ព័ត៌មានជាតិ
អភិបាលខេត្តកំពត ជំរុញអាជ្ញាធរ មន្ទីរអង្គភាពជំនាញ ផ្សព្វផ្សាយសមិទ្ធផល និងសក្ដានុពលវិស័យទេសចរណ៍ ឱ្យបានផុសផុល
កាលពីថ្ងៃទី ១៤ ខែកុម្ភៈ ឆ្នាំ ២០២៤ លោក ម៉ៅ ធនិន អភិបាលខេត្តកំពត បានមានប្រសាសន៍ថា វិស័យទេសចរណ៍សំខាន់ណាស់សម្រាប់ជួយទ្រទ្រង់សេដ្ឋកិច្ចពលរដ្ឋ និងសេដ្ឋកិច្ចជាតិ ហើយដើម្បីចូលរួមជំរុញវិស័យនេះ រីកចម្រើន និងមានឈ្មោះបោះសំឡេងទៅកាន់ឆាកអន្តរជាតិបាននោះ អាជ្ញាធរ មន្ត្រីជំនាញពាក់ព័ន្ធ មន្ទីរអង្គភាព ទាំងអស់ ត្រូវចូលរួមផ្សព្វផ្សាយឱ្យបានល្អ និងផុសផុល។

លោក ម៉ៅ ធនិន អភិបាលខេត្តកំពត ក៏បានចាត់ទុកថា រាល់ការងារ និងសមិទ្ធផលផ្សេងៗ បើគ្មានការផ្សព្វផ្សាយទេ គឺតម្លៃស្មើនឹងសូន្យ អត់ន័យខ្លឹមសារ។

មានប្រសាសន៍នៅក្នុងកិច្ចប្រជុំសាមញ្ញលើកទី ៥៧ របស់ក្រុមប្រឹក្សាខេត្តអាណត្តិទី ៣ ដែលធ្វើឡើងក្រោមអធិបតីភាព លោក ញ៉ូវ សាឯម ប្រធានក្រុមប្រឹក្សាខេត្តកំពត លោក ម៉ៅ ធនិន អភិបាលខេត្តកំពត បានលើកឡើងថា ក្នុងភូមិសាស្ត្រខេត្តកំពតមានភាពល្អប្រសើរ ទាំងភូមិសាស្ត្ររដ្ឋបាល ភូមិសាស្ត្រសន្តិសុខ និងភូមិសាស្ត្រនយោបាយ ធ្វើឱ្យខេត្តទាំងមូល មានលទ្ធភាពគ្រប់គ្រាន់ក្នុងការអភិវឌ្ឍមូលដ្ឋានបានល្អប្រសើរ។

លោក បានបន្តថា ខេត្តកំពតមាន សក្តានុពលខ្លាំងលើវិស័យទេសចរណ៍ (ផ្នែកខាងលើមានភ្នំ កណ្តាលមានវាលទំនាម មានដៃព្រែក ខាងក្រោមមានតំបន់ឆ្នេរសមុទ្រ ) ដោយសារបែបនេះហើយ ទើបធ្វើឱ្យ ខេត្តកំពត មានភាពទាក់ទាញទេសចរជាតិ និងអន្តរជាតិ។ ផ្ទុយទៅវិញ ដើម្បីឱ្យវិស័យទេសចរណ៍កាន់តែមានកេរ្តិ៍ឈ្មោះបោះសំឡេងនៅលើកឆាកជាតិ និងអន្តរជាតិនោះ ត្រូវទាមទារឱ្យអាជ្ញាធរ មន្ទីរអង្គភាព ផ្សព្វផ្សាយសមិទ្ធផល និងសក្ដានុពលលើវិស័យទេសចរណ៍នៅតាមមូលដ្ឋានរបស់ខ្លួន ឱ្យបានល្អ និងផុលផុស ផងដែរ។

ជាមួយគ្នានេះដែរ លោក ម៉ៅ ធនិន ក៏បានលើកឡើងថា ខេត្តកំពតគឺជាខេត្តគោលដៅទេសចរណ៍ដ៏ទាក់ទាញ ជាខេត្តតារារះទិសនារតី នៃព្រះរាជាណាចក្រកម្ពុជា និងជាខេត្តមួយដែលបានទទួលពានរង្វាន់ទីក្រុងទេសចរណ៍ស្អាតអាស៊ាន ហើយរដ្ឋបាលខេត្ត នឹងធ្វើការដង្ហែពាននេះ នៅថ្ងៃស្អែក៕
អត្ថបទ ៖ សឹង រ៉ាត់


-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២០ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ