ្លាយសារធាតុគីមីពេញទន្លេ
-
ព័ត៌មានអន្ដរជាតិ៦ ថ្ងៃ agoរន្ធត់! មួយគ្រួសារមានសមាជិក ១០នាក់ ស្លាប់ទាំងអស់ ក្នុងហេតុការណ៍ធ្លាក់យន្តហោះនៅ ប្រេស៊ីល
-
សន្តិសុខសង្គម៥ ថ្ងៃ agoករណីកាប់ប្រហារជនរងគ្រោះនៅស្រុកបាទី នគរបាលព្រហ្មទណ្ឌស្រាវជ្រាវចាប់បាន៣នាក់ ខណៈបក្ខពួកផ្សេងទៀតកំពុងគេចខ្លួន