ព័ត៌មានជាតិ
ទំនប់បាសាក់គោលដៅថ្មីមួយទៀត ទាក់ទាញភ្ញៀវទេសចរមកលេងខេត្តបាត់ដំបង
ទំនប់ស្ទាក់ទឹកបាសាក់ ស្ថិតក្នុងភូមិកែវមុន្នី ឃុំបាសាក់ ស្រុករុក្ខគិរី ខេត្តបាត់ដំបង ដែលមានចម្ងាយពីទីរួមខេត្ត ៧៨ គ.ម ត្រូវបានបញ្ចូលជាតំបន់ទេសចរណ៍ធម្មជាតិកែច្នៃ ខណះដែលទំនប់មួយនេះបានកសាងឡើងតាំងឆ្នាំ ១៩៧៦។
បច្ចុប្បន្នទំនប់នេះបានប្រែមុខមាត់ថ្មីក្លាយជាកន្លែងកម្សាន្តដ៏ពេញនិយមរបស់ប្រជាពលរដ្ឋក្នុងខេត្តបាត់ដំបងមកលេងកម្សាន្តស្ទើររាល់ថ្ងៃ។
![](https://www.kampucheathmey.com/wp-content/uploads/2024/02/IMG_20240215_144025_252.jpg)
![](https://www.kampucheathmey.com/wp-content/uploads/2024/02/IMG_20240215_144029_657.jpg)
អនុប្រធានមន្ទីរទេសចរណ៍ខេត្តបាត់ដំបង លោក ហម អរុណ បានឲ្យដឹងថា ទំនប់បាសាក់ស្ថិតនៅក្រោមការគ្រប់គ្រងពីមន្ទីរធនធានទឹក។ ដោយសារទំនប់នេះក្រោយពីការស្ថាបនាថ្មី បានទាក់ទាញភ្ញៀវទេសចរក្នុងស្រុកសម្រុកទៅលេងជាហូហែរ ពិសេសនៅរាល់ថ្ងៃចុងសប្តាហ៍ទើបខាងមន្ទីរដាក់បញ្ចូលជាតំបន់ទេសចរណ៍។
លោកបន្តថា ក្រុមការងារក្រោយបានចុះវាយតម្លៃលើវិសាលភាពជុំវិញតំបន់នោះរួចមករកឃើញថា តំបន់នៅទំនប់មួយនេះមានសក្តានុពលច្រើនគួរសម ដែលខាងមន្ទីរទទួលយកដាក់បញ្ចូលជាតំបន់ទេសចរណ៍បន្ថែមទៀតសម្រាប់ខេត្តបាត់ដំបង។
បើតាមអាជ្ញាធរមូលដ្ឋាន បច្ចុប្បន្ននេះមានភ្ញៀវក្នុងស្រុកនាំគ្នាទៅលេងកម្សាន្តជាបន្តបន្ទាប់មិនថាថ្ងៃបុណ្យជាតិ គឺមានប្រជាពលរដ្ឋជិតឆ្ងាយមកលេងកម្សាន្តហើយអ្នកភូមិស្រុកដែលធ្លាប់លក់ដូរនៅតូបក៏លក់ដាច់ជាងពេលកន្លងទៅផងដែរ។
អ្នកស្រី ដួង វី អាជីវករលក់ដូរម្នាក់ក្នុងចំណោមជាច្រើនទៀតបានលើកឡើងថា កាលពីមុនអ្នកស្រីក៏ដូចជាអ្នកលក់ផ្សេងទៀតដែរ គឺមិនសូវដាច់ទេ។ អ្នកខ្លះក៏ឈប់លក់ហើយអ្នកស្រីក៏នៅតែលក់បន្តរហូតមកព្រោះគ្មានការងារធ្វើ ក្រៅពីធ្វើស្រែចម្ការតិចតូច។
អ្នកស្រីបន្តថា “បច្ចុប្បន្នលក់ដាច់គ្រាន់បើ ក្រោយពីគេអភិវឌ្ឍន៍សាងសង់ទំនប់ថ្មី មានអ្នកមកលេងមិនសូវដាច់ ចឹងបានលក់ដាច់បានគ្រាន់បើដែរ”។
![](https://www.kampucheathmey.com/wp-content/uploads/2024/02/IMG_20240215_144048_123.jpg)
លោក ហម អរុណ បានឲ្យដឹងថា ដើម្បីចូលរួមលើកកម្ពស់ថែរក្សាអនាម័យ ខាងអាជ្ញាធរក៏បានណែនាំដល់អ្នកលក់ដូរនិងភ្ញៀវមកលេងកម្សាន្តត្រូវវេចខ្ចប់កាកសំណល់ឲ្យបានរៀងៗខ្លួន ចៀសវាងចោលផ្តេសផ្តាសនៅជុំវិញតំបន់ទំនប់៕
អត្ថបទ៖ សៅ សារិទ្ធ
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៣ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ