ដំណើរ​នៃ​ការ​បង្កើត​សុភមង្គល​រយៈពេល១៥ឆ្នាំ​របស់​មិត្តហ្វូននៅកម្ពុជា

បន្ទាប់ពីរយៈពេលជិត៣ឆ្នាំនៃការសាងសង់ហេដ្ឋារចនាសម្ព័ន្ធ ការរៀបចំធនធាន និងការបង្កើតម៉ាកយីហោរបស់ខ្លួន មិត្តហ្វូន ត្រូវបានបើកដំណើរការជាផ្លូវការនៅថ្ងៃទី១៩ ខែកុម្ភៈ ឆ្នាំ២០០៩ នៅក្នុងប្រទេសកម្ពុជា។ អស់រយៈពេល១៥ឆ្នាំ ចាប់តាំងពីការចាប់ផ្តើមរបស់ខ្លួន មិត្តហ្វូន បានក្លាយជាអ្នកផ្តល់សេវាទូរគមនាគមន៍ឈានមុខគេ និងមានមោទនភាពនៅក្នុងដំណើររបស់ខ្លួនក្នុងការបម្រើ និងបង្កើតសុភមង្គលជូនប្រជាជនកម្ពុជា។

បណ្តាញទូរគមនាគមន៍កសាងលើសេចក្តីសុខដល់អ្នកប្រើប្រាស់នៅកម្ពុជា

ជាមួយនឹងហេដ្ឋារចនាសម្ព័ន្ធខ្សែកាបអុបទិកដ៏ធំទូលាយ មិត្តហ្វូន បានឈានជើងចូលក្នុងការពង្រីកការគ្របដណ្តប់ទៅកាន់តំបន់ដាច់ស្រយាល ដែលអាចឱ្យប្រជាជននៅតំបន់ក្រខ្សត់ តំបន់ព្រំដែន និងតំបន់កោះ អាចទទួលបាននូវសេវាទូរគមនាគមន៍ក្នុងតម្លៃសមរម្យ។ សមិទ្ធិផលនេះ បានចូលរួមចំណែកលើកកម្ពស់ស្ថានភាពសេវាទូរគមនាគមន៍នៅកម្ពុជា ស្របទៅនឹងប្រទេសដទៃទៀតក្នុងតំបន់ ដោយហេតុនេះ ជំរុញការអភិវឌ្ឍសេដ្ឋកិច្ចសង្គមផងដែរ។

ក្នុងរយៈពេលប៉ុន្មានឆ្នាំចុងក្រោយនេះ មិត្តហ្វូន បានចូលរួមវិភាគទានប្រមាណ ១៣០លានដុល្លារសហរដ្ឋអាមេរិកនៅក្នុងមួយឆ្នាំៗដល់ថវិការបស់រាជរដ្ឋាភិបាលកម្ពុជាដែលជាប់ចំណាត់ថ្នាក់ក្នុងចំណោមអ្នកបរិច្ចាគកំពូលទាំង៥។ មកទល់ពេល នេះ មិត្តហ្វូន បានចូលរួមចំណែកជាង ១ពាន់លានដុល្លារសហរដ្ឋអាមេរិក ដល់ថវិការបស់រាជរដ្ឋាភិបាលកម្ពុជា។ ថវិកាទាំងនេះ បានដើរតួនាទីយ៉ាងសំខាន់ក្នុងការកសាងហេដ្ឋារចនាសម្ព័ន្ធសង្គម និងផ្តល់ប្រយោជន៍ដោយផ្ទាល់ដល់ប្រទេស និងប្រជាជន។

លើសពីការរួមចំណែកផ្នែកសេដ្ឋកិច្ច មិត្តហ្វូន ជាសហគ្រាសអភិវឌ្ឍន៍ដ៏ទូលំទូលាយមួយ ដោយអនុវត្តកម្មវិធីសង្គមខ្នាតធំយ៉ាងខ្ជាប់ខ្ជួន ជាមួយនឹងការបរិច្ចាគសរុបចំនួន ១២០លានដុល្លារសហរដ្ឋអាមេរិកដល់សកម្មភាពសង្គម និងសប្បុរសធម៌ផ្សេងៗ ដូចជា ការថែទាំសុខភាព និងការអប់រំ ជាដើម។

លោក កៅ ម៉ាញ ដឹក (Cao Manh Duc) នាយកប្រតិបត្តិក្រុមហ៊ុន បានចែករំលែកថា៖ «សមិទ្ធិផលដ៏អស្ចារ្យបំផុត សូម្បីតែលើសពីលទ្ធផលអាជីវកម្ម គឺជាទំនុកចិត្តរបស់អតិថិជនរបស់ខ្លួន»។ លោក បន្តថា ដោយផ្តើមចេញពីទស្សនៈវិស័យ «ឱ្យមុន ទទួលក្រោយ» មិត្តហ្វូន បានក្លាយជាអ្នកផ្តល់សេវាទូរគមនាគមន៍ដ៏គួរឱ្យទុកចិត្តនៅកម្ពុជា។

ភាពខុសប្លែកគ្នារបស់មិត្តហ្វូន

មិត្តហ្វូននឹងបន្តដឹកនាំដំណើរផ្លាស់ប្តូរឌីជីថលនៅកម្ពុជា ការកសាងហេដ្ឋារចនាសម្ព័ន្ធឌីជីថល វេទិកា និងសេវាកម្ម ដើម្បីបង្កើតសង្គមឌីជីថល ជាមួយនឹងសសរស្តម្ភសំខាន់ៗចំនួនបួន៖ ទូរគមនាគមន៍ (ទូរស័ព្ទចល័ត និងអ៊ីនធឺណិតអចល័ត) ដំណោះស្រាយព័ត៌មានវិទ្យា ហិរញ្ញវត្ថុឌីជីថល និងសេវាកម្មឌីជីថល។

នាយកប្រតិបត្តិ កៅ ម៉ាញ ដឹក (Cao Manh Duc) បន្ថែមទៀតថា៖ ភាពជោគជ័យរបស់មិត្តហ្វូន ផ្តើមចេញពីវប្បធម៌សាជីវកម្មរបស់ខ្លួន។ បុគ្គលិករបស់មិត្តហ្វូនតែងតែ បង្ហាញនូវស្មារតីសកម្ម ការត្រៀមខ្លួន ដើម្បីប្រឈមមុខនឹងបញ្ហាប្រឈម ហើយលើសពីនេះទៅទៀត គឺស្មារតីក្រុមដ៏រឹងមាំ។

ជាលទ្ធផល ក្រុមហ៊ុនទាំងមូលដំណើរការដោយអាកប្បកិរិយាម៉ឺងម៉ាត់ ដោយអនុវត្តតាមជំហានចំនួនប្រាំ៖ ការកំណត់បញ្ហា ការយល់ដឹងពីមូលហេតុឫសគល់ សំណើដំណោះស្រាយ ការរៀបចំការអនុវត្ត ការត្រួតពិនិត្យ និងការគ្រប់គ្រង។ភាពម៉ឺងម៉ាត់នេះ តាំងពីថ្នាក់លើដល់ក្រោម ជំរុញឱ្យមានការរួបរួម និងភាពស្អិតរមួត ហើយជា “កូដហ្សែន” ដែលរក្សាទុកដោយមិត្តហ្វូន។

នាយកប្រតិបត្តិក្រុមហ៊ុនមិត្តហ្វូន បន្តថា នៅក្រុមហ៊ុនមិត្តហ្វូន ជាវប្បធម៌នៃការងារដែលមានវិន័យ និងការទទួលខុសត្រូវតែងតែត្រូវបានបង្កើតឡើងតាំងពីថ្នាក់លើចុះក្រោម។ នៅពេលណាដែលមានគម្រោង បុគ្គលិកនៅក្នុងក្រុមហ៊ុនតែងតែត្រៀមខ្លួនធ្វើការអស់ពីចិត្តរហូតដល់បញ្ចប់។

លោក បន្ថែមថា អរគុណចំពោះបញ្ហានេះ បើទោះបីជាទីផ្សារទូរគមនាគមន៍នៅកម្ពុជាឈានដល់ភាពតិត្ថិភាពក៏ដោយ មិត្តហ្វូនទទួលបានលទ្ធផលគួរឲ្យចាប់អារម្មណ៍។ មិត្តហ្វូន នាំមុខគេក្នុងការផ្លាស់ប្តូរទៅទិន្នន័យជាមួយនឹង៩២.៥% នៃអតិថិជនរបស់ខ្លួនប្រើប្រាស់សេវា4G ដោយដាក់ក្នុងចំណោមអត្រាប្រើប្រាស់ទិន្នន័យខ្ពស់បំផុតនៅទូទាំងពិភពលោក។ កំណើននេះកើតចេញពីការប្ដេជ្ញាចិត្តរបស់មិត្តហ្វូន​ ក្នុងការរក្សាការគ្របដណ្តប់សេវាទូលំទូលាយបំផុត ដើម្បីទៅដល់ប្រជាជនទាំងអស់នៅទូទាំងប្រទេសកម្ពុជា។

បន្ទាប់ពីផែនការដំណាក់កាលឆ្នាំ២០២១-២០២៥ មិត្តហ្វូននឹងបន្តដឹកនាំការផ្លាស់ប្តូរឌីជីថលនៅកម្ពុជា កសាងហេដ្ឋារចនាសម្ព័ន្ធឌីជីថល វេទិកា និងសេវាកម្ម ដើម្បីបង្កើតសង្គមឌីជីថលដែលមានសសរស្តម្ភសំខាន់ៗ៤៖ ទូរគមនាគមន៍ (ទូរស័ព្ទចល័ត និងអ៊ីនធឺណិតអចល័ត) ដំណោះស្រាយព័ត៌មានវិទ្យា ឌីជីថល ហិរញ្ញវត្ថុ និងសេវាកម្មឌីជីថល។

នៅពេលអនាគត ក្នុងវិស័យទូរគមនាគមន៍ រួមមាន សេវាទូរស័ព្ទចល័ត និងអ៊ីនធឺណិតអចល័ត មិត្តហ្វូននឹងបន្តអភិវឌ្ឍដើម្បីរក្សាតំណែងឈានមុខគេ ខណៈពេលដែលជំរុញកំណើននៃសេវាអ៊ីនធឺណិតអចល័ត។

ក្នុង​វិស័យ​ដំណោះស្រាយ​ព័ត៌មានវិទ្យា មិត្តហ្វូន ​នឹង​ក្លាយ​ជា​ក្រុមហ៊ុន​ផ្តល់​ដំណោះស្រាយ​ព័ត៌មានវិទ្យាដ៏​ធំ​ជាង​គេ​នៅ​កម្ពុជា។ ជាមួយនឹងហិរញ្ញវត្ថុឌីជីថល eMoney នឹងក្លាយជាអ្នកផ្តល់សេវាកាបូបឌីជីថលឈានមុខគេក្នុងប្រទេស កម្ពុជា ដោយជាប់ចំណាត់ថ្នាក់ក្នុងចំណោមអ្នកផ្តល់សេវាទូទាត់ និងហិរញ្ញវត្ថុឌីជីថលកំពូលទាំង៥។

ជាចុងក្រោយ នៅក្នុងវិស័យសេវាកម្មឌីជីថល មិត្តហ្វូន នឹងក្លាយទៅជាអ្នកផ្តល់វេទិកាឌីជីថលដ៏ធំបំផុតនៅក្នុងប្រទេស កម្ពុជា លើផ្នែកជាច្រើន ដូចជា Supper App CamID ការអប់រំ និងការថែទាំសុខភាព។

នាយកប្រតិបត្តិ កៅ ម៉ាញ ដឹក (Cao Manh Duc) បានបន្តថា៖ មិត្តហ្វូន បានផ្លាស់ប្តូរពីក្រុមហ៊ុនទូរគមនាគមន៍ សុទ្ធ ទៅជាក្រុមហ៊ុនទូរគមនាគមន៍ និងបច្ចេកវិទ្យាឌីជីថល ឈានមុខគេក្នុងប្រទេសកម្ពុជា ដោយធ្វើការជាមួយរាជរដ្ឋាភិបាលកម្ពុជា ក្នុងការកសាងសេដ្ឋកិច្ច និងសង្គមឌីជីថល ដែលជាសសរស្តម្ភសំខាន់មួយក្នុងចំណោមសសរស្តម្ភទាំង៥នៃយុទ្ធសាស្ត្របញ្ចកោណ ត្រូវបានអនុវត្តដោយរាជរដ្ឋាភិបាល។

ដំណើររយៈពេល ១៥ឆ្នាំរបស់មិត្តហ្វូន បានកសាងទំនុកចិត្ត និងសុភមង្គលតាមរយៈភាពស្មោះត្រង់ និងគុណតម្លៃដែលមិត្តហ្វូនបាននាំយកមកកម្ពុជា។ ការជឿទុកចិត្តនេះ គឺជាកម្លាំងចលករជំរុញឱ្យក្រុមហ៊ុនកាន់តែខិតខំប្រឹងប្រែង ដើម្បីបង្កើតតម្លៃបន្ថែមទៀតសម្រាប់ប្រទេស និងប្រជាជនកម្ពុជា៕